أخوان هواي جاي أشوف باستمارات الولد أشياء مالها داعي ... هاي النصيحة للمرة الأخيرة وبراحتكم القرار بالنهاية قراركم واختياركم ما أجبر أحد على شي:

1- ما ترهم تاخذ قبعة مثلثة أو تطرز على جانب القبعة (هاي سوالف بنات) لو تكتب فوك القبعة لو لا تطرز.

2- القبعة الدائرية ترهم للولد وعادي حتى للبنات لكن التطريز عليها من فوك فقط ما تتطرز من الجوانب.

3- الوشاح لو الرسمي العادي لو (الملكي الخماسي أو البيضوي) هذا اليناسب الولد فقط، الملكي المثلث ما يناسب الولد مال بنات، كذلك الوشاح الأميركي مال بنات.

4- الروب فقط رسمي ما يناسب الولد الخليجي والأميركي لأن مال بنات وبيه كسرات بالكتف أو الصدر + التطريز ع الردن سوالف بنات ... الولد فقط التطعيم المجاني بالوشاح الرسمي.

5- لا تحط جريدة على القبعة لو على ظهر الوشاح لأن ما يكفي، حط عبارة صغيرة.

والاختيار بالنهاية اختياركم أي شي تدزونه هو الراح ينرسل للخياطة، هاي مجرّد نصائح حتى ما تكلّفون على نفسكم بتكلفة أعلى ظنًا منكم كلما زادت التكلفة زاد التميُّز والجودة وهو العكس هنا.

بالنسبة للأطفال كل قياساتهم الخياطة تاخذهن بأول أيام الدوام لأن عددهم قليل تلحك تسويلهم وشاح على كدهم وقبعة وروب على كدهم

والعنده بزونة هم كذلك 😂

سجلوا بيه يفيدكم ... السيّد العميد من ألتقيت بيه آخر مرّة گال راح يجيب شركات نفطية بحكم علاقاته ويعيّن أكبر قدر ممكن من المتطوعين اليستحقون فعلاً لأن هاي توصيات الوزير ... وأنتم على أعتاب تخرّج يعني تشتغلون سنة وحدة بالفعاليات والأنشطة التطوعية وراح تتعينون (أو تحصلون فرصة عمل بشركات أجنبية وأهلية راتبها جيّد)، سواء من طرف السيد العميد، أو من وزارة الشباب والرياضة لأن راح تكونون جزء منها وضمن كوادرها فأي فرصة تعيين إلكم الأولوية بيها.

وهاي فضلا على المنح الدراسية خارج البلد إذا تردون تقدمون وطلبوا منكم أعمال تطوعية.

فنصيحة هاي فرصة إلكم ما تتعوّض، ولوما أدري تفيدكم وتفيد طلاب الكلية كلها ما سويتها، فقدّموا هسه وكتبوا (مرحلة رابعة) مو ثالثة، لأن عملنا راح يبلّش من العام الدراسي القادم إن شاء الله تعالىٰ.

السلام عليكم ... تقريبًا 95% من الصوّتوا على إنهم يخيطون ويانا دزوا استماراتهم.

بعد العيد إن شاء الله راح أرسل الاستمارات للخياطة حتى تبلش شغل، فالّي ما يدز استمارته ما راح أحسب حسابه وراح أعتبره يريد يخيّط أبحده فردي مو وي الدفعة.

نرجع للتخرج ...

أكو فقرة كلش عاجبتني وقليل إلّي مسويها ...
وهي ننظم قصيدة (خاصة بدفعتنا وقسمنا)
وننشدها بيوم التخرج + من نجتمع مع كل أساتذة القسم بقاعة الدراسات العليا
نوكف كلنا سوه وبدل ما نقرأ (موطني) نقرأ هاي القصيدة

بس لازم تحفظوها عدل

وبالرسالة الثانية راح أدزلكم مثال سووه كلية الطب وچان كلش راقي
(شوفوها وانطوني رأيكم) 👇

| جُندُ الحياة |


ها هُنا أشرَقَ فجرُ الأُمنياتْ
فاكحُلوا فيهِ العُيونَ المُتعباتْ
إنّنا يا إِخوَتي جُندُ الحَياةْ
لَم نَزَل نَقرَعُ جَيشَ الأَلَمِ
أَبشِروا بالحُلمِ فالحُلمُ اقتَرَب
وَلِجَبّارِ السّما شُكرٌ وَجَب
بَعدَهُ الشُّكرُ لأمٍّ وَلِأَب
لَم نَصِل لولاهُما للقِمَمِ
ــــــــــــــ ❁ ❁ ❁ ـــــــــــــــ
كَمْ وكَمْ أرَّقَنا هٰذا الطَّريق
وَبِرَغمِ الجَهدِ كُنّا نستفيق
نهزِمُ الأوجاعَ بالصّبرِ الوَثيق
شاهِدٌ عنّا لِسانُ الهِمَمِ
ها هُنا كَمْ وَقفةٍ كانت لنا
ولنا ذكرىٰ ودَمعٌ ها هُنا
إخوَتي إنْ حَالَ دربٌ بيننا
إنما أنتم بقلبِي ودمي
ــــــــــــــ ❁ ❁ ❁ ـــــــــــــــ
ها هُنا نَحنُ شِفاءٌ للعِلَلْ
في زُحامِ اليأسِ نختطُّ الأمَلْ
نبذُرُ الحُبَّ بأرواحِ المِلَلْ
لِنَراهُ بَسمةَ المُبتَسِمِ
قَسَمًا إنّي سأرعىٰ ذِمَّتي
طائعًا ربَّ السّما في مهنتي
أخدُمُ المَرضىٰ بلا تفرقةِ
وضَميري شاهدٌ عن قَسَمي
ــــــــــــــ ❁ ❁ ❁ ـــــــــــــــ
يا عليُّ الفَذُّ يا فَجرَ العُيون
لِسَما خُلْقِكَ إنّا شاخِصون
أنتَ مَن عَلَّمَنا كيفَ تكون
صورةُ الإنسانِ يا ذا القِيَمِ
لكَ يا مرآةَ خيرِ الأنبياء
خُلُقٌ مِن أحمدٍ لِلنُّبَلاء
ذاكَ مَن أدَّبَهَ ربُّ السَّماء
فاعطِنا من فيضِ ذاكَ المُلهِمِ
ــــــــــــــ ❁ ❁ ❁ ـــــــــــــــ

مثيل جبار الزيدي
مدينة البصرة ٧ ٣ ٢٠٢٣ م

سمعوا الكلمات في حال ما عرفتوا تلفظوها

وتكدرون تشوفوها على اليوتيوب:
https://youtu.be/LzDivH-dbRA?si=eNx_6nzzsj-Fn3pn

إذا الممثلين ما قصروا وياكم بشي هلسنة فكتبولهم هنا لأن هلشي يفيدهم بالتكريم، راح يطلع العميد على كل الردود ويشوف اكثر ممثلين الكلية الحاصلين على أعلى نسبة رضا من الطلاب ويكرّمهم، فخلّوا ممثلين الثالثة هم الأكثر تقييمًا إذا تشوفوهم يستحقون.

وكذلك راح يطلع على ملاحظاتكم إذا أكو سلبيات (وصدقًا أنقلها بأمانة كما هي حتلو عليَّ) لكن حق الرد مكفول يم العميد.

فدخلوا للفورم وكتبوا آرائكم سواء إيجابية أو سلبية ... لأن المتوقع كل طلاب الكلية أو أغلبها راح تملي الفورم.

السلام عليكم يرجى التأكد من وجود اسماؤكم وتفاصيلكم بشكل صحيح

مدّدنا وقت إرسال الاستمارات إلى يوم صدور القرار الجديد هذا الأسبوع خلال اليومين المقبلة مراعاة للطلبة الراسبين في حال تغيير رأيهم بعد الاستفادة من القرار.

الداز الاستمارة والما دافع عربون فخلال هاي اليومين آخر موعد للدفع، ما تسوّي الخياطة لأحد ما دافع عربون، فأرسله إليَّ على الزين كاش أو ماستر الرافدين، حتلو ما عندك تكدر من السوك وأصحاب المنافذ وصرف رواتب الرعايا والتقاعد تدز.

+ الدافع وما داز الاستمارة فآخر موعد هو بيوم صدور القرار، فكمّلها بهاي اليومين.

...

يرجىٰ التأكد من وجود اسماؤكم وصحة المعلومات، يعني في حال دافع ومخليك ما دافع أو داز الاستمارة ومخليك ما دازها أو العكس نبّهني على الخاص، وإن شاء الله ماكو خطأ لأن دققتها أكثر من مرة بس بعد للاحتياط على هذا العدد الخطأ والسهو كلش وارد

شباب تكدرون تراجعون الكليه للاستلام النتيجة من بعد القرار 👍🏻

فقط المذكور اسمه هنا يراجع الكلية باجر لاستلام نتيجته الجديدة

لأن ما عالنينها ع الملفات

تاخذون نتيجتكم القديمة وتسلموها
يلا تستلمون الجديدة

والله يساعدكم وإيانا على هذا الحر
وعلى هذا التعب كون ناجحين بكل المواد

اشتركوا ولا تفوتون الفرصة ... مجانية.

السلام عليكم … باجر آخر موعد لارسال الاستمارات والعربون

الما داز أو العنده تعديل يدزهن هسه

+ تالي راح نجمعهن كلهن بملف واحد الاستمارات وندزهن هنا خاف ناسين واحد خاف سهوًا حاطين استمارته القديمة و…الخ فتشوفون استمارتكم قبل لا ندزها
لأن ما نريد 1٪؜ خطأ إن شاء الله.

وراح ارد على أسئلتكم كلها بس خل اتفرغ هليومين

لطفًا ارساله للمرحلة الثالثة ليتم ملئه بالسرعة الممكنة

https://forms.gle/DeQVxrnnt59G3oaM6

السلام عليكم شباب ... إن شاء الله تكونون بخير

هذا التحديث الأخير لموقف الطلاب الدازين الاستمارة والدافعين.

اليوم اخر يوم لارسال الاستمارات لذلك الما داز خل يرسل هسه لطفا ... بعدين بالليل ادزلكم ملفاتكم للتأكيد وبعدها ادزها للخياطة تجنبا لأي خطأ

الما يرسل استمارته اليوم راح اعتبره ما راح يخيط ويانا لأن الوقت الأنطيته كلش هواي تقريبا صارللكم شهر فاليوم اخر يوم وغير قابل للتمديد.