#متداول

طلبة الجامعات الحكومية والأهلية يرفعون مناشدة إلى معالي وزير التعليم العالي لشمول قرار الـ(5) درجات الإضافية للمراحل غير المنتهية على أن تكون لغرض التخفيف من مواد الدور الثاني للمراحل المنتهية وغير المنتهية دون شرط للنجاح.

الحمد للّٰه المناشدة وكتابنا أعلاه جاب نتيجة
هذا كلام وزير التعليم
وننتظر الكتاب الرسمي يعمّم على الجامعات ليتم تطبيقه

كلام الوزير حاليًا مبهم وما نكدر ناخذ منه شي لأن شفوي، لذلك ننتظر يتوضح كلشي بالإعمام الرسمي على الجامعات قريبًا إن شاءَ اللّٰه

#هام

تم اكتمال مصادقة السيد رئيس الجامعة الاستاذ الدكتور مهند جواد كاظم على الأمر الجامعي الخاص بخريجي الدور الأول للعام الدراسي الحالي 2025-2026 في كلية علوم الحاسوب وتكنولوجيا المعلومات (للقسمين).

يمكنكم مراجعة الكلية بدءًا من يومِ غدٍ لاستلام وثيقة التخرج بشرط تكونون دافعين لهيبك 66 ألف + جلب براءة الذمة.

وكل التوفيق لكم في رحلة حياتكم الجديدة 💙

تم تأكيد الخبر بشكل رسمي من رئاسة جامعة البصرة

القرار 10 درجات للتخفيف

ألف مبارك 💙

الكتاب الرسمي من وزارة التعليم العالي

10 درجات للتخفيف للمراحل المنتهية وغير المنتهية ولجميع الأنظمة الدراسية

ألف مُبَارَك 💙

#انتبه
⚠️ تحذير خطير جدًا

(صديقك يدزلك الرسالة لأنه متهكر فلا تدخل عليها)

تداول مستخدمون رسالة تزعم منح جوائز مالية للمستخدمين مقابل الاشتراك في بوت أو قناة تنتحل صفة مصرف الرافدين وتدعي أنها تابعة له.
الرسالة احتيالية، إذ تزعم منح جوائز مالية للمستخدمين مقابل الاشتراك في بوت وقناة مزيفة تنتحل صفة مصرف الرافدين على تطبيق تليغرام، وتدعي أنها تابعة له. ونفى مصرف الرافدين في بيان توضيحي صدر بتاريخ 24 تموز 2026 صحة الرسالة المتداولة، مؤكداً أنها احتيالية وأن القنوات والصفحات التي تروج لها مزيفة ولا تمت للمصرف بصلة

بالمختصر هذا اسمه (Social engineering) وهوا عبارة عن رابط مربوط ببوت اثناء الضغط على الرابط أنت تنطيه صلاحيات للبوت على حسابك فالمهاجم من يشوف حسابك نزلت معلوماته بالبوت ياخذ رقمك ويبدي يحاول يسجل دخول عن طريق تيليجرام ويب مرة ومرتين وثلاثة الى أن يوصله كود التحقق من حسابك على البوت بعدها يسيطر على الحساب بالكامل ويخرجك من الجلسات كلها وبعدها يسوي كلمة مرور تحقق بخطوتين حتى وإن عندك الرقم ما تسطيع الدخول إلى الحساب.
بعدها يعمم هاي الرسالة على جميع جهات اتصالك والمحادثات الأخيرة اللي مراسلها أنت ويكتب لصديقك فعلاً انطوني المبلغ، فصديقك يشوف الرسالة منك وعباله أنت دازها صدك وتگله فعلاً ربحت فلوس فيروح مثل الأعمى يسجل دخول ويسوون بيه مثل ما سووا بيك ويدزون هم الرسالة لجهات اتصاله ... وهكذا العملية مستمرة

لذلك نبّهوا كل أهلكم وأصدقائكم لا يدخلون على أي رابط وصورة حتلو دازها إلكم صديقكم نفسه أو واحد من أهلكم

تجيك هاي الرسالة تدوس عليها تحولك على بوت
(1)

البوت هذا يكلك دوس على هاي علمود التحقق
(2)

بعدها يكلك شارك وياي رقم الهاتف مالتك
(3)

بعدها تجيك رسالة على التلي وأنت تكتبه إلهم ويدخلون على حسابك ويظلون يتحكمون بيه
ياخذون البيانات مالته كلهن
+ يدزون هاي الرسالة لأصدقائك وعبالهم منك صدك
(4)

إذا صارت وياك مباشرة روح على الجلسات وسوي تسجيل خروج من كل الجلسات
بعدها فعّل التحقق بخطوتين
وهيج تكون طردت المخترق، بس ما أضمنلك أنه ما سحب بيانات ومحادثات حسابك كلها

المهم عمموها وحذروا كل اللي تعرفوهم
إذا عدهم صور خاصة حافظيها بالتلي راح يوصلولها ويسحبوها، ويوصلون لكلشي بحسابك ع التلي
حتى محادثاتك يقروها ...
ويدزون رسايل منك للناس بدون علمك