على غرار مادة التحليل، هاي قناة الاحتمالية بيها كلشي تحتاجون من مصادر:
https://t.me/+X3BTiOgylrc4ODE0

وهذا كروب الاحتمالية حتى تدرسون سوه مثل التحليل وواحد يساعد الثاني بحل الأسئلة ...إلخ:
https://t.me/+BXsBQHGi8Y9jZmMy

دخلوا بيهن

قاعات الاحتمالية

امتحان المايكروية يوم الثلاثاء بـ 12:00

الطلاب الي محملين برمجة كورس اول الامتحان يوم الاحد 1/21

الحمد للّٰه على فضله وكرمه، خلّصنا هذا الكورس المتعب، وچان أثقل كورس يمر علينا ويستنزف طاقتنا لهلدرجة وأعتقد أثقل كورس بالمراحل كلها بصورة عامة، الضغوط البيه والعبء والإمتحانات والدراسة والمواد كلها ووو، چانت شهرين لو تلاثة بس تعادل سنتين، فإلّي يطلع إن شاءَ اللّٰه من هذا الكورس بأقل الخسائر معناها تخرّج تقريبًا، الكورس الثاني وباقي المراحل أسهل وأخف بهواي من هذا الكورس.

أرجولكم النجاح والتوفيق بالنتائج، وأرجولكم عطلة سعيدة ترفّهون بيها عن نفسكم من ثقل الإمتحانات 💙

السلام عليكم، تعودتوا علينا ما ننزّل أي إعلانات أو أي شي جانبي خارج إطار الكلية والتبليغات وكل إعلان أو نشر جانبي چان يجيلنا نرفضه لأن هاي القناة أمانة وما نحب نزعج الطلاب ونخلط عليهم إشعارات التبليغات واشعارات الرسايل الجانبية، فحافظنا على هذا الشي طوال الكورس الحمد للّٰه، الآن فترة عطلة وماكو أي تبليغات تخص الدراسة والكلية ففكّرت وگلت ليش ما أستغل هذا الوقت وهاي المتابعين بشي يفيد الطلاب، فقرّرت أسوي فقرتين بهاي العطلة، الفقرة الأولى لدعم رواد الأعمال الناشئين (أصحاب الأعمال الصغيرة من الطلاب)، والثانية دعم صناع المحتوى، هاي الجمعة راح تكون لدعم المشاريع والجمعة الجاية لدعم صناع المحتوى.

راح يكون النشر مشترك بين قناتنا وقناة النظم (يعني رسالتك تُنشَر هنا وبقناة النظم، يعني أكثر من 700 طالب راح يشاهد مشروعك)، وكل هذا مجّانًا، والهدف منه إبراز المبدعين والناجحين من كليتنا، لذلك هذا الدعم راح يكون مخصّص لطلاب كليتنا فقط من كل الأقسام والمراحل، حتى تشوفون إمكانيات وقدرات طلابنا، يعني هم يستفادون بدعمكم وتشجيعكم إلهم، وأنتم تستفادون من الخدمات أو المنتجات اليقدموها، وكذلك من المحتوى.
وقد تَلقَى بعض المشاريع فرصة دعم مالي من مستثمرين، فنشرها هنا يجلب مهتمين حقيقيين مو مثل نشرها ببيجات وترويج، كذلك حتى لوما عندك مشروع قد ترى شيء يُعجِبَك ما كنتَ لتجده دون نشره هنا وتسليط الضوء عليه، وربما نفس توجهك وطموحك فتعرض على صاحبه أن تكون شريكًا معه، أو تعجبك منتجاته أو خدماته وتستفيد منه استهلاكيًا فتجد ضالتك من هذا النشر، أو تجد محتوى يعجبك ويناسب تفضيلاتك وتتابعه، والكثير من الأمور مختصرها الكل مستفيد من هاي الفقرتين المنتجين والمستهلكين، والصانعين والقارئين، إن شاءَ اللّٰه.

دعم روّاد الأعمال الجدد / يوم الجمعة / من الساعة الثامنة صباحًا للساعة الثانية عشر منتصف الليل (حتى يكون مجال لأكبر قدر ممكن يشارك).
•••••••••••••••••••••••••••••
دعم المشاريع تكون بشروط حتى ننشرها:
أولاً: تكون واضحة في وصفها وكاملة التفاصيل، أي ترسل لنا:
1- اسم المشروع مع رابط الموقع أو الصفحة الخاصة به على وسائل التواصل الاجتماعي.
2- اسم صاحب المشروع الثلاثي.
3- فكرة ووصف المشروع بالتفصيل (شنو يقدم من خدمات أو منتجات ...إلخ).

ملاحظة: إذا كانت هناك نقطة ناقصة من النقاط في الأعلى تُهمَل رسالتك ولا تُنشَر.

•••••••••••••••••••••••••••••
ثانيًا: على أن لا تكون محرّمة شرعًا أو قانونًا أو غش أو تكثر فيها عمليات النصب والاحتيال حتى لو كانت هي بحد ذاتها حقيقية مثل الفوركس، فالأشياء التالية نرفض نشرها:
1- كتابة التقارير وتصميم وتنفيذ مشاريع التخرج ... وما هو على شاكلتهم.
2- أي شي متعلق بالفوركس.
3- أي منتجات ضارة (خصوصًا الأدوية غير المرخصة).
4- أي شي بعد تحليل الحساب نجده غير مناسب للنشر لعارض ما، يُبلّغ بهِ صاحب الحساب.

ملاحظة: أي شي نجد فيه ضرر على الطلاب سواء من النقاط في الأعلى أو غيرها نهمل رسالة الشخص ولا ننشرها، لأن هدفنا إفادة المُنتِج والمُستهلِك على حد سواء.

•••••••••••••••••••••••••••••
جهزوا كليشتكم من الآن، ونستقبل الرسائل الخاصة بالمشاريع فقط هاي الجمعة، أما المحتوى فعلى الجمعة البعدها.
فقط أصحاب المشاريع الصغيرة يدزون، بس لا تدزون هسه أي رسالة حتى ما تضيع وننساها، جهزوا الكليشة هسه ودزوها يوم الجمعة عدكم وقت هواي من 8 الصبح لـ 12 بالليل، وبعد 12 ما ننشر أي شي.
وكنصيحة مني جهزوا الرسالة هسه ودزوها مجدولة على يوم الجمعة الساعة 8 صباحًا، حتى خاف أنت نايم بهذا الوقت هي تنرسل وتُنشَر رسالتك أول الناس، لأن النشر راح يكون بالتسلسل من أول واحد داز الرسالة وهكذا.