المحاضرة الأولى:
إذا محاضرة أم الساعتين من 8:30 إلى 10:00
إذا التك الساعة: 👇
8:30 - 9:15 ... 1.1
9:15 - 10:00 ... 1.2

المحاضرة الثانية:
إذا ساعتين من 10:15 إلى 11:45
وإذا ساعة: 👇
10:15 - 11:00 ... 2.1
11:00 - 11:45 ... 2.2

المحاضرة الثالثة:
إذا ساعتين من 12:00 إلى 1:30
إذا ساعة: 👇
12:00 - 12:45 ... 3.1
12:45 - 1:30 ... 3.2

السلام عليكم
تقبل الله صيامكم وطاعاتكم

دزيت الصور الفردية للكل على الخاص
هسه مرحلة التدقيق شوفوا إذا عدكم صور بعد مصوريها وما دازها أو ناسي أحد ما دازله لهسه ... هاي اليومين عدكم كلها ترتبون وضعكم وتشوفون صوركم على راحتكم وتختارون منها التردوهن

بدءًا من يوم الخميس مساءً راح أبلش أستقبل منكم الصور التردوها تنحط بالألبوم ... تختارون فقط (4) صور، وأي صورة زيادة تريدون تضيفوها تدفعون (5 آلاف) على كل صورة.

كذلك تختارون نوع الألبوم التردونه ملكي لو عادي (الملكي +10 آلاف على السعر)
.

يعني الأريده منكم الخميس:
1- ترجعون تحولون بس الصور التردوها إليَّ مرة ثانية
2- الاسم الثلاثي
3- نوع الألبوم التردونه (ملكي أو عادي)

.
وبالنسبة للقناتين كمّلت إرسال الصور الجماعية والعفوية بيها، بس خل أچيكها آخر مرة واليوم إن شاءَ اللّٰه أقبلكم كلكم

للّي بعده ما منضم:
قناة الطالبات:
https://t.me/+t3ditBdKfNM1M2I8

قناة الطلاب:
https://t.me/+l1BDjabWP_FmYmRk

شباب اللي عنده نقص بصوره خل يراسلني ويدلل

+ للمعلومة، هذن الصور خام من الكاميرا بدون تعديل، من تختارون 4 صور راح أخلّي لكل طالب ملف باسمه داخل الفلاش، وبعدها يعدلون عليهن قبل الطباعة واضافتها للألبوم

بالاضافة للجماعية بعدها بالتعديل، راح يكون لكل طالب 4 صور فردية و2 جماعية وحدة بالملعب ووحدة بالمحافظة، ولا تخافون من ناحية المحافظة مصورين على دفعتين راح تكون صورتكم نفسها اللي ظاهرين بيها بدون لا خطأ ولا خربطة فلا تشيلون همها

وبالنسبة للمقاطع بعدها بالتعديل من تكمل آخذها وادزها ع القناتين

هسه الأريده خلال هليومين أكمّل نقوصاتكم للي عنده بعد صور
حتى الخميس تدزولي الفرديات التردوها

وللملاحظة لليريد يضيف صور فوك ال4
ما يصير يضيف بس صورة وحدة لأن الألبوم وجهين
يعني الاضافات تكون زوجية
2 اضافية فوك الأربعة ب10
4 إضافة فوك الأربعة ب20
وهكذا

طلبة المرحلة الرابعة صباحي والمسائي
رمز كلاس مادة هندسة المعرفة

wka7unb6

ملزمة الچابتر الثاني (هندسة المعرفة)

- دكتور صلاح
- ست اسماء

السلام عليكم
تقبل الله صيامكم وطاعاتكم
دزولي صوركم الفردية اللي تردوها بالألبوم اليوم

وكتبوا وياها الآتي:

1- الاسم الثلاثي:
2- عدد الصور:
3- نوع الألبوم: ملكي أو عادي
4- الملاحظات: مثلاً اريدهن خام بدون تعديل ... أو أي ملاحظة ثانية، مثلاً تريد جماعية وحدة، وهكذا أي ملاحظة ببالك ...

*ترجعون تحولون إليَّ الصور التردوها تحويل مو تأشرون وتردّون عليها بمحادثتي هيج أتخربط وممكن اختار صورة غير التقصدوها سهوًا ... فرجعوا حولوهن تحويل ودزوا هاي المعلومات مالتكم من الاسم الثلاثي و...إلخ.

باجر آخر يوم لارسال صوركم ...
وبعدها أخلّي كل طالب بملف خاص بيه ثم أجمعهن كلهن بفلاش واسلمهن للمؤتمن هليومين حتى يطلع ألبومنا من وكت، هذا الملف الخاص بكل طالب راح يكون بيه صوره ومعلوماته والموضوع مو هيّن شباب أبحدي أشتغل الطلاب كلهم فمو أخلص ويجي واحد بعده ما دازهن بلغوا أصدقائكم يدزوهن اليوم.

@HamzahAyoob

شباب بالملاحظات اريدكم تكتبولي الآتي:

عدد الصور الجماعية الصورتوهن صورة لو صورتين
إذا صورتين، بالمحافظة بيا وجبة صورتوا الأولى والثانية

مثلاً:
الملاحظات: الجماعية صورتين
صورة المحافظة (الوجبة الأولى)

أما إذا مصورين صورة جماعية وحدة
فدزولي 5 صور فردية
حاجيته ووافق وراح تكون ضمن السعر بدون ما تدفعون خمسة زيادة

وإذا تردون أي صورة إضافية لازم تضيفون صورتين صورتين (عدد زوجي) ما يصير تضيفون بس صورة وحدة لأن الألبوم وجهين

وبالنسبة لصورة الغلاف راح تكون ضمن عدد الصور يعني تدزون بس 4 ما تدزون صورة خاصة بس للغلاف

السلام عليكم ...
غدًا محاضرة أمنية أونلاين لكل الشعب
الساعة 4:00 عصرًا
على برنامج الزوم
https://play.google.com/store/apps/details?id=us.zoom.videomeetings

شباب بالنسبة للكتابة باليد ست اسماء گالت لازم تكتبون بيدكم (قرار لا رجعة فيه) اعتبروها مسودة إلكم راح تفيدكم وتخليكم على اطلاع على المادة وبنفس الوقت بوكت الإمتحان ترجعولها وتقرون على ملخصاتكم
وگالت المهمات أنتم تحددوها من خلال قراءتكم وفهمكم
ترجموا واقروا وفهموا وتعرفون شنو المهم ...
وما راح يجي شرح غير اشياء قصيرة او مقارنات


والموضوع ما راح يستمر لكل الأفصل، گالت هسه كتبوا هذن الچابترين الأول والثاني والله كريم البقية يمكن ينلغن بوكت الإمتحانات لأن گلتلها ما عدنا وقت ... فـ بس هذن كتبوهن ودرسوهن

https://us05web.zoom.us/j/81269624200?pwd=VMh0eUNoXDHrCBXcjgld85bTcZgjav.1

محاضرة امنيه على برنامج الزوم

السلام عليكم
تقبل الله صيامكم وطاعاتكم

إلّي بعده ما داز الصور الفردية خل يدزهن اليوم

يؤسفنا أن نخبركم بتبليغنا باحتمالية استمرار تعطيل الدوام من مجلس محافظة البصرة للأسبوع المقبل، هذا يعني التعليم غالبًا متجه للإلكتروني لذلك الأساتذة جاي يطلبون من عدنا محاضرات إلكترونية وبسماح وتوجيه من رئيس الجامعة إنهم ياخذونا إلكتروني، وأعرف المحاضرات برمضان مو مثل غير رمضان لأن إذا نخلّيها ورى الفطور راح تكول فئة من الطلاب إن أحنا عدنا شغل أو نطلع نتونس أو تعبانين ورى الفطور، وإذا قبل الفطور راح تكول فئة من الطالبات أحنا عدنا تجهيز للفطور، وإذا نخليها الصبح كلها نايمة، فالموضوع على أي حال برمضان ما راح يناسب الكل وأحنا ملزمين ناخذ محاضرات إلكترونية برمضان، وعليهِ حتى ما يكونون الممثلين بالوجه مثل اليوم راح نسوّيلكم تصويت والوقت اليناسب أكثرية الطلاب هو اللي نعتمده مع الأساتذة

أما الأيام بما إن التعليم متجه نحو التعليم الإلكتروني فراح تكون المحاضرات ضمن أيام الدوام الرسمي وحسب الجدول الأسبوعي
وهاي لأن أول محاضرة ناخذها أونلاين ولكل الشعب طبيعي يصير بيها أخطاء حتى نتفادها بالمحاضرات الجاية
وبعد رمضان إن شاء الله إذا أستمرت الأوضاع هيج تكون المحاضرات صباحًا بنفس أوقات الجدول الأسبوعي

وفي حالة استقرار الأوضاع وعودة الدوام لطبيعته الأسبوع المقبل راح تكون الإمتحانات بعد عطلة العيد مباشرة ... وكنا نأمل أن نمتحن برمضان حتى نلحك نمتحن شهرين وعلى راحتنا كل أسبوع إمتحان لكن أوضاع العراق والمنطقة حال دون ذلك والحمد للّٰه على كل حال.

راح اكملهن وأدزهن اليوم للمؤتمن
اللي ما دز خل يستعجل يدز هسه قبل لا أدزهن

إذا دز متأخر ورى ما دزيت راح ينرسل كملحق يعني يستلم ورانا