مهم يرجى من الطلبة كافة قراءة الرسالة كاملة

الناجحين فقط أو الراسبين ب2 يرجى إرسال
اسمكم الثلاثي مع ايميلكم الجامعي إلى ممثل شعبتكم اليوم، لغرض التسجيل والمباشرة بالمرحلة الثانية.
•••••••••••••••••••••••••


لأن عندنا منظومة إلكترونية جديدة في الجامعة تسمى نظام إدارة الجامعة
University Management System
(UMS موقعـها)

هذا الفصل نستخدمها للتسجيل والمباشرة إن شاء اللَّه

اي طالب يتاخر بإرسال اسمه راح يلقى الشعب مقبطة وتكون اختياراته محددة لذلك استعجلوا خلال هذا اليوم قدر الإمكان لأن بالأيام الجاية يصير زخم.

+ خلال مدة اسبوع واحد يقفل التسجيل ويعتبر الطلبة غير مسجلين لهذا الفصل.

•••••••••••••••••••••••••••

ملاحظة: كل طالب يرسل إلى ممثل شعبته حصرًا، يرسل إليه على الخاص فقط اسمه الثلاثي وإيميله الجامعي، وياريت تستعجلون لطفًا لأن بعدين يصير زخم وهذن الايميلات لازم تتفعل من رئيس القسم حصرًا بالمنصة مو تلقائية وأي طالب عنده إيميل جامعي يدخل، فتجنبًا لأي تأخير دزوهن اليوم وبلغوا أصدقائكم خاف ما متابعين القناة أو مسويلها كتم.
ممثل شعبة A: نورس @Nawras_1
ممثل شعبة B: حمزة @HamzahAyoob
ممثل شعبة C: علي @ajm406

ملاحظة: فقط الايميل بدون باسورد
+ الاسم الثلاثي

بالنسبة للراسبين ب3 وأكثر دزوا إيميلاتكم أيضًا لممثلكم لكن بشرط تكتبون ملاحظة مع اسمكم وايميلكم (راسب بالدور الأول بـ"عدد المواد") حتى يصير عنده علم رئيس القسم ويشوف إذا يفعلهن هسه إلكم أو بعد النتائج، فضروري تكتبون الملاحظة فضلاً.

إلّي ما أستلم ايميله الجامعي (من كل الشعب)
يدزلي اسمه الثلاثي على الخاص أدزلهياه من خلال التسلسل جربتها وي أكثر من شخص ونجحت وهي طريقة مو رسمية بس تسهيل أمر إلكم بدل ما ترحون للجامعة، وإذا ما صار فمعناها أكو خلل وأستثناء إلك وايميلك مختلف فلازم بعد تروح باجر لو السبت تستلمه لأن التسجيل يبدي من الأحد فحتى تلحك وما تلگه الشعب مقبطة

@HamzahAyoob


ملاحظة: مثل ما تضيف ايميلك بكوكل هذا نفس الشي تضيفه بكوكل مو بالمنصة لأن المنصة تفعيلها حصرًا من رئيس القسم، ويدزهن يوم الأحد، ومن تدخل راح يطلب منك تدخل رقم موبايل، لازم تدخل نفس الرقم الكتبته من سجلت بالكلية.

دزوا أسمائكم لممثليكم حتى يتم إرسال ايميلاتكم بدل ما ترحون للكلية

بالنسبة للمعيدين تستخدمون إيميلاتكم القديمة معليكم بإلّي بلغكم يسوولكم جديد

بالنسبة للعايدين (فقط) ... الاسمه ما موجود هنا يدزلياه مع ايميله القديم 22 لأن راح أدز هاي القائمة لرئيس القسم:

1- سارة احمد عبد الرزاق عبد الرحيم
2- شهد شاكر كاظم محمد
3- سارة اياد جبار فرج
4- فاطمة عائد كاظم جابر
5- دعاء رعد طالب خلف
6- زينب علي عبد الرزاق عليخ
7- اسراء مفيد خالد عبد اللطيف
8- محمد عوده سيد رحيل
9- مريم صباح محمد
10- نبأ محمد خلف
11- نرجس عبد الرزاق عباس
12- نور الدين حامد ناصر محمود
13- نور الهدى عدنان هاشم
14- نور سالم علي
15- هناء فخري جاسم
16- كرار عدنان خلف
18- محمد أسامة خليل
19- زينب عزيز إبراهيم

السلام عليكم
هاي أسماء الطلاب الرسلوا إيميلاتهم، البقية الي ما رسلوا ايميلاتهم خل يدزولياه هسه لطفًا، لأن اليوم بالليل ارسل الأسماء مع الايميلات وما نستقبل بعد أي إيميل وإلّي ما داز ايميله فهذا إهمال وتقصير من عنده، ونعتذر إذا أكو سهو وناسين أي اسم هنا لأن الأسماء هواي لذلك أتمنى تچيكون الملف وتشوفون اذا اسمكم ما موجود أو بيه خطأ تبلغونا هسه.

وياريت تشوفون أصدقائكم وياكم خاف ما متابعين القناة أو مسويلها كتم (ضروري بالدوام تفعلون الاشعارات للقناة)

* غيّروا باسووردات ايميلكم، نشرت هسه بس الأسماء فقط للخصوصية لأن حذفت الطلاب المنقطعين والمأجلين ..إلخ. فتخربط التسلسل الماشية عليه الايميلات، مع ذلك لخصوصيتكم لازم تغيرون الباسوورد + تربطون الحساب برقمكم لغرض استرداده إذا نسيتوا الباسوورد بدون ما تحتاجون تراجعون القسم.

* ايميلات 22 كاملات مو من ضمن هذا الملف، (أسمائكم دزيتها فوك نفسها بالملف وضفنا بعد عليها الدزوا للممثلين)

* الما فتح عنده الملف يجرب الصيغة الجوه PDF ويبلغني هسه إذا اسمه ما موجود

السلام عليكم، يرجى تفعيل الاشعارات للقناة لايصال التبليغات وكل ما يتعلق بالمرحلة الثانية

إلغي الكتم عن القناة:
https://t.me/FirstStage2/s/2

تفعيل الاشعارات علمودكم لأن التبليغات راح تكون مشتركة بين كل الشعب على هاي القناة، يعني أغلبها هنا حتى أي ممثل يوصله التبليغ أول ينشره ويوصل للطلاب بأسرع وقت.
بالنهاية الموضوع لخدمتكم، فإذا تكتم الاشعارات يوصلك التبليغ متأخر أو ما يوصلك وما تفتحه وأنت المتضرر الأخير.
هاي القناة للتبليغات ما راح تشوفني لا أنا ولا نورس ولا علي ننشر إعلان لأن من طرف فلان مثل باقي القنوات لو ننشر لابتوب ونگلگم زين اشتروه لو ننشر خط ونگلگم خوش خط أجروه، ما نقبل ننشر أي شي خارج إطار مواضيع الكلية (وهاي أيضًا ملاحظة للطلاب ما أستقبل لا أنا ولا الممثلين أي منتجات وخدمات للاعلان عنها ونشرها بالقناة فلا تحرجونا لأن راح يكون الجواب الرفض وندزلكم رابط الرسالة هاي)، فاطمئن وافتح الاشعارات ما راح تشوف شي جانبي، هاي القناة للتبليغات فقط وكل النريده إلكم هو تكونون أول الطلاب اليوصللها التبليغ وأول الطلاب التستفيد من أي شي ينزل.

السلام عليكم النتائج يوم الخميس

النتائج حضوري

توضيجات على نظام العبور (التحميل) والرسوب:
”اقراها كاملة حتى تفهم وأي سؤال ببالك كتبه وأجاوبك عليه“

1- العبور التقليدي: هو ترسب بمادة أو مادتين بمرحلتك فتحملهن وتعبر للمرحلة الثانية (أي تنجح للثانية حالك حال الطلاب بس الفرق تروح تمتحن شهري ونهائي بهذن المواد الرسبت بيهن وي طلاب الأولى وبأوقاتهم -وما يتطلب منك حضور محاضرات، فقط إمتحانات).

2- الرسوب التقليدي: هو ترسب ب3 مواد أو أكثر وتعيد السنة كاملة على هذن المواد، وبالسنين السابقة چانت يعيد بس هذن المواد الرسب بيهن، هسه لأن راح يتطبق نظام بولونيا الجديد من المرحلة الأولى فيعيد مواد المرحلة كلها (هذا الشي ما يشمل المرحلة الثانية وفوك لأن النظام راح يتطبق من الأولى، يعني الراسب بالثانية يعيد بس المواد الراسب بيهن فقط).

* (الجوه لطلاب الرسوب والتحميل الموجودين هنا)

3- راسب العام بالمرحلة الأولى، وهاي السنة راسب بس ب2: تحمّلهن وتعبر طبيعي للمرحلة الثانية حالك حال العبور التقليدي لأن هاي السنة يحق للطالب 6 محاولات وليس 4 مثل السابق.

4- راسب بالتحميل وناجح بمواد المرحلة أو ناجح بالتحميل وراسب بمادتين من المرحلة: بالحالتين تعبر وتصعد للمرحلة اللاحقة وتحمل المادتين وياك، يعني إذا أنت مرحلة ثانية وعندك تحميل لوجك من المرحلة الأولى ورسبت بيه بس ناجح بمواد مرحلتك، فتعبر عادي حالك حال طلاب العبور من دفعتك، والعكس صحيح إذا نجحت بمواد التحميل وعندك مادتين رسبت بيهن بالمرحلة الثانية أيضًا تحملهن (المهم مادتين مو أكثر).

5- إذا راسب بـ1 تحميل وبـ 1 من المرحلة: يعبر للمرحلة اللاحقة طبيعي حتلو أستنفذ 6 محاولات إمتحانية وياخذ مادة المرحلة الأولى ومادة المرحلة الثانية تحميل للثالثة، وهكذا بالنسبة للرابعة، أي لا يعيد السنة (المهم تكون مجموع مواد التحميل والمرحلة مادتين 2 فقط، إذا 3 وأكثر يعيد ويعتبر راسب بمرحلته) أي مثلاً إذا طالب راسب بمادة تحميل وبمادة من مرحلته فإنه يعبر وياخذهن تحميل عادي، لكن إذا مثلاً راسب بمادة 1 تحميل وب2 من مرحلته أو العكس فأنه يعتبر راسب ويعيد السنة لأن صار المجموع 3 مواد.

6- الراسب سنتين متتالية: المفروض يرقن قيده (إذا كان مجموع المواد التي رسب بها 3 أو أكثر لمدة سنتين متتالية فإنه يعد راسبًا ويرقن قيده) لكن لوجود سنة عدم رسوب يروح الأحد يقدم على طلب إعادة مرقنين.

7- إذا مترقن وراجع ورسب بمادة الترقين للسنة الثالثة على التوالي بس ناجح بكل المواد الأخرى: المفروض يترقن قيده أيضًا لأنه استنفذ 6 محاولات إمتحانية بهاي المادة (كل سنة دورين أول وثاني) لكن لوجود سنة عدم الرسوب يروح يقدم طلب إعادة مرقنين.

«إذا عدكم أي سؤال عن حالة أخرى تركوه بالرد وأجاوبكم عليه إن شاءَ اللّٰه.»