مواد الكورس الثاني المرحلة الرابعة:

1- المحاكاة بالحاسوب || Computer simulation
(بس هي بيها عملي)

2- تفاعل الانسان مع الحاسوب || human Computer interaction

3- مواضيع مختارة || Selected topics

4- مهارات الاتصال || Communication skills

5- Knowledge Engineering || هندسة المعرفة

6- Computer Security || أمنية الحاسوب

جدول الكورس الثاني

جدول الفصل الثاني 2025-2026.pdf

فورمة براءة الذمة الجديدة

فقط للموازي والمسائي
يعني المركزي الصباحي ما يسوون

شباب منو عنده نقص بالزي القديم يعني قبعة او وشاح يكتب شنو نقصه يعني اذا عنده نقص بالقبعة ومسلمها وبعده ما مستلم يكتب اسمه وشنو النقص

التخرج باقي على موعده يوم الخميس 5/2/2026

الحمد للّٰه أستحصلت موافقة السيد العميد بفتح الكلية بس إلنا يوم الخميس وبحضور الأساتذة ... الفرق فقط راح يكون بدون طلاب وهذا يتعوض بالأهالي والأصدقاء، صح مو مثل هوسة الطلاب بس الحمد للّٰه على كل حال هذا الگدرنا نسوّيه

والإيجابية من هاي كلها إن ديوان المحافظة راح يكون فارغ بس إلنا أحنا يدخلونا مو هوسة ومتروس طلاب، والشوارع أخف ازدحام لأن عطلة، والباذنجانة بس إلنا ... الحمد للّٰه ... عسى أن تكرهوا شيئًا ويجعل اللّٰه فيهِ خيرًا كثيرا.

كل فعالياتنا نفسها ما راح تنحذف ولا وحدة، راح نزين الكلية وراح نجيب التوزيعات للأساتذة، وراح نطلع زفة من الكلية للملعب، وراح نسوي كل فعالياتنا المقرريها بالملعب، والصور الفردية بالمحافظة راح تكون بس إلنا، والباذنجانة وفعالياتها بس إلنا ... فكلها هسه تگلي محظوظين أنتم الناس تسوي تخرجها الجمعة والسبت علمود كلها فارغة وأنتم هسه اجتلكم العطلة هيج، المصور ولوكيشن والملعب يكلولي راح يطلع تخرجكم يخبل ... فالحمد لله كلشي يصير بيه إصلاح

فكملوا تحضيراتكم ودعواتكم والتخرج باقي على موعده الخميس القادم إن شاءَ اللّٰه

شباب حتى باجر ما تتخربطون لأن هواي شغلات تستلموها وتسووها، فراح نقسمها على هاي الأوقات:

1- تسليم الأوشحة الجديدة والرباطات من 8:30 لـ 9:45 وتسديد المتبقي عليكم من مبلغ الزي + التصوير + الرباط9,500 + البوستر وملحقاته والتزيين 5,000
بالاضافة للبيرغ اختياري 1,000 دينار لليحب يدفع
(باجر آخر يوم لأن لازم أروح أسددهن مقدمًا).

2- تعليك البوستر الساعة 10:00

3- استلام النتائج (إذا سلموهن) بعد ما نخلص تعليك البوستر يعني بـ 11:00 أو 12:00

اخوان الكل يجي باجر ما أكدر أبقيهن عندي ولا عدنا وكت لغير باجر

الما يجي باجر هو الراح يتضرر ويتبهذل بيوم التخرج ... لذلك الكل يجي رجاءً

والما يكدر هو يحضر خل يدز أي واحد بمكانه يستلم بمكانه

والملحق باجر بـ 12:00 الظهر تدزه الخياطة توصيل للكلية لأن بيه شوي نقص ... يعني هم باجر تستلمونه

باجر تستلمون التالي:
1- الأوشحة الجديدة
2- زي الملحق
3- الرباطات

+
تعليق البوستر وفعاليته وتلزگون صوركم بيدكم
+
تسوون فعالية (انتظرونا) ليوم الخميس 5/2/2026 وتلزكوها على أماكن بالكلية
+

تسلمونا المبلغ المتبقي عليكم من الزي والتصوير والبوستر والربطات والبيرغ، باجر آخر يوم سواء تحولون على الماستر أو تدفعون نقد فباجر آخر يوم ولازم نصفي الحساب وأجرد الدافعين وٱدزهم للمصور.
+
باجر احتمال توزيع النتائج فيعني جايين جايين ... رجاءً حتى الما يجي يدز واحد بمكانه يستلم غراضه ويسلّمني المبلغ، ما أكدر بعد بغير يوم لحد يخلينا ويخلي نفسه بموقف محرج بيوم التخرج يم المصور

باجر سجلوا مباشرة يم سكرتيرة القسم
ولا تتأخرون للأسبوع الجاي لأن يعتبروكم منقطعين

بالنسبة لطلبة المرحلة الرابعه الدراستين الصباحيه والمسائية التسجيل والتوقيع في سكرتارية القسم للمباشرة بالفصل الثاني وتسجيل اي مادة مطالب بها من مرحله سابقه
او إذا كان الطالب راسب في المرحلة الرابعة ومطالب بعدد من مواد الفصل
يباشر ويذكرها ايضا

- رئيسة القسم

التوزيع بقاعة 9

شباب اللي ما حاجز رباط وأجه أخذ خل يرجعه ... ما يصير تاخذ رباط غيرك وأنت ما حاجز ولا دافع

واللي بعده ما استلم رباط وهو دافع وحاجز خل يبلغني

السلام عليكم
الزي راح يتاخر بعد مايجي اليوم

لذلك دزولي عناوينكم ورقم وياهم
حتى يوصل الكم توصيل للبيت
@zainab4t8

شباب
الي يكدر يجي باجر يستلم زيه ف على باجر
والي يريد توصيل شباب يجي توصيل

شباب ممنوع ممنوع اي طالب يروح للخياطة لان ما عندها مجال وهوسة يمها فخلوها تستغل الوقت بدل ما تلتهي وياكم تكمل زيكم
وباجر يوصل ان شاء الله للكلية ما تكدرون تجون دزولي اسمكم ولوكيشن ويوصل لباب بيتكم