وكل هذا وأنتم رايحين تحجون عليّ يمه، يگلي الأستاذ فلان وفلانة هيج يكولون والمشكلة هو مصدگهم ... وهذا السبب المخلّيه يبلغنا كممثلين شي ويبلغ الطلاب شي ثاني من يرحوله ويخلينا محتارين شنسوي ... وهذا السبب اليخلّيه ما يرسل تفاصيل درجات السعي إلنا هسه ويريدكم أنتم ترحوله ... وهذا السبب اليخلّيه ما يساعد من نگله أحنا يساعدكم ... لأن كم طالب راحله وخلاه يغيّر ويگله ويچذب عليّ ويگله حمزة وهناء ما مبلّغينا لو حمزة مسوي كذا وكذا ...إلخ ... وعلمود شنو هيج يسوون؟ علمود (لواگة) لو علمود (مصلحة شخصية) إلهم.

على أي حال خلصت السنة بعد ما تسوه
السنة الجاية يصير خير إن شاء الله ...
هاي النماذج التروح وتخلّي الدفعة كلها تتضرر علمود مصلحتها الشخصية تغاضيت عنها هاي السنة لأن أكول كلها سنة ونتخرج ما أريد أخشن خاطر أحد لو يتأذى لو ينبذونه الطلاب بسبب تصرفاته غير المسؤولة وغير الناضجة وكأنه طالب مدرسة، بس إذا ما بطلت السنة الجاية فأنا عندي مصلحة دفعة كاملة أهم من كم نفر مُخرّب، راح أنشر أسمائهم هنا وراح تعرفوهم وتعرفون منو الجاي يضركم وما يخلينا نشتغللكم ونجيبلكم كلشي تردونه من الأستاذ بطريقتنا، وراح أشتكي عليهم يم العمادة ورئاسة القسم، وراح أطردهم من كل كروبات المرحلة إلى أن يجيبون تعهد من القسم بعدم تكرار هاي التصرفات اليرجع ضررها على 200 طالب يلا أرجعهم ... وإن شاء الله ما نحتاج نسوي هذا الشي لأن ما أحبه، هي كلها سنة ونتخرج والإنسان ما يبقاله غير الأثر والذكر الطيّب فليش الواحد يصير مُخرّب بدل ما يصير متعاون والناس تذكره بالخير؟!

ترتيب القاعات ما كامل لهسه
باجر الصبح على الأبواب تلگوهن معلگات

ولا تنسون الإمتحان باجر الساعة 9:00

السلام عليكم ...

بالنسبة لمادة الأخلاقيات تم حذف الچابتر الأول والچابتر الخامس

المادة الداخلة 4 چابترات فقط الچابتر 2,3,4,6

الأسئلة إن شاء الله احتمال تكون بيها ترك سؤال وكل سؤال بيه فرعين حتى تنلم الدرجة، واحتمال تكون بيها صح وخطأ، واحتمال تكون بيها اختيارات، واحتمال تكون بيها اسقاطات فراغات، واحتمال تكون بيها عدد، واحتمال تكون أسئلة جوابها قصير ... احتمال تكون 50 نقطة يعني مطولة شكليًا بس اجوبتها قصيرة حتى الواحد يلم درجات خاف ما حافظ شي من مكان يكون حافظ من مكان ثاني ... لأن جايبة من كل الفصول حرفيًا ما تاركة شي من هذن الفصول نهائيًا.

أما مسألة الإجابة بالعربي فإن شاء الله الأحد راح أقدّم طلب لرئاسة القسم لأن هلشي مو من صلاحية ست بيداء أكو لجنة وزارية تاخذ دفاتر عشوائية وتدققها وتحاسب التدريسي في حال كان مخالف لأمر معين، فما نريد نحمّل ست بيداء المسؤولية فنحاول نقدّم طلب وافقوا عليه كان بها، ما وافقوا فندرس بالإنكليزي شنسوي بعد، الكلمة التنسوها بالإنكليزي كتبوها بالعربي بس لا تكتبون الجواب كله عربي لأن هيج ما تكدر تعبّره ست بيداء.

وإن شاء الله بإذن الله تتساهل ويانا بالتصحيح ... بس درسوا كلشي خاصّةً الأشياء البسيطة القصيرة الجوابها مختصر، ودرسوا أسئلة الشهري.

الحاسبة مسموحة بإمتحان البحوث

بس أستاذ ناصر گال لا تحوّلون الكسور لأرقام بالبوينتات بمواضيع السمبلكس والتوفيس وغيرها ... يبقى الكسر كما هو وتجمعوه مهما كان چبير حتلو 15/7 أو 60/17 أو أي رقم چبير

شباب هذا الملف يتضمن ( اختيارات لمادة البحوث ) اختيارات الاسئله مال السنوات السابقه 👍🏻.

شباب حتلو عدكم شكوى عليّ ارفعها والله ... شايفين هيج ديمقراطية؟ 😂

القاعات ما كاملة ... باجر تلكوها على باب القاعة

الامتحان الساعة 12:30

مو عبالكم الامتحان الاثنين ويروح عليكم

قاعات البحوث

السلام عليكم ...

كتب التدريب كاملة يوم الثلاثاء تكدرون تستلموها من سكرتيرة رئاسة القسم وتوقعون يمها ... وتاخذون الكتاب وتوده للدائرة الراح تتدربون بيها

وبالنسبة للكتابة بالعربي بالأخلاقيات رفضت ست صبا لأن تكول ممنوعة عليها مراقبة من رئاسة الجامعة ... فيعني حفظوا بالإنكليزي الموضوع مو بيد ست بيداء

إمتحان واحد فقط يفصلنا عن المرحلة الرابعة مرحلة التخرج وختام الـ 16 سنة بحلوها ومرّها ... ويا رب التوفيق والنجاح لكل الدفعة كلكم تنجحون بإذن الله ما نريد أحد يبقى بالثالثة.

1- لا تنسون الإمتحان الثلاثاء مو الأربعاء والساعة 12:30 مو 9:00

.

2- لا تنسون تاخذون كتاب التدريب الصيفي يوم الثلاثاء من سكرتيرة رئاسة القسم.

.

3- لا تنسون تسوون براءة الذمة (هنا)، من هسه حتى ما تحتارون بيوم النتائج، وبالنسبة لتوقيع الأقسام الداخلية يم المعاون العلمي، ما عدا النواحي البعيدة مثل (قضاء القرنة والمدينة والإمام الصادق (طلحة)، والفاو وناحية ام قصر، سيبة والبحار وخور الزبير وسفوان والنشوه والثغر) يوقعون يم مديرية الاقسام الداخلية موجودين بأقسام الولد.

.

4- راح ينزل لكم رابطين فورم أحنا الممثلين راح نسويه، رابط لتقييم الممثلين هذه السنة وكتابة النقاط والملاحظات والنصائح لهم باسمهم، لأن بالنهاية هم ما معصومين عن الخطأ ويبقون بالنهاية طلاب وصفة الممثل التي منحت لهم هي لخدمتكم والإنسان مرات يحتاج أحد يلفت نظره إلى خطأه يلا يعرفه ويعرف تقصيره وين ويعالجه، وراح يبقى الشخص مجهول لأن المهم هو الغرض من الرسالة مو المرسل ... والرابط الثاني هو مثل اللعبة بيناتنا داخل الكروب راح تدزون رسالة للدفعة من مجهول سواء مدح الدفعة أو نصيحة للدفعة و...الخ أو رسالة لشخص من مجهول (بدون سوالف الاعترافات، فقط نصيحة ومدح ووو)، أو أي رسالة ثانية تحبون ننشرها سواء للممثلين أو لشخص أو للدفعة عامة وسواء كانت نصيحة أو كلمة أو شقة (بغير التجاوز) راح ننشر هاي الرسايل مالت الرابط الثاني كلها بالكروب وتكون علنية للطلاب كلها تشوفها وتتفاعل وياها، أما الرابط الأول فهي خاصة بالممثلين فقط هم يشوفوهن ويقروهن ما ننشرها.

.

5- لا تسدون اشعارات القناة بالعطلة لأن أنتم مرحلة ثالثة منتقلين للرابعة يعني عدكم تدريب صيفي وعدكم زي تخرج وعدكم نتائج ووو فضروري تبقون الاشعارات مفتوحة حتى بفترة العطلة

.

6- بأول أيام العطلة راح نبلش نختار زي التخرج بكل تفاصيله، راح تكون أكو تصويتات عامة للدفعة كلها بالكروب العام، وراح تكون أكو تصويتات خاصة بالولد فقط على كروب خاص بالولد يُنشَئ قريبًا، وراح تكون أكو تصويتات خاصة بالبنات على كروب للبنات يُنشَئ قريبًا ... بعد اختيار زي التخرج والاتفاق عليه نرسل لكم تفاصيل الأسعار والخياط الراح نشتغلهن عنده مراعين بذلك الجودة والسعر، وبعد الاتفاق الخياط راح يجي ببداية الدوام لأخذ القياسات، وبعد أخذ القياسات يدفع الطالب مبلغ الزي كاملاً مُقدّمًا حتى ما يصير أي أحراج ويَّ الخياط بعدين ... وهكذا نظل ننتظر يكمل ونسوّي صورة تخرّجنا بأول أسبوع من الكورس الثاني مباشرة، وعلى طاري الصورة راح نختار إن شاء الله مصوّر ترتضوه وراح أشوّفكم أعماله وألبوماته وفيديوهاته وصوره وأسعاره ... وإن شاء الله باقي التفاصيل نكملها بالعطلة.

.

7- التركيز على النقطة السادسة لأنها أهم شي بحياتك الدراسية وتعبك طيلة هاي السنوات من چان عمرك 7 سنوات وإلى الآن هاي أهم محطات حياتك، فتذكروا هي مرة وحدة بالعمر فنريد نسويها شي يستحق الذكرى ... لذلك المقرر ينعزل بالعطلة ويختلي بنفسه ويمسح البرامج ويسد النت لا ينعزل هسه لحدما نكمّل شغلات الزي ويحجز ويرسل تفاصيله يلا ينعزل، والما يريد يخيّط وي الدفعة هم ياريت يبلغنا حتى ما نبقى ننتظره ... وإن شاء الله بالعطلة راح نناقش هاي الأمور كلها.

.
ودمتم للنضال.

رجاءً التركيز على النقطة السادسة لأنها أهم محطة بحياتكم ومرة وحدة بالعمر فاهتموا بيها وانطوها حقها ...

كالعادة مثل العام هذا رابط تقييم الممثل ... أي كلمة أو نصيحة أو ملاحظة أو شي تتمنى يسويه وشي تتمنى يتركه أو نقاط تقصيره أو كلمة طيبة أو شكوى أو أي شي بخاطرك كتبه ...
هذا راح يلفت نظر الممثل لشي قد يكون ما منتبهله ويساهم بتعديله وتحسينه او تركه بالسنة الجاية ... والمرسل راح يبقى مجهول لأن المهم هو الغرض من الرسالة مو المرسل ...
رابط الفورم:
https://forms.gle/RRMw9zHFgrVGCKfY9

الجانب المخفي لكل دكتور ولكل استاذ نادراً يظهر هذا الشي أمام الطلاب ونادراً نشوف دكتور او استاذ يكون جيد بالمعامله مع الطلاب من ناحية التدريس او التعامل ….

والكل يتفق على شي واحد انُ الأخلاق والتعامل والأسلوب الحلو يكسب الشخص المقابيلك ف بعض الأحيان من نحجي عن دكتور او دكتورة او استاذ او استاذه نكول اسلوبه او اسلوبها حلو وأخلاقه أو أخلاقها حلوه ..

حتى لو معاملة التدريس تكون شديده وصعبه اليوم د. ناصر والكل يعرف دكتور ناصر دكتور ممتاز من ناحية التعامل والأسلوب والتدريس

ف حب يوصل سلام الكم والحقيقه (كال إذا فد يوم غلطت بحق طالب او اسئت اله بتصرف ف هذا من حرصي عليه ف دائماً وأبداً انه كنت أتعامل مع جميع الطلاب ك صديق الهم قبل دكتور ف كال اتمنى أشوفكم كلكم ناجحين بحياتكم واتمنالكم التوفيق والنجاح واتمنى ضلون على تواصل وياه وكال كذلك راح أساعدكم بالتصحيح واتمنى اي طالب مياخذ بخاطره مني )


د. عداله

بعد كل امتحان فاينل نظري سواء كورس اول او كورس ثاني وامتحان نظري شهري كانت تتواصل وياي دائماً وتسئل على طالب طالب

ف حبت هم توصل سلام الكم وتتمنالكم التوفيق والنجاح وكالت اي طالب يحتاج شي هسه او بعد التخرج انه موجودة وياكم وأشاركم بكلشي وتقدم المساعدة الكم لا تتردون وكذلك كالت إذا فد يوم عصبت على اي طالب مكان قصدي 👍🏻

أ. وسام

اكثر استاذ متساهل مع الكل من ناحية التدريس والتصحيح وبالامتحان الويب البعض وبسبب صعوبة الاسئله بدون مايفكر راح وقدم شكوى ضد الاستاذ…

بالنهايه الاستاذ اليوم كال ساعدت حتى لكاتب كلمه وحده خليت صح وماشددت بالتصحيح وبالعملي مساعد كلش اهوايه

كذلك حب يوصل سلامه الكم وكال اتمنى اشوفكم فد شي بالمستقبل واسمع بيكم واصلين مرحله حلوه بحياتكم ..

أ .حسين

اسلوبه وتعامله لجميع الطلاب يتعامل معاملة صديق مو استاذ مع الكل
وويتمنى يشوفكم ناجحين ومتخرجين وكال تساهل بالتصحيح ماشدد وساعدت الكل ..

كذلك أ .عبد الملك و. أ. بيداء

يوصلون سلامهم الكم ويتمون النجاح والتوفيق الكم وأستاذ عبدالملك كال على الأكثر انه وياكم بالرابعه اصعد لان دفعه ممتازه

وحبيت أوصل الكم سلام الاساتذه والدكاتره لان هم طلبو هذا الشي.

وبالنهايه كل دكتور او استاذ ترك ف بصمه وأثر طيب بداخل كل واحد منكم 🤍

كلام أستاذ ناصر إلكم (2/1) 🤍