ملاحظة أخوان: الجهة اليسرى من الوشاح راح تكون موحدة، لأن الخياطين رفضوا يشتغلون متعدد گالوا تصير أخطاء نخلّي واحد مكان واحد.
إلا إذا الشخص يريد إضافة شعار الكلية فهذا يعتبر إضافة، أما البقية كلهم نفس الشكل وإلّي هي السنة مثل العام.

وحتى المصوّرين گالوا أحنا معلينا نصوّر أي شي بس كنصيحة بحكم خبرتنا وتجربتنا يكون موحد أرتب للدفعة

فتحبون نختار السنة لو الكتابة؟
أنا أشوف السنة مثل العام أرتب، كلما كانت بسيطة كلما أحسن

وأتفقت وي الخياطين على شغلتين، وهي:

1-
إذا چانت الأخطاء من عدنا أحنا نتحمل المسؤولية ونرجع ندفع ع التعديل

بس إذا صار أي خطأ منهم نرجع زي الطالب البيه الخطأ ويعدلونه مجّانًا
•••••••••••••••••••••

2-
التسليم بشهر الـ 12 كأقصى حد، وحبّذا يكون قبله يعني احتمال بالـ 11 وحتى بالـ 10 ... شلون يلحكون هيج؟ 👇

لأن راح يشتغلون الوشاحات والقبعات هسه بالعطلة، تبقى بس الأرواب ياخذون قياسات الطلاب (بالنتائج بالنسبة لعلاء) وبـ(ببداية الدوام بالنسبة لتوتة).
وثنينهم يردون عربون 25 ألف من كل طالب بالنتائج يلا يثبتون اسمه ويشتغلوله، يعني الما يجيب 25 ألف بالنتائج ما راح يعتبر حاجز وما راح يشتغلوله، تسليم المبلغ كل شعبة لممثلها.
••••••••••••••••••••••

وأعتقد هاي أهم شغلتين، أما الجودة فبيها ضمان من حيث القماش والخامة واللون ما يتغير بالشمس ... فبعد الطالب شيريد أكثر من هيج؟ موعد وتسليم من وكت، وجودة وسعر ووو..
الحمد لله كلشي يتسهل بتوفيق الله ثم بتعاونكم

وحتى ما يصير أي خطأ ... كل طالب يسوّي ملف باسمه يخلّي بيه الصور اليريدهن والاضافات اليريدهن، أو هيج العادي الطبيعي هم يكتب ...

مثلاً:
الوشاح الملكي
المبرمج حمزة أيوب
2025 مع شعار
من الخلف مكتوب (كذا وكذا)
القبعة مثلثة، مكتوب عليها (كذا وكذا)
الروب اميركي
(وكلهن ترفقون وياهن مثال صورة حتى ما يصير أي خطأ)
وتخلونه بملف PDF باسمكم وتدزونه ألي

تدزوهن إليَّ مباشرة أدققهن بنفسي يلا أدزهن إلهم، وأكلكم شتعدلون إذا مخلين شي خطأ ... فتواصلكم بهذا الموضوع بالذات يكون وياي مباشر ولد وبنات، لأن حسّاس وما نريد يأخرنا ويومية مرجعيهن، فنتعب من البداية هسه أحسن مما نتعب بالنهاية

حتى تصير عدكم معلومة ... راح أنشرللكم أنواع الوشاحات والأرواب والقبعات كل واحد ابحده صورته وشرح عنه

+ انشرللكم الاضافات واشرحها إلكم بالصور

فتابعوا الرسائل الجاية ...

1- القبعات:

1- العادية: يجي شكلها دائري عدل، ويتطرز عليها فقط من فوك.

2- الأميركية: تجي شكلها مثلث من الأمام، ويتطرز عليها من الأعلى ومن الجوانب.

علمًا أن سعر القبعة المثلثة أعلى من الدائرية، حسب الخياط ... مثلاً توتة تضيف بس 5 آلاف.

وحسب الصور أدناه 👇

1- العادية

شكلها دائري

يتطرز عليها بس من فوك
ما يتطرز عليها من الجوانب

وأكو خياطين عادي يطرزون من الجانب حتلو دائري بس أكيد بسعر إضافي

2- الأميركية

القبعة المثلثة ووياها تطريز بالاطار
ممكن يتطرز عليها من فوك ومن الجوانب

بس هي تجي سادة
والتطريز يعتبر إضافة حسب رغبة الطالب

2- الأوشحة:

1- الوشاح الرسمي العادي: هو الوشاح الأساسي العادي المطرز من الجهتين بس ما بيه مثلث من الخلف، ويعتبر أرخص واحد.

2- الوشاح الملكي: نفس العادي لكن بيه مثلث من الخلف تكتب عليه اليعجبك
(وهذا أغلى من الوشاح العادي).

3- الوشاح الأمريكي: بيه إضافة توضع حول الرقبة وتغطي جزء من الصدر وتدللى للخلف (قابلة للإزالة).
بس ما بيه مثلث من الخلف مثل الملكي.
ويكون أغلى من الملكي لأن هاي الإضافة مالته أبحدها منفصلة.

4- الوشاح الجانبي: وهو عبارة عن جهة واحدة تربط على أحد الجانبين بشكل مائل على الجسم، وتشبه ربطة التمييز الجانبية، واستخدمها مؤخرًا البعض خطأ بالتخرج، فهي غير مناسبة للتخرج لأنها مصممة للفعاليات التنظيمية والتطوعية حيث يُستخدم لتمييز أفراد الطواقم أو المنظمين أو الشخصيات الاعتبارية.
(وهذا يعتبر أغلى الأنواع بسبب ندرته)

توجد أنواع أخرى من الأوشحة لكن غير شائعة، فما نحب نشتتكم أكثر لأن هذن الثلاثة كافيات وهن اللي يختارون منهن الطلاب كل سنة، أما النوع الأخير الجانبي ما شفت أحد مختاره من الدفعات القبلنا بس لأن أنتم ذكرتوه ذكرته إلكم هسه

•••••••••••••••••••••••••••••

ملاحظة: يوجد إطار للوشاح يكون بلون الخط (هذا يعتبر إضافة يعني تدفع فوگه).
وراح اوضحلكم كلشي بالصور هسه

1- الوشاح الرسمي العادي

يكون بدون مثلث من الخلف

وهنا الوشاح بدون إطار

4- الوشاح الجانبي

هو أغلى الأنواع، مو لأنه أفضلهن، لأنه أندرهن

3- الأرواب:

1- الروب العادي: روب عادي ما بيه أي إضافة أو حركات بالتصميم، ويكون سعره أقل من البقية.

2- الروب الخليجي: تكون بيه حركات وكسرات خفيفة بمنطقة الصدر والكسرات إلّي بمنطقة الكتف ... والردن تكون أعرض من العادي.

2- الروب الأميركي: مثل الخليجي بس تكون بيه كسرات أكثر بمنطقة الكتف والصدر والكسرات إلّي بمنطقة الكتف.

هذن أشهر الأنواع وإلّي كل طلاب الدفع السابقة سووا منهن، فما راح ندز غيرهن بس اليريد يسوي غيرهن فعادي يدز صورة الروب اليريده واسمه والخياطين كلشي يسوون.

1- الروب العادي

طبيعي وما بيه كسرات، وردانه هذا

2- الروب الخليجي

تصير بيه كسرة بمنطقة الكتف + ردانه هيج نازل وعريض مو مثل العادي اليصير ردان طبيعي ما نازل هيج وعريض

فهذا يناسب البنات فقط

3- الروب الأميركي

بيه كسرات بالكتف والصدر
+ ردانه هيج

فهذا أيضًا للبنات فقط ما يناسب الشباب

4- الإضافات على الزي:

1- تطعيم الردن (مجاني): تكون بنهاية ردن الروب تطعيم بلون يشبه لون الوشاح.

2- تطريز الردن (+5): يتطرز على ردان الروب حرف أو نقشة أو شي ثاني حسب اختيارك.

3- إطار الوشاح (+5): يكون للوشاح إطار بلون مثل لون خط الكتابة على الوشاح، ينطيه جمالية أكثر.

4- إضافات حسب الطلب: أي شي ثاني ما موجود وتريد من الخياط يضيفه تگلي بيها وأنا اسأله إذا يسويها أو لا.