ضفت كل المشتركين بقنوات الكورسات، وهاي روابط الدعوة في حال نسيت أضيف أحد سهوًا خل يدخل ويرسل طلب (* لا يتم قبول غير المشتركين).

1- كورس الشبكات:
https://t.me/+zggGXDk2DC4zNTk0

2- كورس الويب:
https://t.me/+koC1scQonEIwZTE0

3- كورس المترجمات:
https://t.me/+rXnDByjMAYZjY2Q8

4- كورس البحوث:
https://t.me/+nWdqyFr2NhowODBk

مساء الخير طلاب صيام مقبول ان شاء الله

بالنسبة لحذوفات الجابتر الخامس للمعمارية
الاستاذ كال انا ابلغكم أثناء المحاضرة بالحذوفات

شنو رأيكم بهذا الجدول:

الثلاثاء: 11/3/2025 شبكات
الثلاثاء: 18/3/2025 ويب
الأحد: 23/3/2025 بحوث
الثلاثاء: 25/3/2025 أخلاقيات
الأحد: 6/4/2025 مترجمات

نخلّي المترجمات ورى العيد مباشرة
بس بشرط نمتحن العملي مالت الويب والشبكات برمضان.

يناسبكم الجدول؟

بشارة

بالنسبة للمترجمات راح يكون (6) درجات ع التقرير و(7) ع الحضور
نفس الكورس الأول بالمفاهيم

تقسيم الدرجات راح يكون كالتالي:
25 درجة الشهري النظري
12 درجة العملي
7 درجات حضور
6 درجات تقرير
وفوكاها درجتين مال عيد الطالب
(يعني إن شاء الله كلكم تنجحون)

كروب تقرير المترجمات ... اليخلّصه يدزه وبنفس المعلومات المكتوبة بالرسالة المثبتة بالكروب (نفس سوالف المفاهيم)

https://t.me/+VtL4KpyxdURlNGRk

السلام عليكم … طلاب دكتورة عدالة كلش منزعجة منكم ومن تصرفاتكم داخل القاعة ومن أسلوبكم وياها ومن الضحك والحجي أثناء المحاضرة، وهي ما تحجي لأن تكول ما أريد أزعل واحد وأريد يتذكروني بذكرى حلوة، بس إذا چان صاحبك حلو لا تاكله كله، الدكتورة جدًا منزعجة وزعلانة منكم وتكول راح أعوفكم وشوفوا غير تدريسي ياخذكم لأن أنا ما أزعّل أحد لو هم ينضبطون من وحدهم لو من الأسبوع الجاي أكول للقسم يكلّف تدريسي غيري لهاي المادة، وتكول أنا ما مقصرة وياكم بشي وأساعدكم فهذا جزاء الإحسان؟

طلابنا الأريده منكم تعتذرون من الدكتورة وإتركون الحجي والضحك بالقاعة أثناء ما هي تشرح، الدكتورة بكد أمكم فإحترامًا لوجودها ولعلميتها ع الأقل

فرجاءً حافظوا على إنضباطكم أثناء المحاضرة والشرح، سواء بمحاضرة دكتورة عدالة أو بغيرها لأن جاي تشوشون ع الطلاب البقية وأنتم مو صغار إذا عدكم سالفة ترخصوا وطلعوا ولا تكعدون تسولفوها بالمحاضرة

وعادي هي تصير بس إن شاء الله ما تتكرر بعد بتعاونكم

السلام عليكم طلاب
امتحان البحوث صار يوم الثلاثاء يوم 25/3/2025
والاخلاقيات تصير الاحد23/3/2025

الدكتور عنده أوف يوم الاحد ومايكدر يمتحنا بهذا اليوم الا بيوم عنده محاضرات، والامتحان الثاني بعد العيد أن شاء الله.

مادة الامتحان من البداية الى المتغيرات الاصطناعية Artificial Variable ماداخلة بالامتحان

درسو زين الدكتور يكول يجيبها سهلة وأن شاء الله بالتوفيق

مساء الخير طلاب صيام مقبول ان شاء الله

باجر الامتحان الساعة ب10:00
والقاعات تم إرسالها 👍🏻👍🏻.

رسومات الچابتر الأول كلها مطلوبة

أستاذ عبد الملك

طلاب التحميل بالكيانية تأجل إمتحان الكيانية إلى 7/4/2025 الاثنين بعد العيد (لطلاب التحميل فقط).

والخميس من الأسبوع القادم أكو كوز بعدين يحدد الأستاذ بشنو

ويبقى بعد واجب علينا

ويبقى المشروع اليخص العملي إن شاء الله ورى العيد نسلّمه

مع العلم اليريد يمتحن الاثنين الجاي وي المرحلة الثانية عادي يمتحن براحته، واليريد ورى العيد وي التحميل هم براحته

مساء الخير طلاب وصيام مقبول يارب

طلاب بالنسبة للامتحان البحوث راح يكون
يوم الثلاثاء المصادف 3/25 هذا التاريخ واليوم تم تحديده من قبل دكتور ناصر
لان الاحد هو الاوف مالة الدكتور ف ماقبل
وحدد هل اليوم والتاريخ هو امتحان الشهر الاول بحوث وغير قابل لتغير 👍🏻..

ورا العيد يعني الاسبوع الثاني راح يكون
امتحان الشهر الثاني وكذلك يوم الثلاثاء
المصادف 4/8 والمادة الدكتور يحددها


بالنسبه لمادة امتحان الشهر الاول :

راح تكون المادة الداخله بالامتحان هي
البرمجة الخطيه اول موضوع وثاني موضوع طرق الحل نماذج البرمجة الخطيه هي (طريقة البيانيه وطريقة السمبلكس)


طريقة الاسئله الشهر الاول سؤالين فقط:

سؤال الاول تحويل المعادلات إلى داله
الهدف وقيود بعدها تمثلها بالطريقه البيانيه يعني نفس نمط الكوز الاول .


سؤال الثاني يخص طريقة السمبلكس
وكذلك نفس نمط سؤال الكوز الثاني .

تاريخ الامتحان غير قابل لتغير لان
الدكتور هو حدده وماقبل يكون يوم
الاحد 👍🏻.


وبالتوفيق لجميع يارب 🤍.

بالنسبه لتقرير مادة البحوث والمجاميع:

كل مجموعة تتكون اما من طالب واحد او 2 او 3 او 4 يعني المجموعة عادي تحتوي
على 3 طلاب او 4 كحد أقصى تسجلون
اسمائكم الثلاثيه يعني كل ممثل هو يبلغكم شوكت تسجلون بالمجاميع 👍🏻…

بالنسبه لمواضيع التقارير تختار موضوع
من المواضيع الموجوده بالملزمة وتسوي
تقرير على اساسه 👍🏻…

ام مطاليب التقرير هي :

المطلب الاول :اول ورقه ضروري شعار الجامعة وشعار الكلية مع ذكر اسماء المجموعة يعني الاسم الثلاثي بعدها تذكر اسم الدكتور ضروري تكتب اسم الدكتور مو استاذ ركزو على هذا النقطه رجاءاً
مثلاً (د. ناصر عودة ) بالعربي بالإنكليزي
انتَ او انتِ الكم حرية الاختيار

المطلب الثاني : يجب ان يحتوي التقرير على مقدمه لموضوع لسبق وتم اختياره من قبل المجموعة بعدها تكتب شرح عن بعدها تكتبب امثله رياضيه مع الحل النموذجي خطوه بخطوه بعدها تبرمج الامثله على شكل كود برمجي كامل مثل تقرير العام لمادة الطرق العدديه بالضبط

والمطلب الثالث والأخير :
تكتب خاتمة تختم بيها التقرير وضروري
وتكون خاتمه مرتبه ومع ذكر المصادر 👍🏻

احتمال كبير انُ التقرير المرتب والمميز
يتم اختياره من قبل الدكتور ونشره هذة هي مطاليب التقرير .


كل لتوفيق 🤍.

معمارية الجابتر السادس
_أستاذ حسين