رجاء خاص فكروا بالعقل، هادي راهي (شهادة) مش نهاية العالم!


شن الكلام اللي نسمعوا فيه (كان منجحتش بامتياز بنقتل روحي ولا بنموت)؟ هذا كله على خاطر نسبة وتقدير؟


إي معاكم حق، محد يبي تعبه يمشي هكي. لكن رزقك ونصيبك ربي كاتبهولك من يوم جيت للدنيا، والواحد يرضى بالمكتوب. أنت دير اللي عليك، اجتهد واقرا وجاوب بمجهودك، والباقي سلمه لربي.


بالله عليكم فكروا في عائلاتكم لما تقولوا هكي شن بيصير فيهم؟ توتروا فيهم وتخلوا أعصابهم محروقة علاش؟

هذا كله على خاطر قرايا؟ راهو التفكير هذا غلط، فيقوا واعرفوا كيف تتصرفوا. اغلط توا وتعلم، مدام ورقة الامتحان مزال مش قدامك.


وموضوع (لازم نجيب نسبة باش نخش طب ولا هندسة)، راهو حالياً الطب بالتمهيدي ومجهودك الحقيقي بيبان غدوة في الجامعة

لو في الشهادة بديروا في روحكم هكي، في الجامعة كيف بديروا؟ لو قعدتلك مادة شن بيصير فيك؟ خصوصاً الطب يبي وسعة باللل ومسؤولية كبيرة

أني شخصياً جربت وقعدتلي مادة، وصحاباتي صفوها، وجعتني لكن رضيت، لا حرقت دمي، ولا وقفت ولا قولت بندير في عمري مصيبه؟

لأن هادي هي الحياة.ونصيبي خديته

نقولكم في الكلام هذا عن تجربة، كنت زيكم نبي النسبة والتقدير، لكن في