اليوم راح نصوّت على موعد يوم التخرج تردونه بالكورس الأول لو بعطلة نصف السنة لو بأول أسبوع من الكورس الثاني

+ تقترحون اسم للدفعة، وأكثر اسماء تحصل لايكات نسوي بيها تصويت ونعتمدها
بس اهم شي تبدأ بـ
#CS_ ....

إلا إذا الاسم عربي براحتكم

قبل لا نبلش بتصويتات اليوم

تم اعتماد رسميًا الخياطة توتة هي راح تخيط للدفعة كلها (تقريبًا 150 طالب)

باقي الطلاب اليريدون يخيطون أبحدهم عند خياطين مختلفين راح أرسللكم بالرسالة الجاية التفاصيل الأختاريناها حتى تنطوها للخياط التردون تخيطون عنده ويسويلكم نفسها

هاي الشغلات تدزوها للخياط (إذا تخيطون أبحدكم مو يم توتة وي الدفعة) 👇

1- تم اعتماد درجة لون الوشاح هذه
2- تم اعتماد لون الخط هذا (الفضي).
3- تم اعتماد نوع الخط هذا (الطبيعي).

الجهة اليسرى من الوشاح:

تكون بهاي الطريقة تحمل شعار جامعة البصرة مع باقي التفاصيل

(شعار الكلية شفته ما ضبط، فنبقي شعار الجامعة)

الطالبات:
1- تم اعتماد لون الشال رصاصي.
2- تم اعتماد القميص الأبيض.

لون الكعب اختياري لكن يفضل أسود
••••••••••••••••••••

الطلاب:
1- تم اعتماد لون القاط أسود.
2- الحذاء اختياري لكن يفضل أسود

3- الرباط قيد المداولة ...
•••••••••••••••

وباقي الأشياء اختيارية من حيث اختيار نوع الوشاح والروب والقبعة وغيرها ...

بس رجاءً التزموا بالأشياء الجماعية مثل شعار الجامعة والقميص الأبيض للبنات والرباط الموحد للولد ... لأن بدونهن تطلع الصورة مخربطة إذا كل واحد شي

نزل التصويت على يوم التخرج

ادخل صوّت 👇
https://t.me/c/1582246716/53690

هاي الرسالة راح تكون فقط لاقتراحات اسم الدفعة

(تكتبون بتعليقات هاي الرسالة المقترح، وأي تعليق جانبي راح أحذفه)
وعوفوا هاي التعليقات (مثل دفعة خليها على الله، لو دفعة المغضوب عليهم، لو مدري شنو) لأن راح احذفها

وأكثر تعليقات تحصل لايكات راح نسوي بيناتهن تصويت وتختارون اسم الدفعة بالأغلبية

من تكتب الاسم اكتب وياه معناه وشرح عنه وليش لازم نختاره حتى الطلاب يعرفون شنو يختارون وعلى شنو يخلون لايك

فهسه المطلوب منكم
تكتبون بتعليقات هاي الرسالة مقترح الاسم ...
وأكثر الاسماء التحصل لايك نسوي بينهن تصويت.

هاي الرسالة راح تكون فقط للـ
1- الفعاليات النسويهن بالمرحلة الرابعة.
2- الريلزات والحركات النسويهن بيوم التخرج.
3- الترندات.
4- الأفكار والمخططات والاقتراحات
5- كلشي كلشي يخص نشاطات وفعاليات المرحلة الرابعة والتخرج.

فقط تدزون بتعليقات هاي الرسالة
رابط الفعالية والترند والريلز النسوّي مثله ... أو تحملون الفيديو/الصورة وتدزونه مباشرة.

أو تكتبونه كتابة إذا فكرة ما مطروقة


راح ادز أنا بالتعليق شغلات وإنحُ نفس النحو
(أي تعليق جانبي غير الفعاليات يُحذَف)

هاي الرسالة راح تبقى مثبتة على طوال العام ... كلما تشوفون شي حلو، كلما تخطر ببالكم فكرة، رجعوا كتبوه بتعليقات هاي الرسالة

نزل التصويت على اسم الدفعة وفق اقتراحاتكم وبناءً على أكثر 5 اسماء حصدن أكبر عدد لايكات

للتصويت: 👇
https://t.me/c/1582246716/53736

هاي الاستمارة دزتها الخياطة توتة حتى تملوها وتخلوها بملف PDF مسمى باسمكم وتدزوها أليَّ.

حضروا ملفاتكم مال زي التخرج من هسه كعدوا اختاروا ويومية رتبوا وعدّلوا على راحتكم منا للنتائج

بيوم النتائج تدزوهن ألي
كل شخص يدز ملف PDF بالأشياء اليريدها، ويسمّي الملف باسمه حتى ما نتخربط لأن هواي ملفات

ويكتب بالملف تفاصيل الزي اليريدهن
كتبوها بهاي الطريقة الموجدة بالاستمارة
(راح املء إلكم استمارة هسه حتى يكون عدكم كلشي واضح)


وأي إضافات ثانية وملاحظات اكتبها للخياطة بالملف حتى ما يصير أي خطأ، وأنا راح اراجع ملفاتكم واحد واحد حتى ما أخلّيكم تخطأون بشي ... لأن أي خطأ منكم انتم تتحملون مسؤوليته ... وإذا الخطأ منهم هم يتحملون المسؤولية ويعدلونه.

نموذج تملون مثله

في حال ردت الوشاح بإطار تكتبه يم نوع الوشاح
هيج:

نوع الوشاح: ملكي (بإطار)

وإذا ما تريده بإطار فتخيله مثل الصورة بس هيج

انتهت تصويتات يوم أمس

1- تم تحديد موعد صورة التخرّج
في الأسبوع الأول من الكورس الثاني
وفقًا لتصويت الأغلبية، يبقى بس اليوم بالضبط هذا نحدّده بعد ما ناخذ الموافقات الرسمية إن شاء الله.
.
2- تم تحديد هاشتاك واسم الدفعة وفقًا للتصويت ليكون:
#CS_Legacy

وهذا معناه (هنا).

السلام عليكم …

ستوني طلعت من مشغل توتة وشفت شغلها مرتّب، وهاي النصائح إلكم:

للولد:
1- إخذ قبعة دائرية لأن المثلثة مال بنات.
2- إخذ الوشاح العادي أو الملكي لأن الأميركي مال بنات.
3- إخذ الروب الرسمي العادي لأن الخليجي والأميركي مال بنات بيه كسرات.

للدفعة ككل:
1- بالبداية تدزون الاستمارة مالتكم لممثلة شعبتكم تدققها وبعدها ترسلها ألي (يعني تتدقق مرتين تجنبًا لأي خطأ) يعني بإذن الله نسبة الخطأ راح تكون 0٪؜ لأن راح نبلغكم بكل الملاحظات اللازم تعدلوها

2- إكتب كل الملاحظات التريدها للخياطة (مثل بدون روب) أو (بس وشاح تريد) أو (تريد وشاحين) وهكذا.

3- رقمك/ج أهم شي حتى تتصل عليك الخياطة إذا احتاجت وتفهم منكم مباشرة.

4- النتائج احتمال الأسبوع الجاي كاملة وناقصها بس مصادقة مجلس الكلية فتجيب عربون 25 ألف يلا تبدي تشتغلك بدونه ما تشتغل وتتأخر، التسليم لممثل الشعبة، وإذا ما اجيت بيوم النتائج تدزلي 25 ألف عن طريق زين كاش أو ماستر الرافدين، حتى تبدي تشتغلك الخياطة.

5- تجي ببداية الدوام تاخذ القياسات علمود الروب لأن بالنتائج هوسة ما ترهم، فبالعطلة راح تشتغل الأوشحة والقبعات حتى يبقن بس الارواب بشهر واحد تكملهن بعد الدوام إن شاء الله.

6- قياس القبعة يناسب الكل، إلا إذا تحس نفسك قياس خاص مثل راسك صغير كلش او جبير كلش فقيسه بخيط وفيتة واكتب القياس كملاحظة بالاستمارة (دوران الرأس)

7- لغرض التنظيم والتسهيل راح اخلي كل شعبة ملفها أبحد وأدزه إلها حتى تالي من نستلم الزي يسهل علينا توزيعه لان كل شعبة ابحد

فهسه شراح تسوون؟
الولد من كل الشعب تدزون الي
البنات تدزون لضحى وزينب وهناء حسب شعبتكم … يدققوهن ثم يدزوهن الي ادققهن مرة ثانية حتى نتجنب أي خطأ

وإن شاء الله الجودة راح تعجبكم مقارنة بالسعر.

وكله خير إن شاء الله 💙

بالنسبة للبنات الطولهن من 156 وأقل يكتبون ملاحظة بالاستمارة (الطول كذا) حتى يكون إلهم مقاس وشاح مناسب لطولهم

أما إذا 157 ولغاية 190 فيجي عليه القياس الطبيعي الستاندر عادي

والوشاح راح يفتر ع الرقبة فماله علاقة بقياس الكتف