الفورمة راح امددها لباجر الساعة 12:00 الظهر

لأن أكو هواي طلاب رادوا ينسحبون ويخيطون عند خياط ثاني وراحوا يردون يشوفون خياط جديد يستقبل حجز ما حصلوا والمتوفرين حاليًا بس الرديئين والغالين، فحتى ما تفلسون من الصوبين الفورمة مفتوحة لباجر ... سألوا ولحگوا

لأن بعدها إذا تنسد الفورمة وأرسل للخياطة الاسماء بعد ما تستقبل أي حجز سواء حصلتوا خياط ثاني أو ما حصلتوا ...

جدول المحاضرات للدراسة الصباحية.pdf

السلام عليكم شباب
الخياطة طلعت
ماكدرت تطول لان مستعجلة وراها شغل
الي مالحك يقيس يروح للمشغل مالتها بالجزائر قرب مجسر ابو شعير

السلام عليكم ... أكو طلاب جاي يراسلوني ما مقتنعين باللون الجديد للوشاح الجديد الجبناه بالكلية ويردون لون بتدرج ثاني

فحتى ما تتكرر مشكلة ذاك اليوم ويتخيط ويكمل وتالي ما يعجبكم، وبما إنكم كلكم شفتوه بالواقع، راح اسويلكم استفتاء بالكروب وصوّتوا إذا راضين باللون أو لا حتى نبلغ الخياطة تشتري قماش من باجر، وإذا ما راضين نغيّره

الاستفتاء:
https://t.me/c/1582246716/61105

التصويت يستمر لباجر الصبح ... إذا ثبت اللون نروح باجر للخياطة الظهر نگلها تطلب القماش.

وبعدها ممنوع الاعتراض على اللون نهائيًا، لأن شفتوه بعينكم بالكلية، وصوّتوا عليه بنفسكم هنا، فتالي من تستلمونه راح تستلمونه بنفس الدرجة الشفتوها فمحد إله أي حق يعترض.

40% ما راضين على اللون الجديد (نصف الدفعة)!

ما أكدر أتجاوز هذا العدد ولا يهون عليَّ أخلي ما يقارب الخمسين طالب يلبس شي ما يعجبه ... صح الموضوع متعب وما تتصورون شكد مؤذي بس بنفس الوقت أريد الكل أو الأغلبية يرضون، أريدكم تجون للتخرج وأنتم فرحانين ومتحمسين مو جايين كوة عليكم وتكولون حمزة حصرنا بين الأحمر والبنفسجي

فإن شاءَ اللّٰه باجر راح أروح للخياطة وأجيب من عدها عدة نماذج وكذلك يجوز انزل للعشار واجيب نماذج، ويوم الخميس نعرضهن لكل الشعب وتصوتون على الوشاح التردونه واكثر وشاح يجيب اصوات هو النعتمده.

وإذا عدكم أنتم هم نماذج أو تكدرون تجيبون نماذج من أصدقائكم او من السوك جيبوهن الخميس حتى هم نعرضهن والكل يشوفهن

وإن شاءَ اللّٰه الخميس نخصمها كلش لأن شلع گلوبنا الزي، بس بنفس الوقت أكول باجر من نتخرج نتذكر هاي الأيام وسوالف هاي الأيام وتالي يلا ندرك إنَّ لذة هاي الأيام ولذة الرابعة بهاي المشاكل والعرايك على سوالف التخرج فـ خل نتعب ما دام وراها نتيجة مرضية ورضى الدفعة خل نتعب ...

الما موجود اسمه او بيه خطأ يراجع دكتورة شذى باجر

اليوم رحت للخياطة وجبت منها نماذج باجر نشوفكمياها وتختارون واحد منها

اللي أطلبه منكم الآتي:

1- تشوفوها بعينكم بدون شمس
2- تشوفوها بعينكم مع الشمس
3- تشوفوها بالصورة (تصوروها بالشمس وبدون شمس) وتشوفوها بالصورة شلون تطلع.

بعدها تحددولي درجة وحدة ترتضوها كلكم ونعتمدها ...

وبالنسبة للّي ما ماخذ قياسات لهسه يروح للمشغل ياخذ القياسات

العنوان: الجزائز - الفرع اللي قبل جسر أبو شعير - بداية الفرع مكتوب لحم بعجين أم الربيعين.
*المشغل داخل بيت.

يتواجد المشغل طوال أيام الأسبوع من الساعة 9:00 صباحًا إلى الـ 4:00 عصرًا عدا يوم الجمعة عطلة.

لوكيشن:
https://maps.app.goo.gl/Bi27gXRjYqfKy7t67?g_st=atm

شبابنا الطيبة ...

راح نسوي بطولة كرة قدم خارج الجامعة ... (البطولة مجانية بالكامل)

منو يتبرع يصير كابتن ويحضرله 10 لاعبين من الدفعة؟
(نريد بس فريق واحد من دفعتنا لكل الشعب)

وعبد الله محمد لحد يسجله

شباب ... اللاعبين اللي أرشحهم أساسيين حسب اللي شفته العام هم:
1- الحارس: مصطفى حسين
2- سجاد زغير
3- كرار عدنان
4- محمد كشيش
5- مهدي ماهر

وباقي الخمسة أنتم اقترحوهم


واللاعبين اللي استبعدهم:
1- عبد الله محمد 😂

محاضرة العملي (أنظمة التشغيل) لهذا الأسبوع

- ست سارة

اللي مشروعه وي ست إيمان التواصل معها على التليجرام لغرض تحديد موعد لقاء في الكلية
@Eman_m_h

التصويت على الاستفتاء
https://t.me/FirstStage2/3362?comment=61800

يستمر لباجر المغرب الساعة 6:00م

تقريبًا النتيجة بيّنت فتمام نعتمد هاي الدرجة بناءً على تصويتكم (بعدما شفتوها بالواقع).

يوم السبت راح نوقّع على عقد ويَّ الخياطة أربعتنا علمود الوشاح الجديد، كل ممثل شعبة يكون مسؤول عن طلاب شعبته حتى نكدر نسيطر على الوضع، هيج أسهل وأسرع إلنا وأكثر تنظيم.

فمن اليوم إذا عدكم أي شي يخص الزي تتواصلون وي ممثل شعبتكم.

هاي النسبة التخلّيني أجيبلكم الوشاح وأنا مرتاح

إن شاءَ الله باجر راح نروح للخياطة ونگلها تجيب من هذا القماش الصوّتوا عليه بالأغلبية

رابط القنوات الدراسية للكورس الأول:
https://t.me/addlist/eHiVrPhgMFYxNDU8

الكل يدخل عليها لأنهُ سيتم حذف الكروب البيه عدة تبويبات وسيتم اعتماد هذه القنوات من اليوم.
لأن هواي منكم أعترض على ترتيب هاي السنة كلشي بمكان واحد، فرجعنالكمياه على الترتيب القديم لأن متعودين عليه، وهذا تم بجهود ران رحيم بنقل كلشي لهاي القنوات فمشكورة على وقتها.