السلام عليكم
#تذكير:
امتحان البرمجه العملي كورس الأول يوم الأربعاء 13/9

يعني 1/10 تقريبًا

17-9-2023_1.pdf

*كيف تشتري لابتوب من الألف للياء*

سواء للدراسة والبرمجة أو العمل والتصميم والمونتاج مع أهم المواصفات إلّي لازم تنتبه عليها مع نصائح عند الشراء ونقاط مهمة لازم تركز عليها

* اذا مشغول عوفها وإرجع غير وقت لأن راح أشرح بالتفصيل يعني رسالة طويلة.
...........................

بدايةً لمن تشتري لابتوب لازم تنتبه لعدة نقاط وهي :
• الشاشة ( حجم \ دقة )
• المعالج
• حجم الهاردسك
• نوع الهاردسك
• كارت الشاشة
• حجم البطارية وسرعة الشحن
• الحجم
• المنافذ
____

لو تلاحظ ذكرت عدة نقاط مهمة عند الشراء وما ذكرت من ضمنها شركة اللابتوب مثل Dell or Hp وغيرها وممكن يجي ببالك انو الشركة اول حاجة المفروض أفكر بيها، وهذا خطأ شائع .. (الخلاصة اختار الشركة اللي تقدم لك المواصفات من الخدمات والمميزات اللي تحتاجها) لأن كل الشركات نفس الشي وتقدم مواصفات مختلفة في اللابتوب وكلهم مشتركين بيها فركّز على مواصفات اللابتوب لا على اسم الشركة، والاختلاف يكون في ( الشكل / الحجم / سرعة الشحن / اداء البطارية .. الخ )
• فالمواصفات أهم نقطة عند الشراء
____

#أولا

نبدأ بأول نقطة وهي (المعالج)
لأنه أهم جزء في اللابتوب

أ/

المعالجات اللي في اللابتوب إما تكون إنتل أو رايزين
وانا سأتكلم عن إنتل لأنها الافضل والأكثر إنتشارًا في السوق

معالجات إنتل تنقسم لأربع أقسام رئيسية
i3
i5
i7
i9
...
ب/

معالجات إنتل تنقسم لأربع اقسام رئيسية :
معالج i3 > للتصفح وخدمات أوفيس ومشاهدة أفلام والبرمجة الخفيفة
معالج i5 > معالج متوسط > كل ما سبق ذكره + مونتاج + برمجة متوسطة
معالج i7 > معالج قوي > كل ما سبق ذكره + مونتاج + العاب + برمجة عالية
معالج i9 > معالج قوي جدًا وكل الأشياء بيه عالية
...
ج/

كل المعالجات هذه لها أجيال وكل سنة ينزل جيل جديد وآخر جيل نزل هو الجيل الثالث عشر
وعلمود تحصل على أداء ممتاز أخذ الجيل الثامن وأعلى بغض النظر عن أي نوع معالج راح تاخذ يعني إذا أخذت i7 تلكه بيه 13 جيل أنت أخذ الجيل الثامن فما فوق حتى تحصل على أداء إحترافي.
*¹ إذا تشتري لابتوب جديد غالبًا يكون الجيل هو الجيل العاشر أو الحادي عشر.
*² ويندوز 11 ما يركب بشكل رسمي إلا اذا كان معالج اللابتوب الجيل الثامن فأعلى.
...
د/

زين ليش گلت عنه أقسام رئيسية ؟
لان شركة إنتل عندهم معالجات ثانية، تكون موجهة للشركات الصغيرة والسوبر ماركت والبقالات مثل ( Celeron أو Pentium )
وأي لابتوب بهذه المعالجات ما يتحمل إلا برنامج واحد فقط أو أثنين لذلك أي لابتوب بمعالج من هذه المعالجات يكون سعره رخيص جدا > لأنه سيء ، فأبعد عنه ولاتفكر بيه.
...
هـ/

زين إذا رحت اشتري لابتوب وكاتب لي رقم المعالج بدون ما يكتب لي المعالج من أي جيل .. كيف أعرف إذا هذا اللابتوب الجيل السابع أو الحادي عشر؟!
الجواب:
الصورة هاي https://soyacincau.com/wp-content/uploads/2019/08/190805-intel-product-naming.png
توضّح إلك شلون تقرأ اسم المعالج
من اليسار بيبدأ معك بنوع المعالج ( i3 / i5 / i7 / i9 )
أول رقم بعد i7 والشرطة يكون جيل المعالج، مثل هنا يكون الجيل العاشر 1065 (تكدر تشوف البقية التحت جيل 9 ثم التحته جيل 8 ثم 7 وهكذا)

بعد الرقم هذا يكون حرف خط الانتاج
والأشهر في السوق هي
U
k
G
زين شلون أختار بينهم وشنو الفرق بينهم؟
الجواب حسب إستخدامك
يعني:
تاخذ U: للاستخدام الخفيف أو البرمجة أو البرامج العادية (يوفر طاقة)
تاخذ G: لاستخدام المونتاج لأن بيه كرت شاشة مدمج يساعد في المونتاج (يصرف طاقة)
تاخذ K: للألعاب (يصرف طاقة عالية)
_

#ثانيًا
الهاردسك Hard Disk القرص الصلب بالعربي ..

أ/

الهاردسك يجي نوعين
SSD أو HDD
الـSSD أفضل لكن هذا جدول يشرحلك أهم الفروقات، من حيث:
السعر: الـSSD أغلى (سلبي).
الحجم: الـSSD أصغر (إيجابي لهاي ولكل التحت).
الأداء العام: الـSSD سريع، HDD بطيء.
سرعة تشغيل الملفات: الـSSD أسرع.
سرعة إقلاع النظام: الـSSD أسرع ب40%.
التأثر بالحرارة: الـSSD لا يتأثر، عكس الـHDD.
الوزن: الـSSD أخف.
صرف الطاقة: الـSSD أقل من2-3 واط بينما HDD من 6-7 واط.
الصوت: الـSSD لا يصدر صوت عكس HDD.
فهاي المقارنة أمامك الخلاصة منها SSD أفضل.
...
ب/

مساحة الهاردسك:
مساحة الهاردسك في اللابتوب تبدأ من 128GB تقريبًا
فأنصحك تاخذ 256GB كحد أدنى
أو 512GB فأعلى، إما إذا كنت تشري اللابتوبات للمونتاج فتحتاج مساحة عالية بلا شك مثل 1T or 2T وربما 500GB يمشيلك شغل.
...

ج/

زين سؤال أنا كاعد أفتش باللابتوب ولگيت بيه 2 هارديسك واحد SSD والثاني HDD شنو هذا؟
ج/ فوق ذكرنا انو سعر ال SSD أغلى من HDD فبعض الشركات تحاول تقدم لك لابتوب بسعر مخفض وبجودة عالية فشتسوي؟ تروح تخلي اللابتوب بيه قرص SSD بحجم صغير يكون بيه الويندوز وهاردسك بحجم كبير للبرامج وملفاتك فهواي من اللابتوبات هيج.
____

#ثالثًا
الرام RAM
من ناحية الرام الأفضل إنك تبدأ من 8GB وأعلى
لا بأس إنك تاحذ 4GB إذا كان إستخدامك بسيط ( برامج أوفيس + تصفح + مشاهدة افلام، برمجة خفيفة للدراسة)

إذا چنت مبرمج متقدم وتسوي مشاريع كبيرة أو مصمم أبدا من 8GB ولو عندك قدرة إخذ 16GB وإستمتع بالأداء.

*كلما زاد حجم الرام كلما صار الأداء أفضل وأسرع
_

#رابعًا:
كارت الشاشة Graphics
مهم يكون في اللابتوب كارت شاشة منفصل  اذا كان استخدامك مونتاج او ألعاب
للمونتاج كارت شاشة 2GB
للالعاب كارت شاشة 4GB

كلما زادت تحسّن الأداء والسرعة، مع ملاحظة ما يحتاج تاخذ لابتوب بيه هذا الشي إذا ماخذه بس لبرامج مايكروسوفت والبرمجة الخفيفة، يكفيك مواصفات بسيطة
____

خامسًا:
المنافذ :
مهم تشوف المنافذ اللي تحتاجها
لو تحتاج USB-C تأكّد انو موجد
ولو تحتاج HDMI تأكّد انو موجود
وتأكد من عدد منافذ ال USB
اللي تحتاجها (اثنين ثلاث ...إلخ)

___

سادسًا:
الشاشة

حجم الشاشة:
مهم تشوف حجم الشاشة المناسب إلك وأكيد تحتاج شاشة كبيرة إذا كنت ممنتج فديوهات أو مبرمج متقدّم أو تشتري لابتوب للألعاب، إما إذا للدراسة والبرمجة العادية فأختار أي حجم يناسبك مو مشكلة حتى لو وسط المهم تشوف بيه بوضوح وما يتعّب عيونك

دقة الشاشة :
شاشات اللابتوب تجي بدقات مختلفة
لا تاخذ أقل من FHD+ لأن يتعبك
وإذا كان اللابتوب يدعم اللمس فالأفضل إنّك تاخذ شاشة بدقة QHD+
ومو مشكلة لو اخذت FHD+
___

زين أنطينا الزبدة والخلاصة من هذا الحجي الفوك كله
صار:

• إذا كنت طالب أو إستخدامك خفيف (تصفح وبرامج أوفيس ومشاهدة أفلام وبرمجة خفيفة)
معالج i3 فئة u
و RAM 4GB / 8GB
و SSD 256GB فأعلى

• إذا استخدامك (مونتاج أو تسوي مشاريع برمجية)
معالج  i5 / i7 الجيل الثامن فأعلى
و SSD 512GB فأعلى
و RAM 8GB / 16GB
كرت شاشة 2GB فأعلى
فئة U للمشاريع البرمجية
و فئة G للتصميم وللمونتاج Video Editing

• إذا استخدامك ألعاب
معالج i7 الجيل الثامن فأعلى (وفئة H حصرًا)
و SSD 512GB فأعلى
و RAM 16GB
و كرت شاشة 4GB

__

ودمتم سالمين

18-9-2023_1.pdf

امتحان المبادئ العملي باجر ب11 لشعبة B

طلاب لمن يعرف احد الطلبه الذين نالو الشهادة ذكر اسمه فضلاً

مهم يرجى من الطلبة كافة قراءة الرسالة كاملة

الناجحين فقط أو الراسبين ب2 يرجى إرسال
اسمكم الثلاثي مع ايميلكم الجامعي إلى ممثل شعبتكم اليوم، لغرض التسجيل والمباشرة بالمرحلة الثانية.
•••••••••••••••••••••••••


لأن عندنا منظومة إلكترونية جديدة في الجامعة تسمى نظام إدارة الجامعة
University Management System
(UMS موقعـها)

هذا الفصل نستخدمها للتسجيل والمباشرة إن شاء اللَّه

اي طالب يتاخر بإرسال اسمه راح يلقى الشعب مقبطة وتكون اختياراته محددة لذلك استعجلوا خلال هذا اليوم قدر الإمكان لأن بالأيام الجاية يصير زخم.

+ خلال مدة اسبوع واحد يقفل التسجيل ويعتبر الطلبة غير مسجلين لهذا الفصل.

•••••••••••••••••••••••••••

ملاحظة: كل طالب يرسل إلى ممثل شعبته حصرًا، يرسل إليه على الخاص فقط اسمه الثلاثي وإيميله الجامعي، وياريت تستعجلون لطفًا لأن بعدين يصير زخم وهذن الايميلات لازم تتفعل من رئيس القسم حصرًا بالمنصة مو تلقائية وأي طالب عنده إيميل جامعي يدخل، فتجنبًا لأي تأخير دزوهن اليوم وبلغوا أصدقائكم خاف ما متابعين القناة أو مسويلها كتم.
ممثل شعبة A: نورس @Nawras_1
ممثل شعبة B: حمزة @HamzahAyoob
ممثل شعبة C: علي @ajm406

ملاحظة: فقط الايميل بدون باسورد
+ الاسم الثلاثي

بالنسبة للراسبين ب3 وأكثر دزوا إيميلاتكم أيضًا لممثلكم لكن بشرط تكتبون ملاحظة مع اسمكم وايميلكم (راسب بالدور الأول بـ"عدد المواد") حتى يصير عنده علم رئيس القسم ويشوف إذا يفعلهن هسه إلكم أو بعد النتائج، فضروري تكتبون الملاحظة فضلاً.

إلّي ما أستلم ايميله الجامعي (من كل الشعب)
يدزلي اسمه الثلاثي على الخاص أدزلهياه من خلال التسلسل جربتها وي أكثر من شخص ونجحت وهي طريقة مو رسمية بس تسهيل أمر إلكم بدل ما ترحون للجامعة، وإذا ما صار فمعناها أكو خلل وأستثناء إلك وايميلك مختلف فلازم بعد تروح باجر لو السبت تستلمه لأن التسجيل يبدي من الأحد فحتى تلحك وما تلگه الشعب مقبطة

@HamzahAyoob


ملاحظة: مثل ما تضيف ايميلك بكوكل هذا نفس الشي تضيفه بكوكل مو بالمنصة لأن المنصة تفعيلها حصرًا من رئيس القسم، ويدزهن يوم الأحد، ومن تدخل راح يطلب منك تدخل رقم موبايل، لازم تدخل نفس الرقم الكتبته من سجلت بالكلية.

دزوا أسمائكم لممثليكم حتى يتم إرسال ايميلاتكم بدل ما ترحون للكلية

بالنسبة للمعيدين تستخدمون إيميلاتكم القديمة معليكم بإلّي بلغكم يسوولكم جديد