رئاسة القسم

تبليغ من القانونية ورئاسة القسم:
يمنع منعا باتاً التسجيل الصوتي او الفيديوي داخل الجامعة لأي طالب او موظف او تدريسي بدون علمه وبعكسه يحال المخالف الى المحاكم المختصة.
يعمم لطفا

يعني ممنوع تسجلون صوت التدريسي بالمحاضرة بدون علمه وتصويره بدون علمه وهاي الحالة أشوفها هواي بالفترة الأخيرة وإن لم يكن الغرض منها الترفيه وليس الإساءة.

أو تصوير موظف داخل الكلية بدون علمه.

أو تصوير طالب/ة بدون علمه وهاي الحالة منتشرة وبلغنا عنها وأجه التعميم من رئاسة الجامعة، أكو طلاب ما عدهم أي مروءة مصورين زملاء ولد وبنية كاعدين بالكافيتريا يدرسون والولد حس بالموضوع وإشتكى عليهم وأخذوا جزاءهم ... وأي حالة مثل هاي تلاحظوها وما ينتبه الولد بلغوه بسرعة يشتكي وراح يعيدون الكاميرات وفي حالة التصوير چان متعمد وبغرض الإساءة راح يحالون أولاً إلى لجنة الانضباط ثم إلى المحاكم المختصة بتهمة التعدي على خصوصيات الآخرين حسب المادة 438 من قانون العقوبات العراقي.

قاعات قواعد البيانات

آخر قاعات بالمرحلة الثانية

ورقة براءة الذمة

ملاحظة: توقيع الأقسام الداخلية إجباري مو بس للخريجيين وفقًا للكتاب الجديد وتعليمات رئاسة الجامعة، حتى الما ساكن يروح.
كل طلاب الأقضية والنواحي يرحون للأقسام الداخلية يوقعولهم ويختمولهم ويأيدون براءة ذمتهم.
أما مركز محافظة البصرة فرئيس القسم يوقعلهم ما يحتاج يروحون للأقسام ... الكلام الفوك يشمل الأقضية والنواحي + المحافظات، فقط.

خلص العام الدراسي وإنتهت عقبة الإمتحانات، تقدمنا خطوة إضافية لطريق التخرج، وإنتهت المرحلة الثانية حاملة معها سهرنا وتعبنا وإلّي چانت أكثر مرحلة بيها ضغط نفسي وتلف أعصاب وتعب.

مُبارَك للناجحين مقدمًا، والمكملين شدّوا حيلكم عدكم شهر كامل، وحاولوا لا تحملون لأن شفتوا التحميل هسه شلون منشلع گلبهم، فلا تخلون حِمل فوككم ودرسوا زين بالعطلة، كل التوفيق للجميع 🤍


شكرًا لممثلين الشعبتين على تعاونهم نورس وغياث ما قصروا بأي شي.
كذلك شكر موصول لفؤاد ممثل المسائي
وشكرًا لكل طالب ساعد زملاءه هنا وتعب، الله يوفقكم ويجزيكم كل خير على إحسانكم.

عطلة سعيدة للجميع وأرجو أن تكون مثمرة وتطورون أنفسكم بيها خاصّةً في ما يخص اللّغة.


* بالنسبة لمواد الكورسين كلهن هنا تفيدكم بالدور الثاني كلشي بيهن.

الكورس الأول:
https://t.me/addlist/hlU6MFjXjCk0NDc0

الكورس الثاني:
https://t.me/addlist/bQVZ2giWgzNjYTNk


موفقين 🤍

لطلاب التحميل / قاعات التطبيقات

السلام عليكم
على الطلبة المدرجة اسماءهم ادناه مراجعة رئاسة القسم بأسرع وقت
١. مروة عدنان
٢. فاطمة شاكر
٣. نبأ محمد خلف
٤. احمد حسن عبد العالي
٥. نجلاء ضياء خليل

السلام عليكم

يجوز هاي السنة صدرت قصورات من عدنا بسهو أو بعدم سهو، ويجوز تصرفنا تصرفات خطأ ومحد نبّهنا عليها، ويجوز سوينا أشياء ما كان لازم نسويها وما سوينا أشياء كان لازم نسويها، لذلك هذا الفورم إلكم أنتم ترشدونا لغرض تقليل القصور بالمستقبل وخدمتكم بما يليق بكم، فكتبوا بيه (رأيكم بالممثل، شكوى عليه، نصيحتكم إله، ملاحظاتك عليه وإله، تتمنون يسوي كذا بالمستقبل إذا بقى، تتمنون ما يسوي كذا بالمستقبل، وبالنهاية اقتراحاتكم شنو) وهكذا ...إلخ.

النص مفتوح إلكم وتكدرون تكتبون رسالة طويلة أو قصيرة براحتكم.

ملاحظة: لن يحفظ الفورم بريدك الإلكتروني أي ستبقى هويتك مجهولة، وستبقى رسالتك سرية يقرأها الممثل فقط ولن يراها أحد، فإكتب أي شيء تريد أن تقوله.

https://forms.gle/MNeTzan1jF1KNVVYA

طريقة حساب المعدل:

يعتمد حسابنا على (التقديرات والوحدات) فقبل لا نبدي نحسب لازم نعرف شنو هذن:

1- التقديرات:
وهي التنكتب على النتيجة، وهي كالآتي
مقبــــول = من 50-59
متوســط = من 60-69
جيــّــــــد = من 70-79
جيّد جدًا = من 80-89
ممتــــــاز = من 90-100

بالنتيجة يكتبولك بس تقدير بدون درجة فلازم تخمّن درجتك، يعني مثلاً إذا ماخذ جيّد تخمن 75 كتخمين وسط، لكن إذا مثلاً مقبول أنصحك تخمنه 50 لأن لو تاخذه بقرار لو هم يساعدوك ويرفعوك من الدرجة الحرجة، وإذا متأكد من نفسك فوك الـ 55 فخمّنه براحتك.

وهكذا ...

2- الوحدات:
كل مادة إلها وحدات معينة مكتوبة بالصورة أدناه تحت اسم (Credit Hours).
•••••••••••••••••••••••••••••
الآن ننتقل إلى

خطوات حساب المعدل:

• الخطوة الأولى:
ضرب كل درجة مادة خمّنتها بالوحدة مالتها.
(عدد الوحدات × درجة المادة)

مثلاً البرمجة الكيانية
تقديرك جيّد ← خمنته 75
الوحدات 3 (تاخذها من الصورة هنا)
3×75 = 225
وهكذا تطلع لكل المواد ناتج بهاي الطريقة.

• الخطوة الثانية:
أ.
بعدها نجمع كل النواتج، ونفرض طلعت هيج:
225+201+210+200+250+220 = 1306

ب.
بعدها نجمع كل الوحدات أبحدهن، نفرض طلعن:
3+3+3+3+3+2 = 17

• الخطوة الثالثة:
نُقسِّم الناتج الأول ع الثاني لنستخرج المعدل
1306÷17 = 76.8

إذًا معدل الطالب لهذا الكورس 76.8
•••••••••••••••••••••••••••

حساب المعدل التراكمي:

المعدل التراكمي هو معدلك اليكتبونه بالوثيقة أي هو (المعدل الجامعي، معدل التخرج، المعدل التراكمي طوال الأربع سنوات، ...ومسميات أخرى)

شلون تحسبه؟ لازم تعرف أول هاي النسب:
السنة الأولى (10%)
السنة الثانية (20%)
السنة الثالثة (30%)
السنة الرابعة (40%)

مثلاً إذا معدلك بالسنة الأولى الطلعناه 76.8
راح تضربه بـ 0.1 ويطلعلك = 7.6
وإذا سنة ثانية تضرب بـ 0.2 والثالثة 0.3 والرابعة 0.4 ثم تجمعهم ويطلع ناتج تخرجك، مثلاً طلعلك:
7.6+16+25.5+33 = 82.1
إذن معدل تخرجك اليُكتَب بالوثيقة هو 82.1
•••••••••••••••••••••••••••••

إليك تطبيق عملي لكل الحجيناه فوك وبالتفصيل:

أتفقنا نخمّن الدرجة من التقدير ونضربها بعدد الوحدات لكل مادة.

المرحلة الأولى:
1- برمجة 1: 50×4 = 200
2- رياضيات: 50×3 = 150
3- مهارات: 80×3 = 240
4- إنكليزي: 80×2 = 160
5- ديمقراطية: 60×2 = 120
6- صحة ولياقة: 60×2 = 120
7- برمجة 2: 50×4 = 200
8- لوجك: 50×4 = 200
9- إنكليزي 2: 80×2 = 160
10- هياكل متقطعة: 50×3 = 150
11- مبادئ: 80×3 = 240
12- تطبيقات: 70×3 = 210

أتفقنا بعد ذلك نجمع هذن النواتج، ومن ثم نجمع الوحدات أبحدهن، ومن ثم نقسم الأول على الثاني

وكالآتي:
200+150+240+160+120+120+200+200+160+150+240+210 = 2,150

4+3+3+2+2+2+4+4+2+3+3+3 = 35

2,150 ÷ 35 = 61.4

إذًا معدل المرحلة الأولى هو 61.4
•••••••••••••••••••••••••••••

وهكذا تكمل لباقي المراحل بنفس الطريقة، ومن تخلصهن تحسب أنوب معدلك التراكمي (معدل التخرج الينكتب بالوثيقة)

وكالآتي:
نفرض المرحلة الأولى معدلك = 61.4
والمرحلة الثانية معدلك = 76.8
والمرحلة الثالثة معدلك = 80
والمرحلة الرابعة معدلك = 88.6

نضرب معدل الأولى بـ 0.1 والثانية بـ 0.2 والثالثة بـ 0.3 والرابعة بـ 0.4 (حسب النسب المئوية لكل مرحلة كما شرحنا آنفًا من 10% إلى 40%)
فنكول:
61.4 × 0.1 = 6.1
76.8 × 0.2 = 15.3
80 × 0.3 = 24
88.6 × 0.4 = 35.4

الآن نجمع النواتج ونطلع المعدل التراكمي:
6.1+15.3+24+35.4 = 80.8

إذًا معدل تخرجك الذي يُكتَب بالوثيقة هو: (80.8) بتقدير جيّد جدًّا.

أنتهى ...

وأي سؤال عدكم أو شي ما مفهوم گلولي

@HamzahAyoob
•••••••••••••••••••••••••••••
ودمتم للنضال.

إلّي ما فهم القرار:

قبل چان القرار 5 بس ما ينطوها إلك إلا تنجح بالدور الأول
هسه حتلو ما تنجح وتبقالك مواد للدور الثاني ينطوكياها حتى يقللولك عدد المواد بالدور الثاني

يعني إذا راسب بالتحليل والاحتمالية والكيانية
قبل ما ينطوكياها الا تنجح بيهن كلهن بالدور الأول بالتالي تنجبر تمتحنهن تلاثتهن بالدور الثاني حتلو واصلة عندك مادة 45

هسه ينطوك الخمسة بدون هذا الشرط، يعني اذا مثلا الكيانية واصلة 45 تنجح بيها من الدور الاول بقرار وميحتاج تمتحنها دور ثاني مثل القرار الأول الفوك
وإذا مثلا عندك الكيانية 47 والاحتمالية 48 راح تاخذ الخمسة وتنجح بيهن ثنينهن، بالتالي يبقالك بس التحليل بالدور الثاني

أتمنى يكون توضح القرار، وإذا عدكم أي سؤال أنا حاضر

من يكمل القرار تعلن النتائج خلال الفترة القصيرة القادمة

لا تنسون هذا التبليغ (استنساخ هويتك الجامعية والموحدة مع البراءة)

وتكدرون تستلموها عكب باجر الأربعاء الصبح إذا ما تحبون ترحون باجر الظهر (وأحتمال ورى الظهر إذا صار تأخير).

السلام عليكم
الاعتراضات تنتهي يوم الاربعاء الساعة الواحدة ظهرا