4- الوشاح الجانبي

هو أغلى الأنواع، مو لأنه أفضلهن، لأنه أندرهن

3- الأرواب:

1- الروب العادي: روب عادي ما بيه أي إضافة أو حركات بالتصميم، ويكون سعره أقل من البقية.

2- الروب الخليجي: تكون بيه حركات وكسرات خفيفة بمنطقة الصدر والكسرات إلّي بمنطقة الكتف ... والردن تكون أعرض من العادي.

2- الروب الأميركي: مثل الخليجي بس تكون بيه كسرات أكثر بمنطقة الكتف والصدر والكسرات إلّي بمنطقة الكتف.

هذن أشهر الأنواع وإلّي كل طلاب الدفع السابقة سووا منهن، فما راح ندز غيرهن بس اليريد يسوي غيرهن فعادي يدز صورة الروب اليريده واسمه والخياطين كلشي يسوون.

1- الروب العادي

طبيعي وما بيه كسرات، وردانه هذا

2- الروب الخليجي

تصير بيه كسرة بمنطقة الكتف + ردانه هيج نازل وعريض مو مثل العادي اليصير ردان طبيعي ما نازل هيج وعريض

فهذا يناسب البنات فقط

3- الروب الأميركي

بيه كسرات بالكتف والصدر
+ ردانه هيج

فهذا أيضًا للبنات فقط ما يناسب الشباب

4- الإضافات على الزي:

1- تطعيم الردن (مجاني): تكون بنهاية ردن الروب تطعيم بلون يشبه لون الوشاح.

2- تطريز الردن (+5): يتطرز على ردان الروب حرف أو نقشة أو شي ثاني حسب اختيارك.

3- إطار الوشاح (+5): يكون للوشاح إطار بلون مثل لون خط الكتابة على الوشاح، ينطيه جمالية أكثر.

4- إضافات حسب الطلب: أي شي ثاني ما موجود وتريد من الخياط يضيفه تگلي بيها وأنا اسأله إذا يسويها أو لا.

1- تطعيم الردن المجاني

هنا مطعّمه بلون الوشاح فمنطيه جمالية

3- إطار الوشاح

ينطي جمالية أكثر للوشاح

وهاي كل الأشياء الشائعة تقريبًا ...

وإذا أكو شي ما ذكرته عادي تكدر تجيبه ويسوونه إلك الخياطين، بس هذن كلش كافي، نصيحة لا تدوخون روحكم بغيرهن، هذن كافيات يطلعوكم بأحلى مظهر وأجمل كشخة.

أخذوا راحتكم بالاختيار عدكم منا للنتائج تختارون براحتكم، بعدها ورى النتائج أكلكم دزولي اختياركم، كل طالب يدزلي بملف اختياراته بالتفصيل حتى ما يصير أي خطأ، ويكتب الملف باسمه حتى ما تصير خربطة.

وكل التوفيق إلكم 💙

بس أهم شي اليوم تنطوني الموقف النهائي عند منو راح تخيطون حتى أعرف عدد اليخيطون ويانا وأحسب حسابي

الما يصوّت اليوم راح اعتبره يخيّط أبحده ما راح يخيّط ويانا فما أرفع اسمه ...

هذا التصويت للّي ما مصوّت بعده اليوم آخر يوم: 👇
https://t.me/c/1582246716/52881

بيوم النتائج الكل يجيب عربون 25 ألف للخياط يسلّمها لممثل شعبته، وإلّي ما يجي للنتائج أو ما يلحك يدفع يكدر يدزلياهن عن طريق زين كاش أو ماستر الرافدين، لأن هو أنا أول وتالي راح أحوّلهن للخياطة بهاي الطريقة.

هذا الوقت كله إلكم تفكرون وتختارون وتحضرون ملفاتكم، حتى بيوم النتائج مباشرةً تدزولي لأن دفعتنا أكبر دفعة مرّت على الكلية وأكبر من دفعة العام فنكمل كلشي من هسه حتى بالدوام نتفرغ للفعاليات والسفرات والتجمعات بيناتنا كآخر سنة وكذلك لمشروع التخرج ومناقشة التدريب الصيفي ودراسة المواد وغيرها وغيرها عدنا هواي أمور بالرابعة فياريت تراعون هذا الشي وتتعاونون ويانا حتى نسوّيلكم تخرج يليق بيكم 💙

اليحب يحجز شغلات أبحدها (مثل وشاح أبحده، قبعة أبحدها، روب أبحده) يم توتة، فهذن أسعارهن:

الوشاح العادي مع التطريز جهتين يم توتة بـ 15
القبعة الدائرية بـ 10
الروب العادي بـ 25

(إذا تريد إضافات فشوف شكد سعر الإضافة أو فرقها عن المجموع وضيفها على السعر، يعني مثلاً المثلثة مكتوب +5 آلاف يعني تصير عليك بـ 15 ... وهكذا).