‎⁨براءة الذمة⁩.pdf

اجراءات براءة الذمة
تسحبون 3 نسخ
وحدة للقسم تستلم بيها نتيجتك
والثانية تسلّمها لشؤون الطلبة
والثالثة تبقى عندك تاخذ بيها تأييد التخرج

الإجراءات:
اولاً / توقيع الحسابات (وخاصة المسائي والموازي)

ثانيًا / جلب (بطاقة السكن) من اجل توقيع الاقسام الداخلية ( تتوقع من قبل رئاسة القسم ما يحتاج ترحون للأقسام الداخلية فقط جيبوا بطاقة السكن لمكتب رئاسة القسم، وكل الطلبة يجيبون بطاقة بدون استثناء سواء الأصلية أو نسخة منها عادي).

ثالثًا / بالنسبة لختم شؤون الطلبة (ما يختمولكم اذا ما مسجلين ببرنامج HEPIQ و دافعين الـ 66 ألف)

رابعًا / المجانية ترحون توقعون يم ست كاظمية أمينة المكتبة بمجمع القاعات

خامسًا / المكتبة المركزية ترحون لباب الزبير توقعوها

سادسًا / المخزن يصير جوه الدرج اللي يصير يم غرفة الطالبات

سابعًا / بعد ما تخلصون هذن كلهن يلا ترحون لرئيسة القسم توقعلكم الـ 3 نسخ مالتكم

سلام عليكم اخوان
صديقنه واخونه معاذ يرقد بلمستشفى حالته الصحيه متدهوره محتاجين دعائكم 🙏

قاعات الهندسة
السبت الساعة 9:00

#رسمياً
القاعــــــــــــــــــــــات الأخيـــــــــــــــــــــرة ...

باجر تكتبون:

الكلمة الأخيـــــــــــــــــــــــرة ...
من السؤال الأخيــــــــــــــــــــر ...
في الإمتحان الأخيــــــــــــــــــر ...
في آخر سنة من مسيرتكم الدراسية.


1- وقت الإمتحـان: الساعة 9:00 صباحًا.
2- الاجتماع الأخير: 11:30 بقاعة الدراسات
3- رمي الملازم: بعد الاجتماع .. درج مجمع القاعات.

باجر تلبسون زي التخرج وأنتم خريجين فعلاً ...
لا خيّب الله مساعيكم في مراكب الحياة ولا ضيّع لكم جهدًا ولا حلمًا.

واللي عنده دور ثاني:



أنا أنشرللكم القاعات هنا إن شاءَ اللّٰه، وعدكم القنوات الدراسية استفادوا منها.

.

چنتم أكثر دفعة من حيث كلشي:



ما أجت دفعة بهذا العدد ولا راح تجي بعدها بسبب التقسيم الحديث فأنتم راح تبقون أكبر دفعة مرّت على الكلية.
الأكثر عددًا (207 طالب ... والتخرجوا تقريبًا 180 طالب) وأول دفعة بالكلية تغيّر من أمور التخرج التقليدية وتسوّي أشياء جديدة محد مسويها قبلنا من الدفع السابقة، ويطلع تخرجها هيج حلو والأقسام كلها تسولف بيه

.

قاعات الهندسة بعد التعديل
يوم السبت
الساعة 9:00

السلام عليكم ...
صوركم وأنتم صغار يم نبأ علاء @Naba28

باجر راح تكعد يم القرآن تعالوا اخذوا صوركم منها ... بقوا بس هاي الاسماء ما استلموا صورهم:
ايات فيصل
زينب مهدي
زينب باسم
زينب طالب
زينب حميد
صفا
سارة هشام
فاطمة محمد عبدعلي
فاطمة جاسم
تبارك عبد حسن
مصطفى حسين
اشراق جواد

السلام عليكم شباب منو لحد الان مامسجل بالفورم؟

بالاضافة للصور لاتنسون باجر تيجبون وياكم صورتين وتكتبون اسمكم والشعبة

بالنسبة للطلاب التحميل في مواد معينة وماكدرو يجبيون صورهم فيجون للكلية ينطونهم الصورتين

السلام عليكم ...
يرجى من الطلبة في القوائم أعلاه سداد الأجور المتبقية عليهم من التصوير غدًا

تصوير المؤتمن ← 17 ألف .
لوكيشن ← 15 ألف.
المجموع: 32 ألف.

#The_End
اقرعوا الطبول
ايقظوا النائمين
اشعلوا النيران
باقي 12 ساعة على آخر إمتحان بمسيرتنا الدراسية

يعني بعد ما نسمع:
باجر تداومون؟
أنت ادخل وأنا وراك
ميخالف نعوض بالفاينل
شكد باقي من المحاضرة؟
شوكت تخلص المحاضرة!
يمعودين كافي راح ننطرد
والله نعسان أريد ارجع انام
اخذلي صورة نص بورترية
شنو باجر عدنا كوز
نروح ناكل ورى الدوام؟
إذا أنت تداوم أنا أداوم
شكد يحتاجلي وانجح؟
ابیش الساعة الإمتحان
ما نمتحن بيوم أوفنا لو تنگلب الدنيا

خلاص ... خلصت الحكاية
دمتم ذكرىٰ لا تُنسى، ورفقة لا تعوَّض 🤍

لا تنسون باجر تلبسون زي التخرج كخريجين فعلاً
الساعة 11:30 الاجتماع بقاعة الدراسات العليا
وبعدها نشمر الملازم من درج مجمع القاعات

وبعدها ما يبقى إلنا منكم غير الذكرى

كل زاوية من هاي الكلية إلنا بيها ذكرى
كل أستاذ من الأساتذة عدنا وياه ذكرى
كل طالب منكم هو ذكرى
كل واحد راح أصادفه راح يذكرني بالكلية وبأيام الكلية.

أرجو أن أشوفكم بمكان تستحقونه
اليريد يكمل دراسات يتوفق لذلك
واليريد تعيين يتعيّن
واليريد وظيفة وعمل بشركات يحصل
واليريد يكون فريلانسر ينجح
الله يوفقكم يا رب

ما أعرف إذا راح أشوفكم أو أصادفكم بعد أو لا، بس تذكروا أنا ممتن لكل الأيام اللي چانت وياكم بحلوها ومرها بضغطها ومرحها وبكلشي ... وهذا كل اللي أكوله إلكم.

يلا شباب تعالوا كعدوا بقاعة الدراسات العليا فرغت، حتى من تكتمل أصيح للأساتذة

تعالوا للمجمع نشمر الملازم من الدرج هسه وبعدها نكعد بقاعة C1

يلا الأساتذة راح يجون بقاعة C1

ما أگدر أوصف شعوري وأنا أكتب #آخر_منشور إليَّ وياكم ...

چنتوا أكثر من زملاء وهسه صرتوا ذكرى من ذكرياتي الحلوة
يمكن أختلفنا هواي بس گلبنا نظيف وچانت النية دائمًا طيبة
207 أخ وأخت تشرفت بيكم وأفتخر بتمثيلكم طول هاي الأربع سنوات
أربع سنوات وأنا أنشر على هاي القناة يومية تبليغ أو أكثر، وصلنا هسه لأخر تبليغ ...

وهاي القناة راح تتحول لافراحكم ودعوات أعراسكم



وكذلك أنشر عليها الوظائف وسوالف الدراسات العليا.
والكروب راح يبقى اللي يريد يغادر منه براحته واللي يريد يبقى خل يبقى، أنا راح أبقى بيه حتلو أعرف أبقى أبحدي

إذا قصرت ويا أحد أو بدرت مني كلمة أو فعل فعذروني، وإذا چنت سبب براحتكم وضحكتكم وتسهيل أمركم فهلشي هو أغلى شي طلّعته وياي من الكلية، فادعولي وتذكروني بإحسان.

تخيّلوا هذا آخر تبليغ ...
بعد ماكو اشعارات
ماكو حمزة أجّللنا الإمتحان ونجي بالأوف

ماكو حمزة جيبلنا السعيات
ماكو حمزة نريد عيدية درجتين
ماكو حمزة شوف مادة الإمتحان
ماكو حمزة شوفلنا المحاضرة بيا قاعة
ماكو حمزة المناقشة وين
ماكو جرايد حمزة هاي آخر كليشة تقروها

أرجو أن أشوف الكل بأعلى المراتب وأسمع بأخباركم الحلوة، ويكون النجاح طريقكم والتوفيق حليفكم دائمًا وأبدًا. دعائي إلكم بالتوفيق وين ما ترحون، كل واحد بيكم يستاهل يشوف الخير بحياته.

مكانكم بگلبي ... وأفتخر أنا چنت واحد منكم من هاي الدفعة 💙

تبليغ طلبة مرحلة رابعة بعدم الذهاب الى المكتبة المركزية حسب الكتاب اعلاه

- رئاسة القسم

(عود گلنا آخر تبليغ ومنشور وراح نرتاح) 😂

هذا آخر عيد يجمعنا كدفعة سوه

كل عام وأنتم بخير، واسأل اللّٰه أن يعودكم وأنتم موظفين ومتزوجين ومحققين كل أهدافكم 💙

برومو تخرجنا الأول

بسم اللّٰه الرحمن الرحيم
﴿وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً﴾

دفعتنا العزيزة
لكل فرحة نكهة خاصة، وفرحتنا اليوم أن نزف أول عريس من خريجين دفعتنا أخونا وصديقنا الغالي (كرار كاظم فرهود).

يتشرف السيد كاظم فرهود وباسمنا جميعًا بدعوتكم لحضور حفل عقد قِران ولده كرار ومشاركتنا هذه الفرحة الكبيرة.