السلام عليكم طلاب إلي لحد الان ما مسوي مشروع ويب
يتواصل وية
@MUSTAFA_ZIAA
يسويلة مشروع وبسعر مناسب جداً

مساء الخير طلاب
هذا التبليغ لشعبة Aو C يخص امتحان الويب يوم الأحد (شهر ثاني)
أي طالب يريد يمتحن ويب يكتب اسمه الثلاثي والشعبه بالتعليقات غير الاسم والشعبه التعليق ينحذف فقط الاسم والشعبه منا لباجر بليل الساعة ب٦ تكدر ترسل اسمك 👍🏻.

السلام عليكم ورحمة اللّٰه وبركاته.

يوم الأحد 15/12/2024 مقابلة طلبة المرحلة الثالثة مع رئيسة القسم بقاعة الدراسات العليا أو بأي قاعة فارغة الساعة 10:00
لمناقشة كل المشاكل التواجهكم بالكلية سواء الدراسية أو غير الدراسية يعني مشاكلكم بصورة عامة.

بالنسبة للمشاكل الدراسية، حچيت ويَّ الأساتذة بما فيهِ طاقتي والكفاية ... ووصّلت كل رسالة من رسائلكم وما تركت شي ولا بخلت بشي وسوّيت الشفتوه والما جاي تشوفوه، سواء على إمتحان الهياكل أو بغيره، فهلمرة الكرة بملعبكم.

وعلى ضوء هلشي حاجيت ست صبا وحدّدت موعد مقابلة وياها وويَّ المعاون العلمي يوم الأحد الساعة 10:00 بقاعة الدراسات العليا وراح أحجيلهم بكل المشاكل هناك وبعدها أي واحد منكم يحب يضيف مداخلة فالموضوع مفتوح إلكم أنتم تسولفون وتتناقشون بكل المشاكل التواجهكم.

وهاي حقوق الطالب والمقابلة والطريقة السويناها هاي جدًّا مُهذّبة وحضارية وتعكس رُقيكم وأخلاقكم.

بس حتى يوصل صوتكم بطريقة صحيحة راعوا هاي الأمور لطفًا:

1- المناقشة بهدوء لا ترفعون صوتكم بوجه الدكاترة.

.

2- من تحجون عن أستاذ/ة احجوا بطريقة محترمة ومهذبة وبأدب بدون التقليل من شخصه، لأن مشكلتكم وياه أكاديمية مو شخصية.

.

3- لبسوا زي حتى ما يتحول علينا الموضوع من هدف مقابلتنا إلى (أنتم ما ملتزمين بأبسط الأمور).

.

4- سمحوا لبقية الطلاب تحجي ولا تاخذون كل الوقت.

.

5- لا تدخلون بجدال وي الدكاترة إذا فرضًا (كلولكم أنتم الخطأ) وفهموهم بهدوء ليش الخطأ مو من عدنا ... يعني لا تنفعلون وتُستَفزون ويتحول أسلوبكم لهجومي لأن هلشي ينعكس عليكم سلبًا فابتعدوا عن الأسلوب الاستفزازي للدكاترة مهما كان جوابهم.

.

6- إذا جاي تطرحون مشكلة لازم تقترحون وياها الحلول بدل الاكتفاء بالشكوى فقط.

.

7- استمعوا بشكل جيد للدكاترة ولا تقاطعوهم مهما كان السبب حتلو گالوا كلام ما يعجبكم انتظروهم يكملون يلا تعقبون على كلامهم وبهدوء وإحترام.

.

8- أي واحد يريد يضيف مداخلة يرفع ايده ... لا تحجون من يمكم إلا هم يأذنون إلكم بالمداخلة حتى ما تصير هوسة وخربطة بالقاعة وكلشي ما يفتهمون منكم ويضيع حقكم.

.

9- تجنبوا لغة التهديد (مثل: نشتكي يم رئاسة الجامعة ... نسوي اضراب وما نمتحن ... إلخ) لأن هذا ينعكس عليكم سلبًا.

.

10- تذكّروا الخير يخص والشر يعم فأي واحد يخربط وما يلتزم بالنقاط أعلاه ممكن يخلي القاعة كلها هوسة ويطلعون الدكاترة وما يسمعون للبقية ويضيع حقكم هباءً، فرجاءً التزموا بالهدوء وتكلموا بأسلوب لائق وبأدب وبإحترام حتى تحصلون كل حقوقكم وطلباتكم وما تخلّون أي حجة عليكم.

وإن شاءَ اللّٰه نطلع من هاي المقابلة وأحنا ماخذين المطلوب منها وأكثر.

وأكرر: أهم شي تلتزمون بالهدوء هاي نقطة جوهرية بدونها كلشي ما تاخذون ويصير بيكم مثل المرحلة الرابعة تعوفهم رئيسة القسم وتطلع، فلا إتّركون عليكم حجة رجاءً.

اليردون يحجون يكعدون بالبداية واليردون بس يستمعون يكعدون بالوسط والأخير ...

راح يكون أكو أجندات (جدول أعمال) بيه كل مشاكلكم حتى ما ننسى شي، هذا الجدول ينترك يم رئيسة القسم والمشاكل مرتبة حسب الأولوية والأهمية ... وهي تقرأ عنوان المشكلة وتسأل شنو مشكلتكم بهذا الشي، فاگلها أنا المشكلة بشكل عام وبعدها أنتم تضيفون مداخلاتكم بشكل خاص وبتفاصيل أكثر مع المقترحات والحلول.

وإن شاءَ اللّٰه تعالى ما نطلع إلّا بالشي اليرضينا.

بتعليق هاي الرسالة كتبوا عنوان المشكلة التردون نطرحها يوم الأحد

راح يتم ترتيب كل المشاكل حسب الأولوية والأهمية ... ونطرحهن هناك كلهن

فكتبوا هسه المشكلة بتعليق هاي الرسالة
سواء مشكلة دراسية أو عامة غير دراسية

(أي رسالة ثانية غير المشكلة تُحذَف).

دكتورة عدالة: أرسلت لكم أدناه مقاطع المحاضرتين الآخرتين
إذا احد منكم يكدر يعمل لها ضغط بيانات
افضل حتى يمكن ان يشتغل المقطع بالتلفون

سلام
حمزة اكو ورقة امتحان عندي من امتحانات الشبكات الشهر الاول بدون اسم
لمن هذي؟؟
اكو بنيه راجعتني خلي تتواصل وياك اذا هي صادقه
- ست بيداء

البنية الما كاتبة اسمها خل تراسلني وتدزلي اسمها
@HamzahAyoob

هسه المشاكل فقط:
1- تعامل الأساتذة والموظفين.
2- مراعاة الأسئلة وأخطاء المراقبين.
3- مشاكل الحمامات والستيجات والكراسي واللابتوبات.

إذا يبقن بس هذن مشاكلكم لباجر فأنا أروح أحجيهن لست صبا وهاهيه ما تسوه مسوين مقابلة علمود بس هذن

وإذا عدكم بعد إضافات كتبوها

سعيات طلبة التحميل في مادة الاحتمالية

مساء الخير طلاب
امتحان ويب غداً شعبه AوC الساعة ب١٠ صباحاً بقاعة 9 أو 3 .

استاذ وسام .

إمتحان الويب الآن بقاعة A1
بلغوا زملائكم لطفًا

صباح الخير طلاب
هذا التبليغ يخص شعبة AوC

اولاً:تسليم مشروع الويب ورقي ( الكود+ الواجهات) سحبونهم وتكتبون اسمائكم الثلاثيه مثل التقرير بالضبط .

ثانياً:امتحان باجر العملي يكون على مجموعتين بدون تطبيق على الحاسبة فقط على الورقه والطالب لريد يمتحن بالحاسبة يتحمل نتيجة التنفيذ في حال ماتنفذ البرنامج .

ثالثاً واخيراً: ركزو على الفورم جايه باجر مليار بالمية 😎👍🏻.

استاذ وسام .

باجر تجيبوه ورقي تكتبون بس الكود وصورة للواجهة

اليوم ما فرغت حتى أسوي مقابلة فـ رحت حجيت وي ست صبا بمكتبها ووصلت كل رسائلكم وچان جوابها الآتي:

1- بالنسبة للابتوبات قدّمنا طلب بتجهيزنا بلابتوبات حديثة وبرمجيات حديثة والموضوع مو بيدنا والتأخير هم مو بيدنا هذا شغل دولة

2- بالنسبة للحمامات قدّموا بيها مطالعة مع تصويرها لأن سبب هلشي هو عدنا بس 2 موظفين خدمة، وكذلك بالنسبة للشغلات الثانية مثل التصريف الصحي والابواب والمياه وغيرها كلها كتبوها بالمطالعة ورفقوا صور (بالنسبة لحمامات الولد أنا راح أصورها، أحتاج بنية تصوّر حمامات البنات مع الملاحظات حتى أرفقه بالمطالعة).

3- بالنسبة لمشلكة الستيجات المكسرة والكراسي گالت إن شاء الله ينحلن قريبًا

4- بالنسبة لصعوبة الأسئلة گالت راح أحاجي الأساتذة يراعون تقديم الإمتحانات وضيق الوقت بالأسئلة

5- وبالنسبة لتعامل الموظفين فـ ست صبا ما بيدها شي لأن مو كل الموظفين لقسم علوم الحاسوب

وباقي المشاكل استمعت إلهن وگالت إن شاء الله خير وما أقصر وياكم بشي