ملاحظة: إذا تعدلون على الرسالة ما يظهرلي التعديل بالبوت وإذا تحذفوها ما تنحذف تبقى بالبوت ... البوت مو مثل الرسائل الخاصة

وعلي راضي اقرأ النقطة (1) وأرجع دز صورتك عدل

البقية البعدهم ما دزوا للآن
الساعة بـ 12:00 الظهر الموعد النهائي لاستلام الصور، ولن يتم قبول أي صورة ترسل بعد هذا التوقيت.

تمدد الوقت للـ 4:00 العصر

بس استعجلوا ودزوا هسه علمود التصميم نريد نشوف المربعات نخليهن أكثر من 150 لو نكتفي بالـ 150

كل طالب ألفين دينار فقط

شامل طباعة البوستر حسب التصميم + صورة الطالب + الظرف + اسم الطالب + الستيكرات + بيرغ + هاشتاك التخرج ... كلهن هذن بألفين دينار
(وجيبوا هم أنتم ستيكرات وأشياء تمثلكم لأن المساحة واسعة)

وعادي تشاركون بدون صورتكم الشخصية يعني تدزون أي صورة مثل سبونج بوب وتكتبون عليها اسمكم

وأنصح الكل يشارك لأن أولاً المبلغ زهيد وثانيًا هي مرة بالعمر وتبقى ذكرى
هسه العدد تقريبًا 150 يعني بعد 50 طالب أنتظركم للـ 4:00 العصر إذا ما تدزون صورتكم راح أرسلهن للمطبعة وبعد ما نستقبل أي صورة جديدة

توقف استقبال الصور ودزيتهن للمطبعة راح يطبعوها وبعد ما تستقبل صورة جديدة

إلّي تأخر وما دز أو يحب يغيّر رأيه ويشارك بالفعالية يدز صورته لزينب وهي تطبعها إله بطابعتها على ظرف
@Zainab4t8

اسماء المشتركين بالفعالية (اللي اسمه ما موجود ويريد يشارك يدز لزينب تطبعله):

حمزة أيوب
فاطمة خالد
اسراء مفيد
علي عبد الرزاق عبدالله
بنين علي محمد
منار سمير بشير
لمياء محمد
نبأ علاء هاشم
عباس عبد الجليل
عباس فاضل إسماعيل
علي رائد جعفر
المبرمجه نور ماجد 👩‍🎓
نور عيسى
سيف ضياء عبد القادر
زينب طالب
زينب عزيز
محمد جاسم
علي زيد
علي راضي
محمد كشيش
جعفر الصادق هشام
بتول ميثاق عبد الحسين
غدير محمد
رمضان بركان
حسن كاظم
حسن ناهد
مطلك فارس
محمد كاظم حسن
حسين علي عبد الحسين فاضل
زينب مهدي خلف
زينب ريـاض
عباس هادي
نرجس نوري
تبارك عبدالحسن
فاطمة عائد كاظم
سجاد حميد
مروة مؤيد
فاطمة عدنان
بنين عبود سلمان
نرجس مؤيد شنيشل
حنين عزيز
كريم حميد مراد
مصطفى حسين
مصطفى محمد مصطفى
عبدالله محمد
إشراق جواد ابراهيم
باقر مرتضى
فاطمة عبدالرزاق
زهراء احمد
فاطمة صالح مهدي
شهد قاسم
عباس فاضل احمد
زينب علي طالب
هدى عادل
ذوالفقار محمد شلوم
نــبــأ صــلــاح
فاطمة صالح
صـفا عـادل صـادق
رسل صالح
خالد احمد
زين السلمان
بتول احسان علي
بنين قاسم
محمود صادق
سَكينه مسلم
ايات فيصل
MAWAKIB TAWFEQ
SARA AYAD
Zainab Ali
رباب علي شلاكة
زهراء ناصـر
حسين علي
نور الهدى إياد
زينب أسعد محمد
المبرمجة فاطمه جاسم🎓
زينب اكرم
سجاد ميثم
سحر مخبر
حوراء حسين
زهراء فهد
زينب باسم
فاطمة ناظم
علي فؤاد
سارة أحمد
نبأ كاظم
زينب فاضل سلمان
سجاد زغير
هدى شعبان خزيعل / C
خديجة مصطفى
فاطمه محمد عبد العظيم
ساره هشام
أم البنين أسامة
فاطمة محمد عبد علي
نرجس ماجد
زهراء ميثم
علي جبار
نور عبد السلام
روان راضي
علي حسين غالي
مصطفى ضياء
صالح فيصل
منصوري
علي صلاح
صفا محمد
زينب حميد
زينب مرتضى حسن
إيمان جواد
فاطِمة صفاء
كوثر نسيم
زهراء علي
حسين غانم حميد
علي جاسم موسى
وسام
كاظم عبدالامام
علي كاظم
امنيه عبد الخالق علي
ميادة ناهض
رقية ناظم ناصر
هناء فخري جاسم
أحمد علي
نور سالم علي
زينب علي
سجى حـامد
بنين عبدالكريم
بيان سعد عبد الحسين
خلود فيصل 💞
رضا ثمين
هدى عبد الأمير حسين
جواد كاظم
محمد باقر
بدور محمد
محمود عبد علي
زينب علاء
نُور

نزل تصويت بالكروب
https://t.me/c/1582246716/78846

تبليغ يخص مبالغ التخرج:

أولًا: بوستر الدفعة
عدد الطلبة المشاركين: 134 طالبًا
سعر الاشتراك: 2,000 دينار لكل طالب
المجموع = 268,000 دينار
تم الاتفاق على الطباعة بمبلغ 250,000 دينار
المتبقي (18,000) يُضاف إلى البيرغ علمًا سعر البيرغ (85,000) بمعنى الباقي على حسابنا.

هذا المبلغ (2,000) يشمل الآتي:
طباعة البوستر حسب التصميم + صورة الطالب + الظرف + اسم الطالب + الستيكرات + هاشتاك التخرج
(*لا يشمل البيرغ لأن المبلغ لا يغطيه) يعني الكل يدفع 2,000
•••••••••••••••••••••••••••••••••••••••••••••••••••••
ثانيًا: زينة الكلية (اختيارية):
الزينة ستكون بتنفيذ شركة لوكيشن، وبحسب ما يتم الاتفاق عليه، يعني هذا يعتمد على المبلغ الراح ندفعه للشركة، تكدر لوكيشن تزينلنا تزيين عادي بسيط بـ150 ألف يعني على كل طالب ألف دينار وهذا أصلاً نكدر أحنا نشتغله بيدنا ويكلفنا 100 ألف بدون أتعاب الشركة ... وتكدر تزينلنا تزيين احترافي بـ 500 ألف على كل طالب 3 آلاف، ويطلع يوم التخرج شي فخم لأن راح تزين كل الكلية وحتى توزيعات وديكورات ولوكيشنات تجيب، يعني شي مرتّب وحلو ويسووه إلنا قبل يوم التخرج بيوم يعني نجي بيوم التخرج نلگه الكلية شي ثاني.

مع العلم
أحنا دفعتنا (207) طالبًا
عدد اللي يتخرجون ويانا يتراوح بين هذا الرينج (135-180) يعني أقصى شي 180 طالب راح يتخرجون ويانا
يعني في حال حسبنا على أقصى شي وگلنا شارك ودفع 180 طالب فالمبلغ يطلع:
180×3,000= 540 ألف
وأي مبلغ يزيد نجيب بيه شغلات ليوم التخرج، ونسوي زفة بطريقنا من الكلية للملعب.
•••••••••••••••••••••••••••••••••••••••••••••••••••••
وترى هو هذا التخرج شباب، وهي هاي مصاريفه الطبيعية، هو يوم واحد بالعمر، وإذا نريده يطلع بشكل يليق بتعب أربع سنين لازم ننظمه عدل ولازم نغطي تكاليفه
والموضوع بالنهاية راجع إلكم واللي تردونه يصير

وكل دينار يُصرَف سيتم نشر وصولاته، حتى الكل يشوف ويطّلع ويتأكد شلون ووين راح ينصرف كل مبلغ، ولا يبقى أي مجال للّبس أو سوء الفهم، وأي طالب يحب يشوف التفاصيل كاملة يكدر يجي وياي وقت الشراء أو الدفع (للمصور/الخياطة/لوكيشن/المطبعة/...إلخ) ويشوف بعينه.
وإذا صار أي نقص يتم سدّه من حسابي الشخصي.

السلام عليكم أخوان

بالنسبة لتزيين الكلية وبناءً على تصويتكم راح يتم التعاقد من شركة لوكيشن لتزيين الكلية وراح يكون بمستوى يليق بالدفعة إن شاءَ اللّٰه

وبنفس الوقت راح نعتمد فكرة نبأ + تزيين يدوي ومشاركة طلابية مع كادر التزيين لغرض الفعالية والتصوير، فاللي عنده أي فكرة حلوة أو يحب يشارك بالتزيين يبلغني، وأنا أوفّر له الأدوات أو المبلغ اللازم حتى يباشر.
.

مبلغ التزيين: 3,000 دينار على الطالب
مبلغ البوستر وملحقاته: 2,000 دينار
المجموع: 5,000 دينار على الطالب

.
اللي ما يحب يدفع للتزيين براحته، خطة التزيين مستمرة إن شاءَ اللّٰه بناءً على نتيجة تصويتكم.

كل المبالغ اللي راح تُصرَف سواء مع الشركة أو بالتزيين الفردي سيتم نشر وصولاتها، وأي طالب يحب يحضر وقت الشراء أو الاتفاق ويشوف الأمور بعينه فأهلاً وسهلاً.

هدفنا مو بس نسوي تزيين ... هدفنا نصنع يوم يليق بتخرجنا كلنا، ويطلع بصورة تخلينا فخورين بيها بعدين گدام الأقسام البقية، وهذا ما يصير بدون تعاون وتفاعل وحماس منكم بيوم الحفل مو تشاؤم وتذمر وسلبية تخلي الواحد يوصل ليوم التخرج وهو ما إله واهس بسبب الحجي.
وما يصير بدون تجاوز الحزازيات والمشاكل الشخصية، لأن أي مشكلة تصير بهالأيام راح تأثّر مباشرة على يوم التخرج نفسه.

وما يصير بدون تحمّل مصاريف التخرج الطبيعية.
هو يوم واحد من العمر … يبقى ذكرى العمر كله.

فعالية حلوة نضيفها بيوم التخرج

راح نعلّك صورنا وأحنا صغار على حايط بالكلية مع نشرة ضوئية مثل هاي الصورة

اللي يحب يشارك وتتعلگ صورته يدز صورته وهو صغير لنبأ @Naba28
إذا مخلّي عليها قبعة خل يدزها بالقبعة وإذا لا فنبأ راح تسويله القبعة

ملاحظة: هاي ما عليها أي مبلغ إضافي يعني ضمن الـ3,000 مالت التزيين يعني ما تدفعون أي مبلغ زايد فوك الـ5,000

شباب راح نسوّي ختامية الحفل مالتنا بالباذنجانة ... يعني الساعة بالـ 6:00 بالليل نطلع من ديوان المحافظة ونتجه للباذنجانة

راح يكون الختام مسك إن شاءَ اللّٰه، أشترينا صعاديات ودخانيات ملونة وشعلات وهاي غير الجايبهن المصور وياه، وغير اللي راح تجيبوها أنتم وياكم إذا تحبون بيدكم تشعلون ... فيعني نريد نشعل الجو شعل مثل هذا الفيديو

بس لازم بالأول نعرف عدد اليبقون شكد لأن إذا شوي ما يقبل المصور يجي، فاللي مستعد يبقى ويانا لليل يرسل نقطة فقط بتعليقات هاي الرسالة ... وراح نشوف شكد العدد وعلى أساسها نقرر

وهاي راح تكون من بين أجمل الفعاليات التتونسون بيها

باجر آخر يوم لاستقبال الصور

اللي ما داز صورته وهو صغير لهسه خل يدز بأسرع وقت لنبأ @Naba28

السلام عليكم

هاي السنة نظام ملعب الميناء تغيّر، الإدارة تأجّر الملعب يوم كامل لدفعة وحدة فقط، ويكون الدخول من خلال تذاكر دخول حتى يضمنون المكان يبقى مخصص إلنا وحدنا فقط بدون دخول دفعة ثانية.
(يعني الملعب بالكامل بس إلنا)

يعني الدخول راح يكون عن طريق تذاكر تنظيمية حتى يبقى الملعب إلنا وحدنا.

سعر التذكرة: 2,000 دينار فقط للشخص الواحد
( لكل مرافق من الأهل والأصدقاء عدا الأطفال)
الطلاب مجاني

راح تكون: بوابة خاصة للطلبة
وبوابة خاصة للأهالي والضيوف
وكل واحد يستلم تذكرته ويدخل بسهولة من الأهالي

ألفين دينار مقابل ملعب كامل ويوم تخرج مرتب وآمن ومخصص إلنا بس، يعتبر مبلغ بسيط جدًا مقارنة بقيمة اليوم نفسه.

طلاب ما صار شي يجي حمزة ويشوف اذا يكدر يحول لجذع النخلة او يحجي وي ادارة ملعب الميناء وان شاء الله ما يصير الا كل خير بس اهدئوا ويصير التردونه

توضيح بخصوص ملعب الميناء والدخولية، يرجى قراءة الرسالة كاملة فضلاً:

أولاً: موضوع التذاكر ما كان معلوم إلنا تم إبلاغنا بها قبل فترة. واختيار ملعب الميناء كان بناءً على تصويتكم مو قرار فردي، وأحنا حجزناه من زمان قبل لا تكتمل صيانته.

ثانيًا: إلغاء الأجور مستحيلة لأن الموضوع مرتبط مو فقط بإدارة النادي حتى بالوزارة نفسها، وصديقنا علي ناجي والده بإدارة النادي واستفسر منهم وعرف الموضوع شنو وگلوله جزء منهن يروح للوزارة وجزء للنادي.

ثالثًا: موضوع تغيير الملعب وتأجيل التخرج مستحيلة لجملة من الأسباب مو سبب واحد.

رابعًا: كل الدفع التخرجت قبلنا مشوا على هذا التنسيق وما صار أي احراج لعوائلهم بالعكس مشى الموضوع بسهولة وبساطة وما صار أي إرباك وبالعكس عوائلهم كعدت وارتاحت على المدرجات وظلت تباوع لأولادها ما ظالة واكفة النهار كله ولا اضطرت تمشي ربع ساعة لحدما توصل لمكان التصوير، هنا بملعب الميناء الكراج مجاني ويدخلك مباشرة للملعب ما تضطر تمشي ربع ساعة، فالموضوع إذا من باب الاحراج ما بيه أي إحراج وحاله حال دخول منتزه أو مباراة كرة قدم وما يطوّل ثواني ... والتذاكر فقط للعوائل، يعني الطلاب يدخلون مجاني ما يدفعون شي هسه أستفسرت من الشركة، وأنا هم عندي عائلة وهم عندي أقارب راح يجون وما گلت بيها إحراج لأن هاي تعليمات الملعب حالها حال أي مكان ثاني عنده قوانين

خامسًا: توكلوا على الله ولا تقلقون ولا تخلّون شي يحبطكم ولا تخربون واهسكم بهيج أشياء لأن مو من صلاحيتنا ولا نكدر نغيّرها فاللي عليكم هسه ما تفكرون غير بتحضيرات يوم التخرج وإن شاءَ اللّٰه راح يمشي كلشي بدون إرباك وراح ينجح وتتونسون وتنسون هاي السوالف كلها

اللي بعده ما دز صورته وهو صغير لنبأ خل يدزها هسه بأسرع وقت، باجر آخر يوم

دزوها هنا: @Naba28

السلام عليكم ...

الخياطة باجر تسلّمنا الأوشحة الجديدة مع الملحق ونسلّمها إلكم الاثنين إن شاءَ اللّٰه.

الرباط العصر واصلات إن شاءَ اللّٰه

البوستر وملحقاته كاملات

تردون نجي باجر الأحد نكمّل هاي الشغلات لو نخليهن كلهن الاثنين ويَّ الوشاح؟

لهسه ما دزوا الجدول فاحتمال يدزونه بالليل لو باجر ... وللآن ماكو خبر عن النتائج

مساء الخير طلاب
اليريد نجيب فرقة بالباذنجانة يراسلني خاص
@h20_an