* فقط لطلاب التحميل من الثانية للثالثة، مو التحميل من الأولى للثانية ... من يداومون المرحلة الأولى تكدرون تتابعون تبليغاتهم ومواعيد إمتحاناتهم، هذا الكروب ميفيدكم

جدول الصباحي بعد التعديل

السبت ثبت دوام
* يجب الالتزام بالدوام حسب الجدول المعلن.
* يجب الالتزام بالزي الموحد.
- رئاسة القسم

توضيح

الجدول مو بسهولة يتغيّر، مثلاً لو حوّلوا مواد السبت لغير يوم (حتلو مادة وحدة) فيحتاجون يشوفونها ما متضاربة وي غير مادة من غير شعبة، أو غير مرحلة بكل شعبها، أو غير قسم بكل مراحله وشعبه، لأن الجدول يتم بتعاون القسمين وبحكم القاعات قليلة فبعض المراحل مخليلهم أوف أو مادة وحدة بيوم كامل

يعني مثلاً لو غيّروا البرمجة وشالوها من يوم السبت وخلوها يوم الاثنين، فيحتاجون يغيرون المادة إلّي بيوم الاثنين الياخذون بنفس القاعة والوقت أيضًا، إلّي تكون أما لغير شعبة أو مرحلة أو لقسم النظم، فأيضًا يحتارون شلون ينقلون هاي المادة لغير يوم بدون ما يصير تضارب، ويغيروه بحالة وحدة وهو وجود خطأ أو تضارب بيه أصلاً، أما بغير حالة فما يغيروه

وهسه أحنا اعتراضنا مو علمود مادة وحدة بيوم واحد ميخالف قابلين ومتفهمين المشقة لتنظيم الجدول، لكن اعتراضنا على يوم السبت فقط وطالبنا بإلغاءه لأن ماكو خط يقبل ياخذ الطلاب يوم السبت بحكم ارتباط خطوطهم مع باقي الكليات فراح يضطرون الطلاب يشقون على أنفسهم بالحضور وأغلب أيام السبت ما راح يكدرون يحضرون خصوصًا الطالبات وإلتزامهن بخط، وما لگينا أي إستجابة، لكن إن شاءَ اللّٰه راح نحاول باجر محاولة أخيرة أنا وباقي الممثلين مع رئاسة القسم لإعادة النظر بيه لطفًا بالطلبة إذا كان هناك مجال للتعديل.

هذا ملف ماده تحليل نظم كامل👆👆

السلام عليكم، اليوم حجينا مع رئيس القسم بخصوص يوم السبت وإمكانية إلغاءه ونقل محاضراته لغير يوم بسبب عدم توفر خطوط ليوم السبت بسبب ارتباطهم مع باقي الكليات، الدكتور گال أحنا كُنّا مُخيّرين بين أن نمدد الدوام إلى الـ 4 العصر، أو نخلي يوم السبت، لأن حاولنا هواي حتى يضبط الجدول بدون يوم السبت ما صار ولا رهم إلا لمن سوينا الدوام 6 أيام، وإذا خلينا الدوام للـ 4 العصر فأيضًا نفس الشي باقي خطوط الكليات لمدة 5 أيام ما راح تكدر تحصّل خط ينتظر
للـ 4، فيوم واحد يتدبر أفضل من 5 أيام يمتد بيها الدوام للـ 4 مثل بعض الكليات الجاي تطبقه حاليًا بسبب قلة عدد القاعات وتضاربها مع الشُّعَب والمراحل والأقسام الأخرى.

فأنتم شنو رأيكم؟

الأوائل على المراحل للسنة السابقة، ألف مبارك

الأشياء التحتاجوها بالكورس الأول:

1- مادة التحليل تحتاجون تدخلون لهذا الكلاس على تطبيق Classroom
رمز الكلاس: vm4quly
رابط مباشر للكلاس: اضغط هنا.
•••••••••••••••••••••••••••

بالنسبة للعملي عدنا 3 مواد عملي وهي (المايكروية، والبرمجة الكيانية، والرسم) وهذن إلهن برامج خاصة تنزلوهن على حواسيبكم
1- برنامج المايكروية
2- برنامج الكيانية
3- برامج الرسم

السلام عليكم،
أستاذة بيداء وأستاذة ميادة طلبوا نحدد يوم من شهر الـ11 حتى يكون إمتحان الشهر الأول ويكون إمتحان موحّد لكل الشعب

تناقشنا الأربعاء أنا وعلي ممثل C إن لو نحدّد موعد الإمتحان من هسه أفضل لعدة أسباب:

1- راح نخلّي بكل أسبوع إمتحان واحد فقط، عكس لو وصلنا لشهر الـ 11 وفجأة الأساتذة هم يحدّدون الإمتحان ويصير أكثر من إمتحانين بأسبوع واحد، بينما إذا حدّدناه من هسه فراح نمتحن بس إمتحان واحد بالأسبوع وهلشي يخلينا نسيطر على المادة أكثر بسبب المجال والوقت الهواي العدنا.
2- المادة راح تكون قليلة وهلشي لصالحنا.
3- نكون جاهزين قبل شهر ونعرف يمتى الإمتحان بالتحديد وهلشي يخلينا مستعدين ونعالج مشكلة التأجيلات لأسباب تضارب أو ضيق بالوقت أو أكثر من إمتحان بأسبوع واحد وما نلحگ و...إلخ.
4- طلاب التحميل راح يكون عدهم علم من هسه بمواعيد الإمتحان وبالتالي إذا التدريسي راد يحدّدلهم مادة بهذا اليوم يكلوله عدنا بهذا اليوم إمتحان تحميل فيأجله إلهم لغير يوم ونعالج مشكلة تضارب الإمتحانات بين المرحلة والتحميل وهذا أهم شي ويفيد الطرفين.
5- نخلّص من وكت ونلحگ نمتحن شهر ثالث إختياري ويحسب التدريسي على الشهرين الأعلى في حالة أخفق طالب بإمتحان معين.

وهاي ميزات تحديد الموعد من هسه
. . . . . . . . . . .

بالنسبة للمواعيد فگالوا الأساتذة يكون بيوم المحاضرة مالتنا لهاي المادة، أو أي أربعاء من شهر الـ11 بالنسبة للتحليل أو الإحتمالية

فأنا سويت هذا الجدول وأحب آخذ رأيكم بيه:

1/11/2023 (الأربعاء) تحليل
(بحكم المادة قليلة ونكدر نسيطر عليها وشعبة A-C عدهم أوف يوم الثلاثاء يكدرون يكعدون يدرسون بيه).

6/11/2023 (الاثنين) رسم
(شعبة B-C عدهم أوف يوم الأحد يكدرون يكعدون يدرسون بيه والمادة راح تكون قليلة).

11/11/2023 (السبت) احتمالية
(شعبة A-B عدهم الخميس والجمعة أوف يكدرون يدرسون بيه وC عدها الجمعة، والمادة قليلة).

15/11/2023 (الأربعاء) عربي
(بحكم أكو مجال هواي بين السبت والأربعاء فضلاً عن الأوف للشعب، والعربي مادة سهلة ونسبة الرسوب بيها العام 0% فنخليها بهذا الأسبوع حتى يصير عدنا وقت لأسبوع كامل للبرمجة والمايكروية).

22/11/2023 (الأربعاء) مايكروية
(وإذا أخذنا مادة هواي من وكت نكدر نخليه بمكان الاحتمالية أو التحليل إذا بعدنا ما مخلصين فصل وما ماخذين مادة بيهم، المهم نفس التنظيم).

27/11/2023 (الاثنين) برمجة كيانية
(خليتها آخر وحدة لأن ما راح يقبل الدكتور يمتحنا إذا ما ماخذين مادة تستحق الإمتحان، وأحنا عدنا بس محاضرة نظرية وحدة أسبوعيًا فنحتاج وقت حتى ناخذ مادة).

. . . . . . . . . . . . . .

وهكذا خلال شهر واحد بس نكمّل الإمتحانات كلها وبراحتنا وبشكل منظم ومرتب ومادة قليلة وأيام ومجال هواي عدنا نكدر نسيطر ع المادة، وبنفس الوقت نخلص بسرعة وما يضغطون علينا بأكثر من إمتحانين بنفس الأسبوع مثل العام، فأحب أسمع آرائكم راضين بهذا الجدول؟ حتى أثبته عند الأساتذة وبموافقة رئيس القسم.

‎⁨جدول الصباحي⁩.xlsx

السلام عليكم، حاجيت اليوم أستاذة ميادة بخصوص يوم السبت وگلتلها ظروف الطلاب وصعوبة حضورهم السبت وذكرتلها الأسباب، وگالت إن شاء اللّٰه خلال هاي الأيام راح أرتب جدول جديد وأدزلكمياه بس يحتاج وقت بحكم من نغيّر بالثانية لازم نغيّر بالثالثة فأرتبه بشكل كامل لكل المراحل وأدزه إلكم، ومفكرة أنقل محاضرات السبت لغير يوم ويلغى يوم السبت نهائيًا لكل الشعب ويجوز حتى من المراحل البقية.

فهذا الگدرت أسويه وإن شاءَ اللّٰه خير

الأشياء التحتاجوها بالكورس الأول:

1- مادة التحليل: تحتاجون تدخلون لهذا الكلاس على تطبيق Classroom
رمز الكلاس: vm4quly
رابط مباشر للكلاس: اضغط هنا.

2- مادة البرمجة الكيانية: تحتاجون تدخلون لهذا الكلاس على تطبيق Classroom
رمز الكلاس: usivfdq
رابط مباشر للكلاس: اضغط هنا.
•••••••••••••••••••••••••••

بالنسبة للعملي عدنا 3 مواد عملي وهي (المايكروية، والبرمجة الكيانية، والرسم) وهذن إلهن برامج خاصة تنزلوهن على حواسيبكم
1- برنامج المايكروية
2- برنامج الكيانية
3- برامج الرسم

الملازم تلگوهن بالبوت لكل المواد: @it1ali_bot

طلاب الي عدهم مشكلة بتسجيل الدخول (بالايميل الجامعي)
يرسلولي اسمهم الرباعي + ايميلهم
حته ندزهن لست ميادة
@Nawras_1