الحوسبة السحابية (المحاضرة الأولى)

- أستاذ علي صلاح

https://t.me/c/2800814731/55

أخوان (الشباب) لا تراسلون ست إيمان بالليل زحمة هاي أكثر من مرة تنبهكم ... هسه لو أستاذ حسين حتى وي إذان الفجر چنت أخابره عادي بس أتجنب أراسل التدريسيات بالليل لأن مهما تكون فهي متزوجة وعدها حياة خاصة خارج الجامعة ولازم كل طالب يحترم هاي المساحة الشخصية.

العنده مشكلة بتطبيق هيبك يراجع شؤون الطلبة ... صح ما راح يحلوها إله بس يراجعهم شيسوي بعد وهذا وجهي إذا تعالجت المشاكل مالت التطبيق كلها

النقل من وإلى شعبة (D) توقف.
تم الاعتماد على القائمة النهائية
يباشر الطلبة من الأسبوع المقبل ووفق الجدول المعلن.

- مقرر القسم.

جدول الدروس الاسبوعي للدراسة الصباحية للعام الدراسي 2025-2026.pdf

السلام عليكم ...
بما إن هاي السنة هي سنة التخرج فأول شي نسويه بيناتنا هي عزيمة أو سفرة تجمعنا وتلمنا كلنا (الدفعة كلها 4 شعب).

حتى نصنعلنا ذكريات حلوة بهاي السنة وحتى تكونون أقرب لبعضكم أكثر لأن وراكم هواي فعاليات سوه ووراكم صورة التخرج ووو فتتعودون من هسه على وجود الدفعة سوه وكذلك تتونسون وترفهون عن نفسكم، وتوثقون لحظات وي أصدقائكم اللي هاي آخر شهور تشوفوهم.

ما راح نجبر أحد يحضر بس نتمنى الكل يحضر لأن هي كلها كم شهر وبعد محد يشوف الثاني فما تسوه تبقون حتى بهاي السنة منغلقين على أنفسكم لأسباب ومشاكل قديمة ... وبالنهاية كل شخص حر والقرار راجعله.

بالنسبة لليوم والمكان بكيفكم أنتم حدّدوه هسه بالكروب وأنا راح اقرأ كل اقتراحاتكم ونشوف أنسب شي إلنا ونسويه ... وتدللون

بفضل اللّٰه كمّلنا القنوات الدراسية للكورس الأول بحلّتها الجديدة

تفضلوا دخلوا من خلال الرابط التالي:
https://t.me/stage_cs4

أريد من كل شعبة متطوّع ينشر (المحاضرات المصورة) مثل كل سنة، يعني كلشي تاخذه شعبته بالمحاضرة لهاي المادة الفلانية يصوره وينشره على تبويب موضوع المادة الفلانية نفسها بالكروب مثل ترتيب كل سنة.

أريد من شعبة A,B,C,D + المسائي.
فاللي يحب يتطوّع عن شعبته يراسلني
@HamzahAyoob

(بس كون يلتزم وما يغيب هواي لأن شعبته راح تعتمد عليه بالنشر).

+ تحبون نعيدلكم فقرة (شرح المواد) من الطلاب؟ ونفس العام إشتراك المادة ألف دينار فقط.

نشوف هلفترة يا مواد يحتاجلها شرح ونخلّي الطالب المتمكّن من هاي المادة يشرحها.

موافقين؟ 👎👍

+ أريد ناس إلها خلك ووقت تدير بيجات حتى يديرون بيج الانستا مال دفعتنا ويعيدوله الحياة ويسوون عليه فعاليات وترندات وأجواء و...إلخ.

يلا آخر سنة نريد همتكم شلقصة شباب ما عاجبني هذا البرود ما أكدر أنا أبحدي أسوي كلشي مو أخطبوط هن بس إيدين ثنين ومتكسرات من طيحة الجبل

محاضرة الاولى تنقيب بيانات
د. زينب

الذكاء الحاسوبي (ملزمة 1+2)

- دكتور ميثم
- دكتورة علياء

السلام عليكم ... إنتخاب ممثلي الشعب للمرحلة الرابعة يوم الاثنين القادم والغياب مضاعف.

بالنسبة للنقل بين الشعب رجع انفتح هاي اليومين فقط لليحب ينتقل لأي شعبة يدزلي اسمه الثلاثي + (من شعبة ... ← إلى شعبة ...) + البديل.

بالنسبة لشعبة (A) أقل شعبة فاللي يحب ينتقللها من غير شعبة ما يحتاج بديل.

ملزمة الرؤيا نظري (1)

- ست أمل

مرفوض النقل بدون بديل عدا شعبة A

- مقرر القسم

بالنسبة لمشاريع التخرج خلال هلأيام راح تنزل ... فعلوا اشعارات القناة حتى تلحگون تختارون المشروع التردونه

النتائج بمختبر الأصمعي

ألف مبارك للناجحين بقتلكم خطوة وحدة وتنتقلون من الحياة الدراسية للحياة المهنية، من الدراسة إلى العمل، وكلش ممكن الأساتذة الياخذونا هسه تصيرون باجر زملائهم بالوظيفة ... كبرتوا وبقتلكم بس سنة وحدة وتجربون (حياة الكبار والمسؤولية) من صدك، كبرتوا وبقتلكم بس سنة وحدة وبعد ما تدرسون من بعد 16 سنة دراسة أو أكثر.

اسأل الله التوفيق لكم بكل حياتكم 💙

أما الطلاب الراسبين فهاي مو نهاية الطريق ولا راح توكف حياتك على هاي السنة وهواي منا هنا رسب بأحد المراحل ومن ضمنهم أنا فلا تخلّي هذا الشي يكسرك، أنا وياك فقدان الجماعة صعبة عليك وعليهم وعلينا أحنا متعودين عليكم بالدفعة، بس بالنهاية الموضوع صار وما دام ما نكدر نغيره فلازم نتقبله ونتعايش وياه لأنه مو نهاية الطريق ولا الحياة راح توكف على سنة ... الفرق الوحيد دفعتك هلسنة تتخرج وأنت السنة الجاية تتخرج وممكن تحصل وظيفة قبلهم فلا تعتقد بنفسك متأخر ... توكل على الله وإدرس المواد الراسب بيهن وبإذن الله العوض أكبر خليك مؤمن ما ياخذ الله منك شي إلا ينطيك شي أكبر وأعظم ... والحمد لله على كل حال بالسراء والضراء.