السعيات النهائية للمترجمات بعد التعديل على الأخطاء

البقاء للّٰه
إنّا للّٰهِ وإنّا إليهِ راجعون

بقلوب مؤمنة بقضاء الله وقدره، نتقدم بأحر التعازي والمواساة إلى زميلنا وأخينا (حسن داخل مطشر) بوفاة أخيه.

سائلين المولى عز وجل أن يرحمه ويغفر له ويدخله فسيح جناته، وأن يلهم حسن وذويه الصبر والسلوان.

السلام عليكم ...
للتذكير
هذا الأسبوع الإمتحان الساعة 9 صباحًا
الاثنين مترجمات
الأربعاء ويب

قاعات المترجمات

السلام عليكم ...

الأخلاقيات درسوا كلشي، أحتمال تجي الأسئلة منوعة ما تنحزر، واحتمال بيها صح وخطأ واختيارات واسقاطات وفراغات وتعداد وشرح ... وترك سؤال

البحوث كذلك درسوا المادة كلها احتمال يجي سؤال على كل موضوع واحتمال يجي سؤال صح وخطأ 10 درجات واختيارات 10 درجات و40 درجة على بقية الأسئلة على الرسم والسمبلكس وطرق النقل ... ترك سؤال
.
.
.
الويب بعدين أدزلكم مادة الإمتحان لأن بعده الأستاذ ما گلالي عليها.

السلام عليكم ...

أستاذ ناصر يكول العنده اعتراض أو يريد يشوف درجته بالشهريات والكوزات يروحله باجر ويشوفهن ... ما دزالنا تفاصيل الدرجات إلنا

آلية جمع درجات السعي

الشهري 20 (الدرجة الأعلى) × 2
الكوزات من 10
العيدية 2
التقارير 3
صار السعي من 55
(5 درجات عيدية وتقرير فوك السعي)

يكول حطيت للتقرير للكل 3 من 5 لأن أنت ورطتني بالتقارير ما چنت رايدها وگلتلي عدد قليل يكتبون وتالي كلها جابتلي (يعني يريد يكول أنا چذبت عليه وأنا تعبته هذا الكورس) ... حتى تعرفون شكد نسمع حجي علمودكم حتى تصيرللكم كم درجة فوك السعي.

وكل هذا وأنتم رايحين تحجون عليّ يمه، يگلي الأستاذ فلان وفلانة هيج يكولون والمشكلة هو مصدگهم ... وهذا السبب المخلّيه يبلغنا كممثلين شي ويبلغ الطلاب شي ثاني من يرحوله ويخلينا محتارين شنسوي ... وهذا السبب اليخلّيه ما يرسل تفاصيل درجات السعي إلنا هسه ويريدكم أنتم ترحوله ... وهذا السبب اليخلّيه ما يساعد من نگله أحنا يساعدكم ... لأن كم طالب راحله وخلاه يغيّر ويگله ويچذب عليّ ويگله حمزة وهناء ما مبلّغينا لو حمزة مسوي كذا وكذا ...إلخ ... وعلمود شنو هيج يسوون؟ علمود (لواگة) لو علمود (مصلحة شخصية) إلهم.

على أي حال خلصت السنة بعد ما تسوه
السنة الجاية يصير خير إن شاء الله ...
هاي النماذج التروح وتخلّي الدفعة كلها تتضرر علمود مصلحتها الشخصية تغاضيت عنها هاي السنة لأن أكول كلها سنة ونتخرج ما أريد أخشن خاطر أحد لو يتأذى لو ينبذونه الطلاب بسبب تصرفاته غير المسؤولة وغير الناضجة وكأنه طالب مدرسة، بس إذا ما بطلت السنة الجاية فأنا عندي مصلحة دفعة كاملة أهم من كم نفر مُخرّب، راح أنشر أسمائهم هنا وراح تعرفوهم وتعرفون منو الجاي يضركم وما يخلينا نشتغللكم ونجيبلكم كلشي تردونه من الأستاذ بطريقتنا، وراح أشتكي عليهم يم العمادة ورئاسة القسم، وراح أطردهم من كل كروبات المرحلة إلى أن يجيبون تعهد من القسم بعدم تكرار هاي التصرفات اليرجع ضررها على 200 طالب يلا أرجعهم ... وإن شاء الله ما نحتاج نسوي هذا الشي لأن ما أحبه، هي كلها سنة ونتخرج والإنسان ما يبقاله غير الأثر والذكر الطيّب فليش الواحد يصير مُخرّب بدل ما يصير متعاون والناس تذكره بالخير؟!

ترتيب القاعات ما كامل لهسه
باجر الصبح على الأبواب تلگوهن معلگات

ولا تنسون الإمتحان باجر الساعة 9:00

السلام عليكم ...

بالنسبة لمادة الأخلاقيات تم حذف الچابتر الأول والچابتر الخامس

المادة الداخلة 4 چابترات فقط الچابتر 2,3,4,6

الأسئلة إن شاء الله احتمال تكون بيها ترك سؤال وكل سؤال بيه فرعين حتى تنلم الدرجة، واحتمال تكون بيها صح وخطأ، واحتمال تكون بيها اختيارات، واحتمال تكون بيها اسقاطات فراغات، واحتمال تكون بيها عدد، واحتمال تكون أسئلة جوابها قصير ... احتمال تكون 50 نقطة يعني مطولة شكليًا بس اجوبتها قصيرة حتى الواحد يلم درجات خاف ما حافظ شي من مكان يكون حافظ من مكان ثاني ... لأن جايبة من كل الفصول حرفيًا ما تاركة شي من هذن الفصول نهائيًا.

أما مسألة الإجابة بالعربي فإن شاء الله الأحد راح أقدّم طلب لرئاسة القسم لأن هلشي مو من صلاحية ست بيداء أكو لجنة وزارية تاخذ دفاتر عشوائية وتدققها وتحاسب التدريسي في حال كان مخالف لأمر معين، فما نريد نحمّل ست بيداء المسؤولية فنحاول نقدّم طلب وافقوا عليه كان بها، ما وافقوا فندرس بالإنكليزي شنسوي بعد، الكلمة التنسوها بالإنكليزي كتبوها بالعربي بس لا تكتبون الجواب كله عربي لأن هيج ما تكدر تعبّره ست بيداء.

وإن شاء الله بإذن الله تتساهل ويانا بالتصحيح ... بس درسوا كلشي خاصّةً الأشياء البسيطة القصيرة الجوابها مختصر، ودرسوا أسئلة الشهري.

الحاسبة مسموحة بإمتحان البحوث

بس أستاذ ناصر گال لا تحوّلون الكسور لأرقام بالبوينتات بمواضيع السمبلكس والتوفيس وغيرها ... يبقى الكسر كما هو وتجمعوه مهما كان چبير حتلو 15/7 أو 60/17 أو أي رقم چبير

شباب هذا الملف يتضمن ( اختيارات لمادة البحوث ) اختيارات الاسئله مال السنوات السابقه 👍🏻.