السلام عليكم ...
طلاب المرحلة الرابعة صباحي ومسائي
اريد اعرف كم طالب مرحلة رابعة لم ينضم إلى IQ-learn للآن والسبب؟

لأن ممكن يجي وقت تالي ما نكدر نساعدكم إذا الوثيقة ما يكدر يحصلها إلا من خلال المنصة

🎓 خريجينا وخريجاتنا 🎓
عيدكم مُبارَك وعساكم أنتم وعوائلكم من عواده وكل عام وأنتم بألف خير، تقبل اللّٰه صيامكم وقيامكم وطاعاتكم وقراءة القرءان، واسأل اللّٰه أن يعود عيد الفطر علينا وعليكم وأحنا خريجين متوظفين ومتزوجين ومكملين دراسات عليا لمَن يرغب.

ما بقى غير أقل من 60 يوم فقط تفصلنا عن إسدال الستار على أجمل أيام عمرنا
آخر 60 يوم وأحنا نحمل لقب (طلبة) من بعد 16 سنة (وأكثر للعايدين) ... هذا هو عيدنا الأخير وأحنا طلاب
آخر 60 يوم ننجمع تحت سقف واحد وبعدها ما تشوفون زملاؤكم إلا بالصدفة
آخر 60 يوم ونلملم أوراقنا ونطوي ضحكاتنا وعركاتنا ومشاكلنا وخلافاتنا وأيامنا الحلوة والمُرّة ونروح ... حتى عركاتنا تالي تصير ذكريات تسولفوها،
الكلية بدون هاي اللمة ما تسوه شي لأن أنتم اللي چنتم روحها ونبضها

صنعولكم ورى هذا العيد بأيامنا القليلة المتبقية بالكلية ذكريات حلوة، اخذوا صور وسووا ترندات وتونسوا بآخر أيامكم هنا وصنعولكم ذكرى طيبة، وتجاوزوا عن أي خلافات، وصنعوا ختام يليق بيكم


كل عام وأنتم أفضل دفعة عرفتها الكلية. راح يبقى كل واحد منكم محفور بذاكرتي باسمه الثلاثي وشكله مهما بعدت بيننا الأيام والمسافات، ومهما صار بينا من خلافات ومشاكل

تشرفت بتمثيلكم وخدمتكم خلال هاي الأربع سنوات، أشكركم على ثقتكم وأعتذر منكم عن أي تقصير أو خطأ خلال هاي السنوات

‏فإنْ أصبتُ فـلا عُجبٌ ولا غَـرَرُ
وإنْ نقصتُ فإنَّ الناسَ ما كملوا
والكامل اللّٰه في ذاتٍ وفي صفةٍ
وناقص الذاتِ لم يكمل له عملُ

.

أخوكـــــم وممثلكم
حمزة أيوب يوسف

بسم اللّٰه الرحمـٰن الرحيم

3 درجات على السعي من دكتور مرتجى مسؤول الشؤون عيدية

3 درجات من أستاذ وسام عيدية على السعي

عيدية من ست اسماء (تحدد كم درجة بعد الإمتحان نشوف شكد نحتاج)

البقية بالطريق صبروا شوي بين ما يردون ...

المرحلة الأولى 3 درجات عيدية من أستاذ حسين على السعي

المرحلة الثانية عيدية من أستاذ محمد عبد الرحمن رئيس قسم الأنظمة الطبية (تالي يحدد كم درجة)

طلاب التحميل بالأخلاقيات عيدية من ست بيداء رئيسة قسم النظم 3 درجات على السعي وتدللون

طلاب المرحلة الأولى عيدية من دكتور عبد الحي (بعد ما يشوف إمتحان المد مالتكم يحدد)

السلام عليكم ... من باجر ترجع المحاضرات بدون تقليص مثل قبل رمضان (ساعتين كاملة لكل محاضرة)

مساء الخير طلاب ..

امتحان التفاعل تأجل ليوم الاحد المادة ٣ جابترات وقت الامتحان ب9 ولمدة ساعه فقط .

ان شاء الله غداً محاضرة امنيه الكتروني من الساعة 10:30 الى الساعة 11:30 صباحاً لجميع الشعب

د.علياء

نظرا للظروف الراهنة ...
فيما يخص العطل
واشارة الى توجيهات السيدة رئيسة القسم
راح ناخذ محاضرة أمنية إلكتروني غدا وبعد غد ان شاء الله يوم الاربعاء ومحاضرة يوم الخميس

موعد المحاضرة من الساعة ١٠ والنصف صباحا الى ١١ والنصف

وبالنسبة لشعبة D عدهم محاضرة إضافية (نصف ساعة قبل الوقت) لاكمال الخوارزميات الإبدالية (شوفوا قناة تبليغات الشعبة)

- دكتورة علياء

محاضرة أمنية
https://us05web.zoom.us/j/82192465590?pwd=uaU41xoGqJ366h2dFZSgtj7sla8ASe.1

تعالوا ع الزوم هسه
https://us05web.zoom.us/j/84136645397?pwd=pidYabzgnzRpyeXYpn6brmU1eWKA7h.1

فقط للطلاب الما دخلوا مساع
(نفس المحاضرة راح تنعاد)