تحولت النتائج لقاعة 3 روحوا استلموا

ألف مبارك انتقالكم لآخر مرحلة بحياتكم الدراسية ... ألف مبارك وصولكم لمرحلة التخرج.

طلاب الدور الثاني الوقت كلش هواي كدامكم للتاسع تضبطون المواد مهما كان عددها وتنجحون بتوفيق الله وتسهيله ثم بجهدكم ودراستكم ... اللّٰه يوفقكم جميعًا وإيانا ونشوفكم كلكم صاعدين مرحلة رابعة وبدون تحميل بإذن اللّٰه 💙

أما بعد ...

إرسال الاستمارات يكون على النحو الآتي:
1- الولد: من كل الشعب يدزوهن أليَّ.
2- بنات A يدزوهن لضحى.
3- بنات B يدزون لزينب.
4- بنات C يدزوهن لهناء.

(بعدها كلها أنا راح أدققها مرة ثانية) بس حتى يكون الموضوع منظم أكثر كل شعبة وملفها + ما ألحك أرد على تعديلات الكل، فالممثلات يساعدني بهلشي.

سلّمت اليوم المبالغ للخياطة وگلتلها البقية الما جايين اليوم راح يحوّلوهم أليَّ على الزين كاش أو ماستر الرافدين وأحوّلهم ألج وگالت كملوهن حتى أبلشلكم أول دفعة بعد العيد بتسهيل اللّٰه ... وبالنسبة لحضورها بالكلية حتى للنظم ما أنطوا موافقة، فاللي طوله أقل من 160 يكتب بالملاحظة طوله وهي راح تسويله وشاح حسب المقاس المناسب إله وبدون أخطاء ... وإذا كلش الموضوع يقلقكم تكدرون تقيسون أنتم وتخلون مقاس عرض چتفكم وطولكم بالملاحظات.

فالما دافع يراسلني أرسلّه الزين كاش مالتي أو ماستر الرافدين يحوّلي عليها 25 ألف عربون حتى تشتغله الخياطة الزي.

أخوان هواي جاي أشوف باستمارات الولد أشياء مالها داعي ... هاي النصيحة للمرة الأخيرة وبراحتكم القرار بالنهاية قراركم واختياركم ما أجبر أحد على شي:

1- ما ترهم تاخذ قبعة مثلثة أو تطرز على جانب القبعة (هاي سوالف بنات) لو تكتب فوك القبعة لو لا تطرز.

2- القبعة الدائرية ترهم للولد وعادي حتى للبنات لكن التطريز عليها من فوك فقط ما تتطرز من الجوانب.

3- الوشاح لو الرسمي العادي لو (الملكي الخماسي أو البيضوي) هذا اليناسب الولد فقط، الملكي المثلث ما يناسب الولد مال بنات، كذلك الوشاح الأميركي مال بنات.

4- الروب فقط رسمي ما يناسب الولد الخليجي والأميركي لأن مال بنات وبيه كسرات بالكتف أو الصدر + التطريز ع الردن سوالف بنات ... الولد فقط التطعيم المجاني بالوشاح الرسمي.

5- لا تحط جريدة على القبعة لو على ظهر الوشاح لأن ما يكفي، حط عبارة صغيرة.

والاختيار بالنهاية اختياركم أي شي تدزونه هو الراح ينرسل للخياطة، هاي مجرّد نصائح حتى ما تكلّفون على نفسكم بتكلفة أعلى ظنًا منكم كلما زادت التكلفة زاد التميُّز والجودة وهو العكس هنا.

بالنسبة للأطفال كل قياساتهم الخياطة تاخذهن بأول أيام الدوام لأن عددهم قليل تلحك تسويلهم وشاح على كدهم وقبعة وروب على كدهم

والعنده بزونة هم كذلك 😂

سجلوا بيه يفيدكم ... السيّد العميد من ألتقيت بيه آخر مرّة گال راح يجيب شركات نفطية بحكم علاقاته ويعيّن أكبر قدر ممكن من المتطوعين اليستحقون فعلاً لأن هاي توصيات الوزير ... وأنتم على أعتاب تخرّج يعني تشتغلون سنة وحدة بالفعاليات والأنشطة التطوعية وراح تتعينون (أو تحصلون فرصة عمل بشركات أجنبية وأهلية راتبها جيّد)، سواء من طرف السيد العميد، أو من وزارة الشباب والرياضة لأن راح تكونون جزء منها وضمن كوادرها فأي فرصة تعيين إلكم الأولوية بيها.

وهاي فضلا على المنح الدراسية خارج البلد إذا تردون تقدمون وطلبوا منكم أعمال تطوعية.

فنصيحة هاي فرصة إلكم ما تتعوّض، ولوما أدري تفيدكم وتفيد طلاب الكلية كلها ما سويتها، فقدّموا هسه وكتبوا (مرحلة رابعة) مو ثالثة، لأن عملنا راح يبلّش من العام الدراسي القادم إن شاء الله تعالىٰ.

السلام عليكم ... تقريبًا 95% من الصوّتوا على إنهم يخيطون ويانا دزوا استماراتهم.

بعد العيد إن شاء الله راح أرسل الاستمارات للخياطة حتى تبلش شغل، فالّي ما يدز استمارته ما راح أحسب حسابه وراح أعتبره يريد يخيّط أبحده فردي مو وي الدفعة.

نرجع للتخرج ...

أكو فقرة كلش عاجبتني وقليل إلّي مسويها ...
وهي ننظم قصيدة (خاصة بدفعتنا وقسمنا)
وننشدها بيوم التخرج + من نجتمع مع كل أساتذة القسم بقاعة الدراسات العليا
نوكف كلنا سوه وبدل ما نقرأ (موطني) نقرأ هاي القصيدة

بس لازم تحفظوها عدل

وبالرسالة الثانية راح أدزلكم مثال سووه كلية الطب وچان كلش راقي
(شوفوها وانطوني رأيكم) 👇

| جُندُ الحياة |


ها هُنا أشرَقَ فجرُ الأُمنياتْ
فاكحُلوا فيهِ العُيونَ المُتعباتْ
إنّنا يا إِخوَتي جُندُ الحَياةْ
لَم نَزَل نَقرَعُ جَيشَ الأَلَمِ
أَبشِروا بالحُلمِ فالحُلمُ اقتَرَب
وَلِجَبّارِ السّما شُكرٌ وَجَب
بَعدَهُ الشُّكرُ لأمٍّ وَلِأَب
لَم نَصِل لولاهُما للقِمَمِ
ــــــــــــــ ❁ ❁ ❁ ـــــــــــــــ
كَمْ وكَمْ أرَّقَنا هٰذا الطَّريق
وَبِرَغمِ الجَهدِ كُنّا نستفيق
نهزِمُ الأوجاعَ بالصّبرِ الوَثيق
شاهِدٌ عنّا لِسانُ الهِمَمِ
ها هُنا كَمْ وَقفةٍ كانت لنا
ولنا ذكرىٰ ودَمعٌ ها هُنا
إخوَتي إنْ حَالَ دربٌ بيننا
إنما أنتم بقلبِي ودمي
ــــــــــــــ ❁ ❁ ❁ ـــــــــــــــ
ها هُنا نَحنُ شِفاءٌ للعِلَلْ
في زُحامِ اليأسِ نختطُّ الأمَلْ
نبذُرُ الحُبَّ بأرواحِ المِلَلْ
لِنَراهُ بَسمةَ المُبتَسِمِ
قَسَمًا إنّي سأرعىٰ ذِمَّتي
طائعًا ربَّ السّما في مهنتي
أخدُمُ المَرضىٰ بلا تفرقةِ
وضَميري شاهدٌ عن قَسَمي
ــــــــــــــ ❁ ❁ ❁ ـــــــــــــــ
يا عليُّ الفَذُّ يا فَجرَ العُيون
لِسَما خُلْقِكَ إنّا شاخِصون
أنتَ مَن عَلَّمَنا كيفَ تكون
صورةُ الإنسانِ يا ذا القِيَمِ
لكَ يا مرآةَ خيرِ الأنبياء
خُلُقٌ مِن أحمدٍ لِلنُّبَلاء
ذاكَ مَن أدَّبَهَ ربُّ السَّماء
فاعطِنا من فيضِ ذاكَ المُلهِمِ
ــــــــــــــ ❁ ❁ ❁ ـــــــــــــــ

مثيل جبار الزيدي
مدينة البصرة ٧ ٣ ٢٠٢٣ م

سمعوا الكلمات في حال ما عرفتوا تلفظوها

وتكدرون تشوفوها على اليوتيوب:
https://youtu.be/LzDivH-dbRA?si=eNx_6nzzsj-Fn3pn