البقية من يوصلن ابلغكم
لحد 11:00 إن شاء الله واصلات كلهن

تعالوا لقاعة 9

وصلن هذن:

1: بنين عبد الكريم
2- حيدر علي
3- حيدر عباس
4- علي عماد
5- شهد شاكر
6- محمد كاظم (طفل)

السلام عليكم ...
موعد تخرجنا إن شاءَ اللّٰه يوم الخميس 5/2/2026 على موعده

لكن الصورة داخل الكلية فقط راح نأجلها لغير يوم (فقط داخل الكلية) لأن أولاً رئيسة القسم گالت ما أتحمل المسؤولية أبحدي وحقها وثانيًا الأساتذة ما راح يحضرون وهي صورة من العمر وراح نبقى نتذكرها طول العمر وتصير هيج بدون أساتذة ما إلها أي جمالية.
لذلك صورة الكلية تتأجل ليوم نحدده لاحقًا.
وباقي الفقرات كلها تبقى نفسها من زفة وغيرها.

التجمع الساعة 9:00 أمام بوابة الجامعة الرئيسية (بوابة رقم (1)) أخذت الموافقات الأمنية كلها حتى يوكفن المنشآت والسيارات هنا.

لحد يروح للملعب مباشرة لأن أولاً راح تفوته الزفة.
وثانيًا راح يدفع 2,000 للتذكرة حتلو چان طالب لأن دخوليته ما صارت ويَّ الطلاب.
لذلك لحد يتأخر لأن بـ 9:30 نحرّك وما ننتظر أحد، كل سياراتكم تطبكوها مقابل البوابة الرئيسية حتى تحرّكنا يصير واحد وبوقت واحد.

هذا الوقت الراح نگضيه بالملعب فائدته أن نلحك كلنا نصور على لوكيشنات شركة لوكيشن كلها وهي على (جدار المشاهير بإسم الدفعة + الأربع ديكورات كلهن + تعلقون أروابكم والأوشحة على اللوكر الأبيض المصمم إلنا + تصورون على المرايات + تصورون على اللافتات + نشغل أكبر قدر ممكن من الأغاني مالت التخرج)

+ تلحگون تسوون أكبر قدر ممكن من الفعاليات والريلزات وي أهلكم وأصدقائكم لحد الساعة 3:00 العصر

وهي الكلية ترى كلشي ما بيها بس أحنا نريد نصور بيها علمود الأساتذة وعلمود المكان الگضينا بيه كل هلسنين ... وهذا لازم نرتبه بيوم أنسب حتى ما يخرب

فشنو رأيكم؟

الانطلاق يكون الساعة 9:30

لذلك تجمعوا ببوابة الجامعة الساعة بـ 9:00

أحنا بالطريق راح نسوي هواي فعاليات وراح ننزل بالشارع ونستغل وضع العطلة ماكو ازدحام ... فيعني وصولنا للملعب راح يكون فوك العشرة

واللّٰه يسهّللنا إن شاء اللّٰه تعالىٰ 💙

الانطلاق الساعة بـ 9:30

فرتبوا اموركم على هذا الوقت كون بـ 9:15 كلكم موجودين وصاعدين بالمنشآت حتى بـ 9:30 نحرّك

زي درة علي طفلة المن

باجر راح اروح للخياطة
اللي عنده شي يمها خل يبلغني بالخاص
سواء قطعة من الزي أو فلوس

والباقي عنده شي يم الخياطة ويريد تدزه إله توصيل خل يبلغني هم ويدزلي موقعه واقرب نقطة دالة + رقم تلفون ... حتى توصله العصر

أو إذا يريد هو يجي بنفسه ياخذه من المشغل ... خل يدزلي بالخاص ادزله اللوكيشن

اللي ما دافع فلوس التصوير اليوم يدفع حصرًا لأن باجر اوديهم للمؤتمن ... وهسه هو خابرني ويريد عدد الدافعين

يعني الما دافع تصوير معناها ما يجي ويانا بيوم التخرج

فالما دافع هسه يحوّلي المبلغ على الماستر وإذا ما عنده ماستر يروح لأقرب مكتب يحولهن هسه اليوم فقط

راح ادزله فقط اسماء الدافعين ...
فلا تخلوني وتخلون نفسكم باحراج وتجون وأنتم ما دافعين

فراح افرز واجرد الاسماء هسه وادز قائمة باسماء الدافعين والما دافع خل يدفع فضلاً

15 ألف لوكيشن
17 المؤتمن
5 نقل

50 إذا كامل وشامل كلشي (لوكيشن وتصوير جماعي وفردي ونقل مجاني)
37 جماعية ولوكيشن ونقل
32 جماعية ولوكيشن

هذن الأسعار

اللي عنده مصور فردي خل يدزلي اسمه على الخاص

علمًا المصور الفردي ما يدخل إلا ورى الصورة الجماعية

قبل كلشي محد گال ولا أحد يكدر ما يدخلكم لو ينزلكم من المدرج بسبب الدفع حتلو ما دافعين، بس أكو نقاط لازم تعرفوها حتى تعرفون شنو راح يصير:

1- اللي يصعد على المدرج بالصورة الجماعية هو محسوب علينا عدد، يعني ما راح ينزله بس تالي راح يگلي حمزة هذول عددهم هلكد وأنت محاسبني على عدد هلكد بقوا عدد هلكد على كل واحد تدفعلي 17 ألف ... زين إذا أنتم ما دافعين شلون؟

* وللعلم هو مو بس الصورة الجماعية راح يصورها، راح يصور كل فعاليات الحفل حاله حالنا، الفرق فقط بالفرديات والألبوم لا غير، فسواء عنده مصور فردي أو لا هو حاله حالنا وأحنا حاجزين كدفعة ما حاجزين كفردي حتى ما نحاسبه لأن عدنا مصوّر ثاني ويانا.

2- أنا واحد من الناس عندي مصوّر فردي وهسه من نزّلت التبليغ راسلوني هواي أشخاص عدهم مصور فردي، زين هذول من يدخلون كلهم بالصورة الجماعية شلون راح يكدر يسيطر المؤتمن؟! أحنا حاجزين كدفعة ما حاجزين كفردي وياه وحقه بهذا الشي هي صورة جماعية = تصوير مصور الدفعة ... ولو وياه واحد ثنين مصورين فرديين ما يأثرون عليه بس عدد المصورين الفرديين الجايين وياكم كلش هواي، وهو گال ما عندي مشكلة يدخلون ورى الصورة الجماعية ويصورون تالي، بس بالصورة الجماعية أنا وكادري ما نكدر بهيج وضع وهذا أولاً لمصلحتكم قبل مصلحتنا وثانيًا أنت مبلغني دفعتك 200 وتالي أجي وألگه دافعين بس 100 هذا مو منطقي على شنو حسبتلكم النقل مجاني لوما عددكم.

3- اليكول ما أدفع لشركة لوكيشن ليش هو تخرجنا شنو بدون لوكيشن؟ كلشي راح يصير على لوكيشن، الدخولية من أقواس لوكيشن، الأغاني من مهندس صوت لوكيشن، الديكورات واللوكيشنات منهم، تنظيم العوائل والفعاليات منهم ... لذلك لوكيشن للكل.

3- حجايتي إن ما راح أحسبه ويانا بالتخرج لأن أكو طلاب فعلاً ما مشاركين ويانا وعددهم مو قليل فأنا ما أكدر أفرّق بين اليريد يجي وما دافع وبين اللي أصلاً ما يريد يجي، فبديهي أعتبر اللي ما دافع (ما يجي) ويانا بالتخرج مو قصدي (لا يجي) ويانا بالتخرج ما جاي أطرد أحد جاي أكول هاي الشغلة تنظيمية وكل اسم هو محسوب عليَّ ومبلغكم بيها من أول ما حجزنا وبالتفصيل هاي التكاليف وهاي كدامكم كلشي وكل هاي التكاليف تعرفوها وحتى سويتلكم عليها تصويت وقبلتم، فبأي حق يجي شخص ما يدفع أي شي ويريد يشارك خاوة وغصبًا على الكل ابلاش بحجة عنده مصور فردي؟! أنا مو ذنبي مطلّع مصوّر فردي هاي إضافة منك إلك بس أنت جاي ويَّ الدفعة فحالك حال الدفعة

4- لذلك الأتمناه كل شخص مشارك ويانا وعنده مصور فردي يدفع 17 ألف للمؤتمن و15 ألف للوكيشن.

والقصد بالصورة الجماعية مو فقط بالملعب هو راح يصور الدفعة من اول ما تدخل للملعب ويصور جميع الفعاليات كلها الخاصة بالدفعة وكذلك بالباذنجانة هن فعاليات دفعة جماعية، لذلك 17 شاملة الي يخص الصور الجماعية والفعاليات الجماعية

شباب كتبولي بتعليقات هاي الرسالة كل الاغاني الاضافية التردون باجر تشتغل بالملعب

للعلم موجود مهندس صوت يعني راح يطلع فدشي إن شاءَ اللّٰه

المصور وشركة لوكيشن يردون مني عدد اليتخرج ويانا وأكو هواي طلاب لاحظتهم يتخرجون ويانا وما مسجلين اسماؤهم يم الممثلين

فاللي يجي ويانا وبعده ما دافع بس خل يدزلي اسمه ع الخاص حتى ابلغهم بعددنا الكلي وشركة التنظيم تحسب حسابها
@HamzahAyoob

اللي رجعتلي الخياطة فلوس النقص مالته إن شاء الله الأسبوع الجاي أرجعهن إلكم

السلام عليكم ... هاي الاسعار شاملة المؤتمن + لوكيشن

تأكدوا من
1- السعر مضبوط الدافعينه.
2- إذا أكو أي خطأ سهوًا أو ناسي أحد أو هو دافع وأنا كاتب ما دافع بلغني على الخاص.
3- اللي حاط يم اسمه صفر يعني يتخرج ويانا بس بعده ما دافع وباجر يدفع، اما اللي ما حاط يم اسمه صفر الرجاء بيان موقفكم تتخرجون ويانا أو لا لأن عدنا هواي أمور نحسب حسابها إلكم.

ما بقت غير ساعات قليلة تفصلنا عن أهم يوم بحياتنا ...

بالرسايل القادمة راح أنزل كل التفاصيل لذلك الرجاء قراءة الرسايل كاملة حتى تكونون بالصورة:

هذا برنامج يوم التخرج:

1- التجمع:
التجمع الساعة 9:00 أمام بوابة الجامعة الرئيسية (بوابة رقم 1) جوه جسر المشاة

2- الانطلاق والزفة:
الانطلاق الساعة 9:30 والزفة بسياراتنا الخاصة المزينة وننزل للشارع وندبج ...

الموقع الأول:
3- الوصول لملعب الميناء:
نوصل للملعب تقريبًا الساعة 10:30
تدخلون وتنطبگ كل السيارات بالكراج، وتدخلون للملعب بتوجيه من شركة التنظيم ... وكذلك يوجد تنظيم كامل للعوائل وكلشي يمشي بانسيابية وسهولة ... وبعدها نبدي بفعاليات التخرج الحقيقية لحد الساعة 3:00 يعني الوقت منطينا مساحة أكبر نسوي أكبر قدر ممكن من الفعاليات

الموقع الثاني:
4- التوجه لديوان محافظة البصرة:
الساعة 3:00 إن شاءَ اللّٰه ندخل لديوان المحافظة ونصوّر بيه صورة جماعية كذلك ومن ثم تبدي الفرديات والريلزات للساعة 6:00

الموقع الثالث:
5- التوجه لحدائق الحرية (الباذنجانة):
نروح للباذنجانة ونبقى بيها للساعة 8:00 وخلال هلفترة راح تجي فرقة وراح نسوّي كل فعالياتنا من صعاديات ودخانيات وبخاخات وشعلات ومسدسات فقاعات و...إلخ
وبعدها بنهاية الحفل نطيّر النفاخ
وكذلك نسوّي ترند الفلاشات تشغلون فلاشاتكم كلكم ... فخلّوا بتلفوناتكم شحن أو اخذولكم شاحنة خارجية

6- الرجوع:
أنتم مخيّرين إذا تردون ترجعون لبوابة الجامعة لنفس المكان لو تردون من الباذنجانة وترحون لبيتكم

7- كلشي كمّلت وكلشي رتّبت لراحتكم فراح تمشي الأمور بسهولة وبساطة وراح تتونسون ... وحتى إذا صار أي شي بسيط لا تخلونه يأثر على باقي الفقرات ... وتذكروا الزفة هي التصنع يومنا كله وهي التنطينا واهس لليوم كله فلا تقصرون بيها شباب 🔥

وإن شاءَ اللّٰه كلشي راح يكون حلو بوجودكم وبوجود حماسكم وفرحتكم ونشاطكم ... لا تصيرون باردين وتستحون رجاءً، هذا يومكم تونسوا صفگوا، المصور من يشوفنا متفاعلين يزيد بالفقرات من يشوفنا باردين يظل بس يريد يخلصنا ... فالحماس الحماس شباب ما أوصيكم بعد

وهسه بالرسالة القادمة راح ادزلكم الممنوعات بالملعب والمحافظة حتى ما تتعرضون للغرامة أنتم أو أهاليكم