ذكر المساء 💗

رضيتُ بالله رباً، وبالإسلام ديناً، وبمحمد صلى الله عليه وسلم نبياً -ثلاث مرات-

صلاة الوتر، وما تيسّر من القرآن 💗

قال النبي محمد صلى الله عليه وسلم: يَتَنَزَّلُ رَبُّنا تَبارَكَ وتَعالى كُلَّ لَيْلَةٍ إلى السَّماءِ الدُّنْيا، حِينَ يَبْقى ثُلُثُ اللَّيْلِ الآخِرُ، يقولُ: مَن يَدْعُونِي فأسْتَجِيبَ له، مَن يَسْأَلُنِي فَأُعْطِيَهُ، مَن يَسْتَغْفِرُنِي فأغْفِرَ له.
الراوي: أبو هريرة • البخاري، صحيح البخاري (٦٣٢١) • [صحيح] • أخرجه البخاري (٦٣٢١)، ومسلم (٧٥٨) • 

وأخيراً بعد ترتيب النوم، وروتين واضح يومي، وبعد رجعتي من السفر فرزنت خضار وفواكه للطبخات السريعة، بديت احس إن إنجازي بدأ يصير مرضي الحمدلله✨️

طول ما أنا صاحية، أحب اشرب اشياء مفيدة، نعناع او كمون او قهوة فستق، او حتى حليب بالعسل ✨️

اخذت استراحة وفطرت الحمدلله، نرجع نكمل مذاكرة 💓

ذكر الصباح ✨️

أصبحنا وأصبح الملك لله، والحمدلله، لا إله إلا الله وحده لا شريك له، له الملك وله الحمد، وهو على كل شيء قدير ، ربّي اسألك خير مافي هذا اليوم وخير ما بعده، وأعوذ بك من شر هذا اليوم وشر ما بعده، رب أعوذ بك من الكسل، وسوء الكبر، رب أعوذ بك من عذابٍ في النار وعذابٍ في القبر

ذكر المساء✨️

يا حي يا قيوم برحمتك استغيث، اصلح لي شأني كله ولا تكلني إلى نفسي طرفة عين

🔵 تذكير، إحفظ من القرآن ولو آية، ويا حبّذا لو تقرأ شوي عن تفسيرها، هذا موقع يشمل الكثير من كتب التفاسير
https://tafsir.app/

السلام عليكم

جمعتلكم أهم 6 جوانب من حياتك لازم تهتم وتخطط ليهم 👌

✨ إن لنفسك عليها حق ✨

عشان تبدأ تهتم بحياتك لازم تدرس جوانب حياتك وشخصيتك وتعرف إنت مقصر فين وعندك مهارات ايه وتحاول تطور من الحاجات اللي مقصر فيها وتنميها 💪

🛑 اولا الجانب الديني:-

قبل كل حاجة لازم تقف واقفة مع نفسك وتشوف إنت فين من حياتك مع ربنا. 

تلتزم بصلاتك، تلتزم بوردك من القرآن، أذكارك، تقرأ كتب دينية عن السيرة، الحديث، التفسير، بر والديك، مساعدة حد محتاج، تطلع صدقه، تصوم تطوع على الأقل مرة كل شهر لو قادر. 

تحاول تتجنب الغيبة والنميمة، تعامل الناس بالحسنى، تقضي وقت خلوة مع الله لحظاتك مع الله لاتقدر، ترجع دايماً إلى الله مهما أذنبت توب توبة صادقة .
ومننساش حفظ القرآن ولو آية
ودي قنوات تساعدك في حفظ القرآن

دي قناة متاحة ٢٤ ساعة اونلاين ومجانا

⭕مقرأة للنساء
https://t.me/elmaqraaelhura2


⭕مقرأة للرجال
https://t.me/hefzelquranghyrne


ودي تطبيقات هتفيدكم

حصن المسلم
https://play.google.com/store/apps/details?id=com.maher4web.hisn

مسبحة  https://play.google.com/store/apps/details?id=com.trkstudio.tasbeehcounter

🛑الجانب العلمي :-

خطوات هتفرق معاك فى المذاكرة .

لو أنت من الأشخاص اللي المعلومات مش بتثبت معاها وبتنسي بسرعة، أو من الأشخاص اللي متعرفش تذاكر بذكاء.

•أول حاجه هي التخطيط بشكل كويس ومنظم)). ♡

•حدد أهدافك حسب أولوياتك، وأمشي عليها))♡.

•ذاكر فى مكان هادي وابعد عن الدوشة والتشتت))♡.

• سيب الموبيل فى الوقت ده، ولو أنت بتذاكر من الموبيل يبقي تقفل أشعارات السوشيال مديا كلها)) ♡.

•اعمل ملخصات وملاحظات وخرائط ذهنية ورسومات تساعدك على التركيز والاستيعاب.

•ذاكر بطريقة 25 دقيقه واستراحة 5 دقايق صدقني هتفرق معاك جدًا وهتحصل على نتيجة كويسة))♡.

•افهم قبل ما تحفظ واربط اللي فهمته بمثال عشان يكون فى مخك اكبر فترة ممكنه.

•آخر حاجة وهي المراجعة خلي فى جدولك دايمًا يوم للمراجعة فى اخر الاسوع وده هيساعدك على الحفاظ على المعلومة بشكل أطول))♡.

مارس أي هواية بتحبها خلال فترة دراستك اعتبرها هدنة بتستريح فيها وتطلع كل طاقتك السلبية فيها خلال يومك. 

اتعلم مهارة بجانب تعليمك وخد كورسات في المجال اللي أنت حابه متضيعش فترة الجامعة من إيدك واستغلها كويس مش هتتكرر تاني. 

ابذل مجهود واسعى عشان تجيب تقدير أعلى وكويس من السنين اللي قبلها. 

دراستك لازم تكون من خططك وأهم خططك لأن ده مستقبلك واللي هيكون متحدد عليه حياتك فاستغل فترة دراستك وذاكر واسعَ عشان في يوم توصل للي بتتمناه ومتندمش إنك ضيعتها من إيدك. 

🛑الجانب المهاري:-

اتعلم مهارة من مهارات العمل الحر، طور من نفسك بإستمرار، متيأسش من صعوبة بداية الطريق فلكل طريق نهاية مكللة بالنجاح. 

اتعلم لغة جديدة واتقنها كويس لأن معظم سوق العمل دلوقت بقى محتاج لغة كويسة، لازم على الأقل تواظب على عادة واحدة كويسه في حياتك تديك دافعة لقدام وتغير من تفكيرك. 

اقرأ عشان القرآءة هتساعدك كتير في تنظيم أفكارك واكتساب عادات جديدة هتنمي من تفكيرك وتساعدك على حاجات كتير.

ودي قناة بتدي كورسات في كل المجالات مجانا
https://t.me/Coursat2020

🛑الجانب الصحي:-

اشرب ماية كتير، كل أكل صحي.

اتعود على ممارسة الرياضة خلال يومك بتحسن نفسيتك وصحتك وبتديك طاقة وحافز تكمل يومك .

قلل من استخدامك للموبايل صحتك وعينك أهم. 

كل فترة حاول تعمل فحص كامل ليك عشان تطمن على نفسك ولو لقدر الله بتعاني من حاجة تقدر تلحقها من الاول. 

👍🏻اتعلم تعيش صح

🛑 الجانب الشخصي:-

كن إيجابي مع نفسك 

قدر قيمة نفسك، متخليش أي حد يقلل منك ولا من مجهودك، متسمحش لأي حد يتخطى حدوده معاك ويقلل منك على سبيل الهزار. 

حب نفسك، حب نفسك، حب نفسك، حب الخير لغيرك عشان يجيلك هو كمان. 

ابعد عن أي حد بيديك طاقة سلبية سواء كان مين، افتخر وثق بنفسك وباللي وصلتله واللي هتوصله لسه أي انجاز بتعمله هو إنجاز كبير بالنسبالك. 

لازم تفهم وتقدر قيمة نفسك وتعرف إن أي شخص وأي حاجة راحت منك إن ده الخير ومتزعلش عليها وتاخد حياتك كلها في الزعل والندم. 

لا أنت قوي ومعافر وتقدر تقوم وتتحدى كل حاجة وتقف من تاني. 

وافتكر إن رب الخير لا يأتي إلا بالخير 

طالما لسه موجودين في الدنيا يبقى أنت أكيد هتقدر وهتوصل بس خليك واثق وإيجابي مع نفسك واسعَ وسيب نتيجة سعيك على اللي خلقك.

🛑الجانب الترفيهي:-

اتعود تكافئ نفسك بهدية صغيرة بعد كل امتحان ، بعد كل محنة، مشكلة صعبه قدرت تتخطاها بكل قوة رغم ظروفك. 

كافئ نفسك بعد كل إنجاز عملته وتحدي قدرت تتخطاه بتفرق أوي في نفسيتك، نفسك عليها ليك حق لازم تسعدها وتديها حقها. 

اخرج خروجة بسيطة بتحبها، سافر مكان بتحبه، روح عند أي حد بتتبسط معاه، هاتلك أكلة بتحبها، مشروب بتحبه كل واحد على حسب هو ايه بيفرحه. 

 كل منا مميز بطريقة ما.

اتعود تكافئ نفسك عشان أنت تستاهل

وفي الختام الحياة ليها جوانب عديده …وازن بين كل الجوانب ولا تتمسك بجانب واحد فتضيع حياتك .

⭕البوست منقول لأكثر من شخص بس انا ضفت وعدلت عليه بعض الأشياء .

قبل ما تنامو .. حطو تليفوناتكم جنبكم واضبطو المنبه على موعد صلاة الفجر ..

{وَقُرْآنَ الْفَجْرِ إِنَّ قُرْآنَ الْفَجْرِ كَانَ مَشْهُودًا}
صلاة الفجر هي نور يومك .


احسن وقت الإنسان يبدء يذاكر فيه هو الوقت الي بعد الفجر على طول ،يعني يصلي الفجر ويقول اذكاره ويقرء الورد بعدها يبدء مذاكرة
في البكور بيبقى في بركة كبيرة جدا جدا رسولنا الكريم صلى الله عليه وسلم يقول في حديث شريف له: «اللهم بارك لأمتي في بكورها»

بحيث انك ممكن تخلص فصل من مذاكرتك ولسه الوقت هيكون بدري عليك كتيير اوي ف بالتالي هتقدر انك تكمل باقي المذاكرة الي عليك وتراجع كمان.

#منقول

📍نصيحة

وانتوا في الجامعة
انتبهو تنسوا   (( الصلاة ))

مش معقول يأذن الظهر والعصر وأنت في الكلية وماتدخلش تصلي ...محاضراتك مش مبرر أبدًا لتضييع الصلاة .. حافظوا على صلاتكم في وقتها.

- عارفة انو ده مش سهل في كل الاماكن وعارفة انو ساعات بيكون في سكاشن  بس حاول واسعي تصلي الصلاة علي وقتها .


- وفي النهاية حابة اقول إن الصلاة هيا البداية لو ظبطها صح كل حاجة في حياتك هتتظبط باذن الله 🩷🌸

# منقول

الدراسة عمرها ما كانت جميلة الا لو بتقرأ من قبيل القراءة بلا هدف غير انك تتعلم لكن تقرأ وتمتحن دا اصعب شئ في الدنيا لأنك هتكره اللي بتقرأه وهتحس انه مفروض عليك.
الدراسة طريق للوصول وليست نفسها الهدف ، هيا مجرد رحلة للسعي وبس سواء كانت مريّحاك او لأ زي سكة السفر اللي ممكن تاخذها على رجليك او العربية او الطيارة وكل سكة منهم ليها مميزاتها وعيوبها اللي غالبا هتنساهم لما توصل.
العمل بعدين هوا الشغف او لأ ، وهوا الهدف وهوا الحاجة اللي هتخليك مستمتع بحياتك فعلا او حاسس انك مش صح.
ما تستعجلش الحكم على حياتك بسبب كام كتاب وكام سنة دراسية لان الهدف لسه اصلا مجاش ولان الوصول بييجي بالسعي ولأن الباب يوشك أن يُفْتح لولا انك تستعجل الرحيل.
لا ترحل، أكمل طرق الباب، يومًا سيُفْتح.


#نصائح
#منقول