شباب راح نسوّي ختامية الحفل مالتنا بالباذنجانة ... يعني الساعة بالـ 6:00 بالليل نطلع من ديوان المحافظة ونتجه للباذنجانة

راح يكون الختام مسك إن شاءَ اللّٰه، أشترينا صعاديات ودخانيات ملونة وشعلات وهاي غير الجايبهن المصور وياه، وغير اللي راح تجيبوها أنتم وياكم إذا تحبون بيدكم تشعلون ... فيعني نريد نشعل الجو شعل مثل هذا الفيديو

بس لازم بالأول نعرف عدد اليبقون شكد لأن إذا شوي ما يقبل المصور يجي، فاللي مستعد يبقى ويانا لليل يرسل نقطة فقط بتعليقات هاي الرسالة ... وراح نشوف شكد العدد وعلى أساسها نقرر

وهاي راح تكون من بين أجمل الفعاليات التتونسون بيها

باجر آخر يوم لاستقبال الصور

اللي ما داز صورته وهو صغير لهسه خل يدز بأسرع وقت لنبأ @Naba28

السلام عليكم

هاي السنة نظام ملعب الميناء تغيّر، الإدارة تأجّر الملعب يوم كامل لدفعة وحدة فقط، ويكون الدخول من خلال تذاكر دخول حتى يضمنون المكان يبقى مخصص إلنا وحدنا فقط بدون دخول دفعة ثانية.
(يعني الملعب بالكامل بس إلنا)

يعني الدخول راح يكون عن طريق تذاكر تنظيمية حتى يبقى الملعب إلنا وحدنا.

سعر التذكرة: 2,000 دينار فقط للشخص الواحد
( لكل مرافق من الأهل والأصدقاء عدا الأطفال)
الطلاب مجاني

راح تكون: بوابة خاصة للطلبة
وبوابة خاصة للأهالي والضيوف
وكل واحد يستلم تذكرته ويدخل بسهولة من الأهالي

ألفين دينار مقابل ملعب كامل ويوم تخرج مرتب وآمن ومخصص إلنا بس، يعتبر مبلغ بسيط جدًا مقارنة بقيمة اليوم نفسه.

طلاب ما صار شي يجي حمزة ويشوف اذا يكدر يحول لجذع النخلة او يحجي وي ادارة ملعب الميناء وان شاء الله ما يصير الا كل خير بس اهدئوا ويصير التردونه

توضيح بخصوص ملعب الميناء والدخولية، يرجى قراءة الرسالة كاملة فضلاً:

أولاً: موضوع التذاكر ما كان معلوم إلنا تم إبلاغنا بها قبل فترة. واختيار ملعب الميناء كان بناءً على تصويتكم مو قرار فردي، وأحنا حجزناه من زمان قبل لا تكتمل صيانته.

ثانيًا: إلغاء الأجور مستحيلة لأن الموضوع مرتبط مو فقط بإدارة النادي حتى بالوزارة نفسها، وصديقنا علي ناجي والده بإدارة النادي واستفسر منهم وعرف الموضوع شنو وگلوله جزء منهن يروح للوزارة وجزء للنادي.

ثالثًا: موضوع تغيير الملعب وتأجيل التخرج مستحيلة لجملة من الأسباب مو سبب واحد.

رابعًا: كل الدفع التخرجت قبلنا مشوا على هذا التنسيق وما صار أي احراج لعوائلهم بالعكس مشى الموضوع بسهولة وبساطة وما صار أي إرباك وبالعكس عوائلهم كعدت وارتاحت على المدرجات وظلت تباوع لأولادها ما ظالة واكفة النهار كله ولا اضطرت تمشي ربع ساعة لحدما توصل لمكان التصوير، هنا بملعب الميناء الكراج مجاني ويدخلك مباشرة للملعب ما تضطر تمشي ربع ساعة، فالموضوع إذا من باب الاحراج ما بيه أي إحراج وحاله حال دخول منتزه أو مباراة كرة قدم وما يطوّل ثواني ... والتذاكر فقط للعوائل، يعني الطلاب يدخلون مجاني ما يدفعون شي هسه أستفسرت من الشركة، وأنا هم عندي عائلة وهم عندي أقارب راح يجون وما گلت بيها إحراج لأن هاي تعليمات الملعب حالها حال أي مكان ثاني عنده قوانين

خامسًا: توكلوا على الله ولا تقلقون ولا تخلّون شي يحبطكم ولا تخربون واهسكم بهيج أشياء لأن مو من صلاحيتنا ولا نكدر نغيّرها فاللي عليكم هسه ما تفكرون غير بتحضيرات يوم التخرج وإن شاءَ اللّٰه راح يمشي كلشي بدون إرباك وراح ينجح وتتونسون وتنسون هاي السوالف كلها

اللي بعده ما دز صورته وهو صغير لنبأ خل يدزها هسه بأسرع وقت، باجر آخر يوم

دزوها هنا: @Naba28

السلام عليكم ...

الخياطة باجر تسلّمنا الأوشحة الجديدة مع الملحق ونسلّمها إلكم الاثنين إن شاءَ اللّٰه.

الرباط العصر واصلات إن شاءَ اللّٰه

البوستر وملحقاته كاملات

تردون نجي باجر الأحد نكمّل هاي الشغلات لو نخليهن كلهن الاثنين ويَّ الوشاح؟

لهسه ما دزوا الجدول فاحتمال يدزونه بالليل لو باجر ... وللآن ماكو خبر عن النتائج

مساء الخير طلاب
اليريد نجيب فرقة بالباذنجانة يراسلني خاص
@h20_an

مواد الكورس الثاني المرحلة الرابعة:

1- المحاكاة بالحاسوب || Computer simulation
(بس هي بيها عملي)

2- تفاعل الانسان مع الحاسوب || human Computer interaction

3- مواضيع مختارة || Selected topics

4- مهارات الاتصال || Communication skills

5- Knowledge Engineering || هندسة المعرفة

6- Computer Security || أمنية الحاسوب

جدول الكورس الثاني

جدول الفصل الثاني 2025-2026.pdf

فورمة براءة الذمة الجديدة

فقط للموازي والمسائي
يعني المركزي الصباحي ما يسوون

شباب منو عنده نقص بالزي القديم يعني قبعة او وشاح يكتب شنو نقصه يعني اذا عنده نقص بالقبعة ومسلمها وبعده ما مستلم يكتب اسمه وشنو النقص

التخرج باقي على موعده يوم الخميس 5/2/2026

الحمد للّٰه أستحصلت موافقة السيد العميد بفتح الكلية بس إلنا يوم الخميس وبحضور الأساتذة ... الفرق فقط راح يكون بدون طلاب وهذا يتعوض بالأهالي والأصدقاء، صح مو مثل هوسة الطلاب بس الحمد للّٰه على كل حال هذا الگدرنا نسوّيه

والإيجابية من هاي كلها إن ديوان المحافظة راح يكون فارغ بس إلنا أحنا يدخلونا مو هوسة ومتروس طلاب، والشوارع أخف ازدحام لأن عطلة، والباذنجانة بس إلنا ... الحمد للّٰه ... عسى أن تكرهوا شيئًا ويجعل اللّٰه فيهِ خيرًا كثيرا.

كل فعالياتنا نفسها ما راح تنحذف ولا وحدة، راح نزين الكلية وراح نجيب التوزيعات للأساتذة، وراح نطلع زفة من الكلية للملعب، وراح نسوي كل فعالياتنا المقرريها بالملعب، والصور الفردية بالمحافظة راح تكون بس إلنا، والباذنجانة وفعالياتها بس إلنا ... فكلها هسه تگلي محظوظين أنتم الناس تسوي تخرجها الجمعة والسبت علمود كلها فارغة وأنتم هسه اجتلكم العطلة هيج، المصور ولوكيشن والملعب يكلولي راح يطلع تخرجكم يخبل ... فالحمد لله كلشي يصير بيه إصلاح

فكملوا تحضيراتكم ودعواتكم والتخرج باقي على موعده الخميس القادم إن شاءَ اللّٰه

شباب حتى باجر ما تتخربطون لأن هواي شغلات تستلموها وتسووها، فراح نقسمها على هاي الأوقات:

1- تسليم الأوشحة الجديدة والرباطات من 8:30 لـ 9:45 وتسديد المتبقي عليكم من مبلغ الزي + التصوير + الرباط9,500 + البوستر وملحقاته والتزيين 5,000
بالاضافة للبيرغ اختياري 1,000 دينار لليحب يدفع
(باجر آخر يوم لأن لازم أروح أسددهن مقدمًا).

2- تعليك البوستر الساعة 10:00

3- استلام النتائج (إذا سلموهن) بعد ما نخلص تعليك البوستر يعني بـ 11:00 أو 12:00

اخوان الكل يجي باجر ما أكدر أبقيهن عندي ولا عدنا وكت لغير باجر

الما يجي باجر هو الراح يتضرر ويتبهذل بيوم التخرج ... لذلك الكل يجي رجاءً

والما يكدر هو يحضر خل يدز أي واحد بمكانه يستلم بمكانه

والملحق باجر بـ 12:00 الظهر تدزه الخياطة توصيل للكلية لأن بيه شوي نقص ... يعني هم باجر تستلمونه

باجر تستلمون التالي:
1- الأوشحة الجديدة
2- زي الملحق
3- الرباطات

+
تعليق البوستر وفعاليته وتلزگون صوركم بيدكم
+
تسوون فعالية (انتظرونا) ليوم الخميس 5/2/2026 وتلزكوها على أماكن بالكلية
+

تسلمونا المبلغ المتبقي عليكم من الزي والتصوير والبوستر والربطات والبيرغ، باجر آخر يوم سواء تحولون على الماستر أو تدفعون نقد فباجر آخر يوم ولازم نصفي الحساب وأجرد الدافعين وٱدزهم للمصور.
+
باجر احتمال توزيع النتائج فيعني جايين جايين ... رجاءً حتى الما يجي يدز واحد بمكانه يستلم غراضه ويسلّمني المبلغ، ما أكدر بعد بغير يوم لحد يخلينا ويخلي نفسه بموقف محرج بيوم التخرج يم المصور