سيقام سحب على اشتراك تليجرام يوم الاثنين القادم لكل مشتركين القناة، وألف مبارك مقدمًا للفائز 🤍

سحبوهن ورقيًا من مكتبة الكلية
أو اليحب أطبعله وأجيبله باجر يرد بنقطة على هاي الرسالة حتى أشوف العدد وأطبع على ضوءه وتستلموهن من ممثل الشعبة

سعرهن تلاثتهن بـ 500

موضوع الإجازة

بالكلية ماكو شي اسمه إجازة للطالب أكو شي اسمه عيادة أو وفاة، أما الاجازات فهاي للتدريسيين حصرًا.

الإجازة المعتمدة بالقسم للطالب هي الطالب ياخذ ورقة من رئيس القسم مختومة يوديها للطبابة إلّي يم الكلية ومن الطبابة يسوولك تحويل على مستشفى ومن المستشفى يكتبولك إجازة ترجع تراويها لرئيس القسم ومن رئيس القسم تُحوَّل إلى لجنة الغيابات لاتخاذ ما يلزم، ويفضل تخليلك نسخة يمك أو يم الممثل حتى يشوّفها للدكاترة ويسجلوك مجاز رأسًا، وحتلو سجلوك غايب تالي لجنة الغياب هي تشيل الغياب.

هاي طريقة العيادة والاجازة المرضية، الطريقة الثانية الوفاة، تروح أنت أو تخوّل الممثل وتنطيه نسخة من شهادة الوفاة (بشرط يكون المتوفي من الدرجة الأولى)، وتطلب اجازة.

الطريقة الثالثة هي مو رسمية، وهي أنت تروح تحجي وي الدكاترة قبل يوم إنَّ أنت ما تكدر تداوم باجر أو اليوم إلّي تريده، وهاي تعتمد ع الدكتور نفسه إذا يقبل أو لا، لكن عسى ولعل يتعاونون، وإذا ما تكدر أنت تحاجيه تكدر توصي الممثل أو توصي زميلك مو شرط الممثل عادي.

بهاي الطرق فقط تاخذ اجازة، أما تجي عندك عرس لو سفر ووو ما ينطوك إجازة رسمية، تكدر فقط تحاجي الدكاترة ولو يوافقون لوما يوافقون.

المحاضرة الرابعة - احتسابية

ستقام بطولة كرة قدم للمرحلة الثانية فقط، من كل شعبة 14 طالب (فريقين).
اليحب يسجل يرسل اسمه إلى ممثل شعبته

السلام عليكم، اليوم أنا ونورس وغياث حاجينا ست رفيد بخصوص كلشي يخص مادة الاحتسابية، حاجيناه بالبداية على السرعة وإن الطلاب ما جاي تلحك تستوعب وبنفس الوقت ما تلحك تراجع هلكد، وگلنالها أحنا عدنا يومين بالأسبوع نقسّم المحاضرة الوحدة عليها.

كذلك حاجيناها بخصوص الكوز هواي 4 فسوته 3 (حاولنا وياها على ثنين گالت ما بيه أسئلة فتجيكم صعبة عاد نسويه 3 محاضرات حتى شوي أسهل) فأتفقنا على 3 محاضرات يوم الأربعاء وگالت اجيب كلشي شرح ومسائل.

بعدها حاجيناها ع الإمتحان الشهري گالت إذا نبقى ناخذ بعد راح لحدما نوصل يصير الإمتحان فأتفقت وياها يكون الإمتحان يوم الأحد (3/2/2024) بأول 4 محاضرات فقط، ونشوف آرائكم حتى نثبت الموعد لأن إذا ما صار الأحد الجاي راح تدخللنا هواي محاضرات إضافية فالأفضل نمتحن بهذن وخاصةً أحنا راح ندرسه بالكوز فيعني نراجعه مرتين فيسهل علينا.

أخير شي حاجيتها ع المحاضرات الاجمالية للمادة گالت 25 گلتلها هواي، گالت يجوز ناخذ بس 20 كلنالها هم هواي، بالأخير گالت 15 گلنالها منا منا گالت أبد وبعد محاولات گالت اللّٰه كريم من 11-15 گلنالها ما بيها مجال 10 كالت لا عليَّ بعشرة ونص، فالمهم بالأخير ثبتت إنو ناخذ فقط 11-15 محاضرة فقط، يعني تقريبًا نص المحاضرات طيحناها إلكم.


فهسه شنو أريد منكم، أريد منكم تنطوني الضوء الأخضر حتى نثبت الموعد على يوم الأحد بأول أربع محاضرات فقط.

وإن شاءَ اللّٰه كل التوفيق 🤍

ألف مبارك للأخت زينب 💙

تحبون نسوي سحوبات أكثر؟ يشارك كل طالب مثلاً بألف دينار ونحدّد السحب فقط للأشخاص المشاركين يعني القرعة تصير فقط للأشخاص الدافعين مو لكل القناة مثل هسه، هذا الشي بيه فائدتين وهي:
1- ممكن بألف دينار فقط تربح اشتراك Premium،
ولا بُّد بالأخير الكل يربح إذا سوينا كل أسبوع سحب.
2- يزيد تعزيز القناة ويوصّل القناة لمستويات أكثر وينفتح بيها مزايا أكثر.

فإذا تحبون تشاركون بلغوني حتى نسوّيه الأسبوع الجاي، تسجلون يم ممثليكم معرّفكم ع التليجرام من تدفعون حتى نضيف فقط اليوزرات المشاركة بالسحب.

.