مو عبالكم الامتحان الاثنين ويروح عليكم

قاعات البحوث

السلام عليكم ...

كتب التدريب كاملة يوم الثلاثاء تكدرون تستلموها من سكرتيرة رئاسة القسم وتوقعون يمها ... وتاخذون الكتاب وتوده للدائرة الراح تتدربون بيها

وبالنسبة للكتابة بالعربي بالأخلاقيات رفضت ست صبا لأن تكول ممنوعة عليها مراقبة من رئاسة الجامعة ... فيعني حفظوا بالإنكليزي الموضوع مو بيد ست بيداء

إمتحان واحد فقط يفصلنا عن المرحلة الرابعة مرحلة التخرج وختام الـ 16 سنة بحلوها ومرّها ... ويا رب التوفيق والنجاح لكل الدفعة كلكم تنجحون بإذن الله ما نريد أحد يبقى بالثالثة.

1- لا تنسون الإمتحان الثلاثاء مو الأربعاء والساعة 12:30 مو 9:00

.

2- لا تنسون تاخذون كتاب التدريب الصيفي يوم الثلاثاء من سكرتيرة رئاسة القسم.

.

3- لا تنسون تسوون براءة الذمة (هنا)، من هسه حتى ما تحتارون بيوم النتائج، وبالنسبة لتوقيع الأقسام الداخلية يم المعاون العلمي، ما عدا النواحي البعيدة مثل (قضاء القرنة والمدينة والإمام الصادق (طلحة)، والفاو وناحية ام قصر، سيبة والبحار وخور الزبير وسفوان والنشوه والثغر) يوقعون يم مديرية الاقسام الداخلية موجودين بأقسام الولد.

.

4- راح ينزل لكم رابطين فورم أحنا الممثلين راح نسويه، رابط لتقييم الممثلين هذه السنة وكتابة النقاط والملاحظات والنصائح لهم باسمهم، لأن بالنهاية هم ما معصومين عن الخطأ ويبقون بالنهاية طلاب وصفة الممثل التي منحت لهم هي لخدمتكم والإنسان مرات يحتاج أحد يلفت نظره إلى خطأه يلا يعرفه ويعرف تقصيره وين ويعالجه، وراح يبقى الشخص مجهول لأن المهم هو الغرض من الرسالة مو المرسل ... والرابط الثاني هو مثل اللعبة بيناتنا داخل الكروب راح تدزون رسالة للدفعة من مجهول سواء مدح الدفعة أو نصيحة للدفعة و...الخ أو رسالة لشخص من مجهول (بدون سوالف الاعترافات، فقط نصيحة ومدح ووو)، أو أي رسالة ثانية تحبون ننشرها سواء للممثلين أو لشخص أو للدفعة عامة وسواء كانت نصيحة أو كلمة أو شقة (بغير التجاوز) راح ننشر هاي الرسايل مالت الرابط الثاني كلها بالكروب وتكون علنية للطلاب كلها تشوفها وتتفاعل وياها، أما الرابط الأول فهي خاصة بالممثلين فقط هم يشوفوهن ويقروهن ما ننشرها.

.

5- لا تسدون اشعارات القناة بالعطلة لأن أنتم مرحلة ثالثة منتقلين للرابعة يعني عدكم تدريب صيفي وعدكم زي تخرج وعدكم نتائج ووو فضروري تبقون الاشعارات مفتوحة حتى بفترة العطلة

.

6- بأول أيام العطلة راح نبلش نختار زي التخرج بكل تفاصيله، راح تكون أكو تصويتات عامة للدفعة كلها بالكروب العام، وراح تكون أكو تصويتات خاصة بالولد فقط على كروب خاص بالولد يُنشَئ قريبًا، وراح تكون أكو تصويتات خاصة بالبنات على كروب للبنات يُنشَئ قريبًا ... بعد اختيار زي التخرج والاتفاق عليه نرسل لكم تفاصيل الأسعار والخياط الراح نشتغلهن عنده مراعين بذلك الجودة والسعر، وبعد الاتفاق الخياط راح يجي ببداية الدوام لأخذ القياسات، وبعد أخذ القياسات يدفع الطالب مبلغ الزي كاملاً مُقدّمًا حتى ما يصير أي أحراج ويَّ الخياط بعدين ... وهكذا نظل ننتظر يكمل ونسوّي صورة تخرّجنا بأول أسبوع من الكورس الثاني مباشرة، وعلى طاري الصورة راح نختار إن شاء الله مصوّر ترتضوه وراح أشوّفكم أعماله وألبوماته وفيديوهاته وصوره وأسعاره ... وإن شاء الله باقي التفاصيل نكملها بالعطلة.

.

7- التركيز على النقطة السادسة لأنها أهم شي بحياتك الدراسية وتعبك طيلة هاي السنوات من چان عمرك 7 سنوات وإلى الآن هاي أهم محطات حياتك، فتذكروا هي مرة وحدة بالعمر فنريد نسويها شي يستحق الذكرى ... لذلك المقرر ينعزل بالعطلة ويختلي بنفسه ويمسح البرامج ويسد النت لا ينعزل هسه لحدما نكمّل شغلات الزي ويحجز ويرسل تفاصيله يلا ينعزل، والما يريد يخيّط وي الدفعة هم ياريت يبلغنا حتى ما نبقى ننتظره ... وإن شاء الله بالعطلة راح نناقش هاي الأمور كلها.

.
ودمتم للنضال.

رجاءً التركيز على النقطة السادسة لأنها أهم محطة بحياتكم ومرة وحدة بالعمر فاهتموا بيها وانطوها حقها ...

كالعادة مثل العام هذا رابط تقييم الممثل ... أي كلمة أو نصيحة أو ملاحظة أو شي تتمنى يسويه وشي تتمنى يتركه أو نقاط تقصيره أو كلمة طيبة أو شكوى أو أي شي بخاطرك كتبه ...
هذا راح يلفت نظر الممثل لشي قد يكون ما منتبهله ويساهم بتعديله وتحسينه او تركه بالسنة الجاية ... والمرسل راح يبقى مجهول لأن المهم هو الغرض من الرسالة مو المرسل ...
رابط الفورم:
https://forms.gle/RRMw9zHFgrVGCKfY9

الجانب المخفي لكل دكتور ولكل استاذ نادراً يظهر هذا الشي أمام الطلاب ونادراً نشوف دكتور او استاذ يكون جيد بالمعامله مع الطلاب من ناحية التدريس او التعامل ….

والكل يتفق على شي واحد انُ الأخلاق والتعامل والأسلوب الحلو يكسب الشخص المقابيلك ف بعض الأحيان من نحجي عن دكتور او دكتورة او استاذ او استاذه نكول اسلوبه او اسلوبها حلو وأخلاقه أو أخلاقها حلوه ..

حتى لو معاملة التدريس تكون شديده وصعبه اليوم د. ناصر والكل يعرف دكتور ناصر دكتور ممتاز من ناحية التعامل والأسلوب والتدريس

ف حب يوصل سلام الكم والحقيقه (كال إذا فد يوم غلطت بحق طالب او اسئت اله بتصرف ف هذا من حرصي عليه ف دائماً وأبداً انه كنت أتعامل مع جميع الطلاب ك صديق الهم قبل دكتور ف كال اتمنى أشوفكم كلكم ناجحين بحياتكم واتمنالكم التوفيق والنجاح واتمنى ضلون على تواصل وياه وكال كذلك راح أساعدكم بالتصحيح واتمنى اي طالب مياخذ بخاطره مني )


د. عداله

بعد كل امتحان فاينل نظري سواء كورس اول او كورس ثاني وامتحان نظري شهري كانت تتواصل وياي دائماً وتسئل على طالب طالب

ف حبت هم توصل سلام الكم وتتمنالكم التوفيق والنجاح وكالت اي طالب يحتاج شي هسه او بعد التخرج انه موجودة وياكم وأشاركم بكلشي وتقدم المساعدة الكم لا تتردون وكذلك كالت إذا فد يوم عصبت على اي طالب مكان قصدي 👍🏻

أ. وسام

اكثر استاذ متساهل مع الكل من ناحية التدريس والتصحيح وبالامتحان الويب البعض وبسبب صعوبة الاسئله بدون مايفكر راح وقدم شكوى ضد الاستاذ…

بالنهايه الاستاذ اليوم كال ساعدت حتى لكاتب كلمه وحده خليت صح وماشددت بالتصحيح وبالعملي مساعد كلش اهوايه

كذلك حب يوصل سلامه الكم وكال اتمنى اشوفكم فد شي بالمستقبل واسمع بيكم واصلين مرحله حلوه بحياتكم ..

أ .حسين

اسلوبه وتعامله لجميع الطلاب يتعامل معاملة صديق مو استاذ مع الكل
وويتمنى يشوفكم ناجحين ومتخرجين وكال تساهل بالتصحيح ماشدد وساعدت الكل ..

كذلك أ .عبد الملك و. أ. بيداء

يوصلون سلامهم الكم ويتمون النجاح والتوفيق الكم وأستاذ عبدالملك كال على الأكثر انه وياكم بالرابعه اصعد لان دفعه ممتازه

وحبيت أوصل الكم سلام الاساتذه والدكاتره لان هم طلبو هذا الشي.

وبالنهايه كل دكتور او استاذ ترك ف بصمه وأثر طيب بداخل كل واحد منكم 🤍

كلام أستاذ ناصر إلكم (2/1) 🤍

كلام أستاذ ناصر إلكم (2/2) 🤍

يوم الجمعة إن شاء الله راح نبلش بكل ما يتعلق بزي التخرج والاستفتاءات والتصويتات و...إلخ.

راح تدخلون بأجواء التخرج رسميًا ...

بس بدون عرايك

قاعات أخر امتحان بالمرحله الثالثه لمادة
( الاخلاقيات).

قاعات المسائي

هاي آخر قاعات إلنا بالمرحلة الثالثة ... يا رب أشوفكم كلكم صاعدين للمرحلة الرابعة

والله يشافي عبد الله ويرجعه إلنا طيّب

التحميل في مادة الرسم والمرئية من تكملون الامتحان الأول الأخلاقيات بلغوا مشرف القاعة ينقلكم لقاعة الإمتحان الثاني (قاعة 10) علمود تسجلون حضور

عطله سعيده مقدماً شببباب 🎓✨

خلصت المرحلة الثالثة ...
وهاي أحنا وصلنا لآخر خطوة بطريق التخرج.
انتهت بكل حلوها ومرّها حاملة معها سهرنا، تعبنا، ضحكنا، سوالفنا ... أنتم متخيلين السنة الجاية راح ينتهي هذا الشي للأبد؟!

نبارك للناجحين مقدمًا ونسأل الله التوفيق للمكملين بالدور الثاني ... ما نريد نخسر أحد نريدكم كلكم تصعدون للمرحلة الرابعة فشدّوا حيلكم.

شكرًا لممثلات الشعبتين زينب وهناء إلّي شالوا عني عبء كبير هاي السنة وقدّروا انشغالي بممثلية الكلية وما قصروا وي طلاب الدفعة بأي شي وبكل مرة چانن يختارن مصلحة الطلاب أولاً، وچانن فعلاً يستحقن هذا المكان وهاي الصفة.
كذلك الشكر موصول لأخي وصديقي عبد الله ممثل المسائي الله يعافيه ويشافيه، من أكثر الممثلين المتعاونين ومن أكثر الناس الطيبة نفسًا وأخلاقًا وما قصر وي دفعته بأي شي.

وأيضًا لا ننسى نشكر نرجس مؤيد، وسارة أحمد وزينب عبد الله، وفاطمة صفاء، وران رحيم على تلخيصاتهم وإرسال المحاضرات أول بأول على القنوات الدراسية، ما أبالغ إذا أكول أحنا أكثر دفعة منظمة ومسهّلين علينا كلشي وكلشي نريده نحصله بسرعة وبمكان واحد، وهذا كله بفضل الطالبات الذكرتهن فوك، شكرًا جزيلاً إلهن ... چانت جهود مباركة، بارك الله فيهم وجعل ما قدموه بميزان حسناتهم وأعانهم لفعل الخير دائمًا.
وإن شاء الله هسه بالعطلة هم أسوي قنوات دراسية للرابعة وارتبها كلها واضيف بيها كلشي وتكدرون توصلون لأي شي تحتاجونه بمكان واحد وبفهرس، حتى بالدوام يكون جاهز والبنات يبدن ينشرن عليه المحاضرات الياخذوهن بكل شعبة.

كذلك الشكر للمصطفِين على شرحهم طوال هذا العام
•••••••••••••••••••
لا تنسون يوم الجمعة المقبل راح نبدي بترتيبات زي التخرج فخليكم متواجدين علمود التصويت
••••••••••••••••••••••

وحتى يكون الختام حلو راح نسوي فعالية اليوم، ننزل رابط فورم رسالة من مجهول، وتدزون رسالة وكلمة للدفعة وننشرها على الكروب.

••••••••••••••••

حاولوا تستغلون العطلة بتطوير مهاراتكم لأن ما بقى شي على تخرجكم بعد ما بيها مجال، طوروا روحكم بالإنكليزي، واختاروا مجال وطوّروا نفسكم بيه، خلّوا تكون هاي العطلة مثمرة إلكم.
•••••••••••••••••••

بالنسبة لقنوات مواد الكورسين لطلاب الدور الثاني، فهاي أدناه بيهن كلشي تحتاجونه:

الكورس الأول:
https://t.me/addlist/eWRSY8dh1o9iYTI0

الكورس الثاني:
https://t.me/addlist/FPyuGA91XalkZTc8


عطلة سعيدة وكل التوفيق إلكم 💙

بمناسبة ختام العام الدراسي نحب نسويلكم هاي الفعالية توّنسكم شوي وتطلّعكم من جو الدراسة.

إترك كلمة للدفعة / لشخص
وراح ننشرها بالكروب
(بشكل مجهول)

https://forms.gle/oqQy799XfG7kTGuv5

شنو شعوركم وماعدكم امتحان باجر يله شاركونه أجوائكم 😂😂

#مهم
اقروه كامل 👇

طلاب الدفعة جميعًا إرسال اسمائكم وأرقامكم لي @HamzahAyoob

أما الطالبات إرسال أرقامكم لممثلة شعبتكم
شعبة C لهناء @h20_an
شعبة B لزينب @Zainab4t8
وشعبة A لضحى @It_td20
••••••••••••••••••••

فائدة هاي الأرقام بالمستقبل وبالتخرج إذا واحد تأخر نكدر نتصل عليه، إذا واحد ضيّعناه أو هو ضيّعنا نكدر نتصل عليه أو يتصل علينا، إذا أحتجنا أو أحتاج من عدنا شي نكدر نتصل مباشرة، إذا شي ضروري ومستعجل ولازم هسه يصير نكدر نتصل عليه مباشرة، و...إلخ.

+ راح نسوّي كروب التصويتات على الزي على التليجرام فالما يدز رقمه ما راح نضيفه للكروب، لأن أحنا نضيف بيه الأعضاء مو نرسل الرابط هنا، حتى ما يدخل غير شخص من غير دفعة يصوّت.


يعني باختصار:
(راح تكون أرقامنا عدكم وأرقامكم عدنا لأغراض تنظيمية حتى نكمّل كلشي على أكمل وجه ونطلعه بأحسن صورة بدون أي نقطة خطأ)

فقط أحتاج تعاونكم وأوعدكم راح يكون تخرّجنا أحسن تخرّج مر على الكلية ويصير عادة للبعدنا ... فقط أحتاج تعاونكم وتسوون الأكلكم عليه لأن بدون هلشي ما نكدر نسوي النريده.


هسه دزوا اسمائكم وأرقامكم ألي (الولد الـ 3 شعب كلهم).
والبنات كل وحدة تدز رقمها لممثلة شعبتها وشعبة A يدزن أرقامهن لضحى.

اليوم وباجر فقط ... عكب باجر يبدي التصويت فالما داز رقمه ما راح يشارك بالتصويت.