السلام عليكم ورحمة الله وبركاته.

بننصحكم بكلام لمسيرتكم الدراسية مش عارف هل نلقى إقبال أو لا.

متأسف على التأخير، لكن الموضوع يستاهل

أغلب الطلبة يسألوا كيف نقرا؟ هل نقدر ندير طريقة خاصة بيا؟ وهل طريقة فلان لازم تمشي معاي؟ الحقيقة إن مافيش خطة وحدة تنفع للجميع، لكن فيه أساسيات لو ضبطتها حتتغير أمورك حتى لو كنت تايه.

أول حاجة اسأل روحك كيف علاقتي مع ربّ؟ مرات نقرأ ونحاول ونضغط على روحنا لكن مانحسّوش بتركيز ولا راحة لأن صلاتنا بلا خشوع، أو لأننا مقاطعين القرآن، أو غارقين في موسيقى وتصرفات تأثر على نيتك ، علاقتك بربّ هي الأساس، وربي يقول: ﴿ وَمَن يَتَّقِ ٱللَّهَ يَجْعَل لَّهُۥ مِنْ أَمْرِهِۦ يُسْرًا ﴾. صدّقني لو صلّحت هالنقطة، كل شي يلين.

النقطة الثانية إن الظروف تختلف انت مش زي صاحبك ولا زي زميلك ، فيه اللي مغترب، وفيه اللي يخدم، وفيه اللي مستقر لكن نفسيته مدهورة لأسباب ، لهذا ما تقلّدش حد، بل شوف وضعك ورتّب وقتك حسب نشاطك رياضة، قرآن، إنجليزي، تطوع… إلخ.

المهم خلي قرايتك أهم أولوية دير خطة A وقت كل شي ماشي صح، وخطة B وقت الضغط، وخطة C وقت الظروف الصعبة أهم شي صحتك النفسية والجسدية، راهي أثمن من أي مادة.

لو مش عارف كيف تبدأ وقاري مشتت، سهّلها على روحك اختار مصدر واضح لمادتك جرّب الأكثر شهرة عادةً يكون مضمون أكثر لو فهمت كمّل، لو ما فهمتش بدّل بدون عناد وتسكير راس ولو لقيت روحك ضائع تمامًا، اشترك فوت جو متع مستحيل نشترك، مفيهاش عيب بالعكس هذا ذكاء واستثمار في نفسك ووقتك.

باش تثبت محاضراتك، دير نظام بسيط اليوم افهم، غدوة راجع، بعد أسبوع مرّ عليها سريع استخدم الهايلايتر، حل أسئلة، ولو تقدر استعمل Flashcards باش ترسّخ المعلومة وفيه طريقة قوية كنت نستعملها في القرآن نقرا بصوت عالي ثلاث مرات، وبصوت داخلي مرتين، ونكتبها مرة طريقة تخلي أي شي ينحفظ بسهولة أكثر ، أما طريقة البرومودورو، فوته كلام فارغ وحيشتتك أكثر اصلا مش لازم كل شي يكون مضبوط بالدقيقة.

نحي من طريقك كل ما يعطلك صاحب يحبط؟ أبعد مكان مزعج؟ بدّله السوشيال ميديا؟ قلّل منه وقتك غالي وربي بيسألك عليه واستوعب إنك مش ماكينة، ضروري تدير حاجة تفصل بيها مشية، قهوة، قرآن، رياضة أي شي يعيد شحنك.

وخليك صريح مع نفسك سقطت؟ مستواي نازل؟ عادي خذ وقتك وازعل من حقك مفيش حد يقدر يطبطب عليك مفيش حد بيحس بيك، لكن بعدها قول أنا علاش رسبت؟ وين غلطت؟ في أغلب الحالات الغلط فينا مش في المادة، لكن الجميل إن كل غلط قابل للإصلاح.

نسأل الله أن يوفقكم ويكتبلكم السداد، وإن شاء الله نكون فدتكم ولو بكلمة واحدة.

أقروهه مهمممم🌷.

🔥 … اليوم ينزل أقوى شيت في الباب التاني – الميكانيكا 🔥

💥 مش مجرّد شيت… هذا الشيت النهائي اللي يلملم كلّ شي في المنهج:
✔ اهم ملاحظات الكتاب
✔ أمثلة الكتاب بطريقة واضحة
✔ تمارين متنوعة
✔ أفكار وأسئلة الامتحانات السابقة لحد نهائي العام اللي فات

🎯 لحد نهائي العام اللي فات لدفعة 2007 للداخل والخارج… من أربع نماذج كاملة!

🔓 باختصار:
لو تقراه مليح… تقدر تعتمد عليه اعتماد كلي 💪

🔥 شيت الباب التاني – الاحتكاك 🔥
… الشيت الذهبي لمادة الميكانيكا!

شيت الكل في الكل… يجمع لك كل ما تحتاجه لفهم الباب الثاني

✨ محتوى الشيت؟
• جميع ملاحظات الكتاب حتى اللي بين السطور
• حل كل الأمثلة والتمارين
• أكتر من 150 سؤال متنوع
• أسئلة سنوات سابقة لحد نهائي العام اللي فات – دفعة 2007 للداخل والخارج


موفقين جميعاً
ولا تنسونا من صالح دعائكم 🙏