#The_End
اقرعوا الطبول
ايقظوا النائمين
اشعلوا النيران
باقي 12 ساعة على آخر إمتحان بمسيرتنا الدراسية

يعني بعد ما نسمع:
باجر تداومون؟
أنت ادخل وأنا وراك
ميخالف نعوض بالفاينل
شكد باقي من المحاضرة؟
شوكت تخلص المحاضرة!
يمعودين كافي راح ننطرد
والله نعسان أريد ارجع انام
اخذلي صورة نص بورترية
شنو باجر عدنا كوز
نروح ناكل ورى الدوام؟
إذا أنت تداوم أنا أداوم
شكد يحتاجلي وانجح؟
ابیش الساعة الإمتحان
ما نمتحن بيوم أوفنا لو تنگلب الدنيا

خلاص ... خلصت الحكاية
دمتم ذكرىٰ لا تُنسى، ورفقة لا تعوَّض 🤍

لا تنسون باجر تلبسون زي التخرج كخريجين فعلاً
الساعة 11:30 الاجتماع بقاعة الدراسات العليا
وبعدها نشمر الملازم من درج مجمع القاعات

وبعدها ما يبقى إلنا منكم غير الذكرى

كل زاوية من هاي الكلية إلنا بيها ذكرى
كل أستاذ من الأساتذة عدنا وياه ذكرى
كل طالب منكم هو ذكرى
كل واحد راح أصادفه راح يذكرني بالكلية وبأيام الكلية.

أرجو أن أشوفكم بمكان تستحقونه
اليريد يكمل دراسات يتوفق لذلك
واليريد تعيين يتعيّن
واليريد وظيفة وعمل بشركات يحصل
واليريد يكون فريلانسر ينجح
الله يوفقكم يا رب

ما أعرف إذا راح أشوفكم أو أصادفكم بعد أو لا، بس تذكروا أنا ممتن لكل الأيام اللي چانت وياكم بحلوها ومرها بضغطها ومرحها وبكلشي ... وهذا كل اللي أكوله إلكم.

يلا شباب تعالوا كعدوا بقاعة الدراسات العليا فرغت، حتى من تكتمل أصيح للأساتذة

تعالوا للمجمع نشمر الملازم من الدرج هسه وبعدها نكعد بقاعة C1

يلا الأساتذة راح يجون بقاعة C1

ما أگدر أوصف شعوري وأنا أكتب #آخر_منشور إليَّ وياكم ...

چنتوا أكثر من زملاء وهسه صرتوا ذكرى من ذكرياتي الحلوة
يمكن أختلفنا هواي بس گلبنا نظيف وچانت النية دائمًا طيبة
207 أخ وأخت تشرفت بيكم وأفتخر بتمثيلكم طول هاي الأربع سنوات
أربع سنوات وأنا أنشر على هاي القناة يومية تبليغ أو أكثر، وصلنا هسه لأخر تبليغ ...

وهاي القناة راح تتحول لافراحكم ودعوات أعراسكم



وكذلك أنشر عليها الوظائف وسوالف الدراسات العليا.
والكروب راح يبقى اللي يريد يغادر منه براحته واللي يريد يبقى خل يبقى، أنا راح أبقى بيه حتلو أعرف أبقى أبحدي

إذا قصرت ويا أحد أو بدرت مني كلمة أو فعل فعذروني، وإذا چنت سبب براحتكم وضحكتكم وتسهيل أمركم فهلشي هو أغلى شي طلّعته وياي من الكلية، فادعولي وتذكروني بإحسان.

تخيّلوا هذا آخر تبليغ ...
بعد ماكو اشعارات
ماكو حمزة أجّللنا الإمتحان ونجي بالأوف

ماكو حمزة جيبلنا السعيات
ماكو حمزة نريد عيدية درجتين
ماكو حمزة شوف مادة الإمتحان
ماكو حمزة شوفلنا المحاضرة بيا قاعة
ماكو حمزة المناقشة وين
ماكو جرايد حمزة هاي آخر كليشة تقروها

أرجو أن أشوف الكل بأعلى المراتب وأسمع بأخباركم الحلوة، ويكون النجاح طريقكم والتوفيق حليفكم دائمًا وأبدًا. دعائي إلكم بالتوفيق وين ما ترحون، كل واحد بيكم يستاهل يشوف الخير بحياته.

مكانكم بگلبي ... وأفتخر أنا چنت واحد منكم من هاي الدفعة 💙

تبليغ طلبة مرحلة رابعة بعدم الذهاب الى المكتبة المركزية حسب الكتاب اعلاه

- رئاسة القسم

(عود گلنا آخر تبليغ ومنشور وراح نرتاح) 😂

هذا آخر عيد يجمعنا كدفعة سوه

كل عام وأنتم بخير، واسأل اللّٰه أن يعودكم وأنتم موظفين ومتزوجين ومحققين كل أهدافكم 💙

برومو تخرجنا الأول

بسم اللّٰه الرحمن الرحيم
﴿وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً﴾

دفعتنا العزيزة
لكل فرحة نكهة خاصة، وفرحتنا اليوم أن نزف أول عريس من خريجين دفعتنا أخونا وصديقنا الغالي (كرار كاظم فرهود).

يتشرف السيد كاظم فرهود وباسمنا جميعًا بدعوتكم لحضور حفل عقد قِران ولده كرار ومشاركتنا هذه الفرحة الكبيرة.

لا تنسون تسحبون 3 نسخ من براءة الذمة وتوقعوهن تلاثتهن
- وحدة تستلمون بيها النتيجة.
- ووحدة تنطوها للشؤون وتسلمون هوياتكم (إذا ناجحين من الدور الأول).
- ووحدة تبقى عدكم تستلمون بيها وثيقتكم من يصدر الأمر الجامعي بشهر الثامن.

النتائج باجر وبعدين أبلغكم ابيش الساعة لو 10:00 لو 12:00

توزيع النتائج باجر بعد الساعة 10:00

تعديل: النتائج تتوزع الساعة 11:00

لا تنسون باجر تجيبون الصور
صورتين بظرف وعليها اسمكم الثلاثي والشعبة

واللي بعده ما دافع لهسه فلوس التصوير والزي باجر أستلمهن منه

النتائج بـ 11:30 بمختبر آسياسيل

الآن توزيع النتائج بمختبر آسياسيل

اليوم تقريبًا الكل استلم نتيجته

ألف مُبارَك للناجحين، اليوم رسميًا اكملتم الخطوات وانتقلتوا من الحياة الدراسية للحياة المهنية، من الدراسة للتطبيق بالدوائر والشركات، كبرتوا هواي وكبرت مسؤولياتكم واسأل اللّّٰه أن يسهل عليكم ويوفقكم وأشوفكم بالأماكن اللي تستحقوها وبالأماكن اللي يكونون بيها أهلكم فخورين بيكم 💙

أما العنده دور ثاني توكّل على الله وإدرس من هسه وبإذن الله تنجح بكل الدروس وتتخرج هاي السنة وركّزوا على أسئلة الدور الأول ... والحمد لله على كل حال والله يوفقكم يا رب 🤍

#تبليغ هام: آلية إصدار وثائق وتأييدات التخرج

إلى كافة الطلبة والخريجين، بناءً على التوجيهات الوزارية الأخيرة نود إعلامكم بالآتي:

(2025-2026) فما فوق: يُلزم الطلبة بالتسجيل الإلكتروني حصراً على النظام الرقمي لغرض الحصول على وثائقهم وتأييداتهم.