الكورس الثاني يبدي: 19/1/2025 (الأحد).

الإمتحانات النهائية تبدي: 4/5/2025
العطلة الصيفية تبدي: 19/5/2025

التدريب الصيفي يبدي:
الوجبة الأولى: 1/7/2025
الوجبة الثانية: 1/8/2025

الدور الثاني: 1/9/2025

قاعات الشبكات

للتذكير: الإمتحانات هذا الأسبوع الساعة (9:00)

السلام عليكم طلاب
للتذكير... الطلاب الي طلع الهم رسوب بالغياب بالشبكات او بأي مادة ما الهم حق الامتحان النهائي

قاعات الهياكل

الإمتحان الساعة 9:00

الخميس عطلة ... العنده تحميل إحتمالية تتأجل لغير يوم ... انتظروا التعليمات

اليوم رفعت الكتاب وراح يناقشوه بمجلس الكلية ويردولنا خبر، إذا وافقوا بتسهيل اللّٰه يبقى فقط مصادقة رئاسة جامعة البصرة، ونودي الكتاب للعتبات وهم يحددولنا الموعد ونتوكل إن شاء اللّٰه.

ملاحظة: إذا رحنا بتسهيل اللّٰه فأحنا أول كلية بجامعة البصرة، وأول قسم، يروح هيج سفرة علمية لمشاريع العتبات، بس اندعوا تتم الموافقة عليه وما تصير أي معرقلات، والباقي سهل إن شاءَ اللّٰه.

مناقشة المشاريع للمرحلة الرابعة يوم الاحد 5/1 مع امتحان مفاهيم لغات والبرمجة الكيانية 1
المناقشه الساعه 9 صباحا وسيتم توزيعكم حسب اللجان
وإمتحان المفاهيم والكيانية الساعة 12 ظهرا

وامتحان الاحتمالية والتطبيقات يوم 7/1 الامتحان الساعه 12 ظهرا

- ست ميادة

قاعات المفاهيم
الإمتحان بـ 12:00

آخر قاعات بالكورس الأول

يسعد مسائكم طلاب
هذا التبليغ من دكتورة عداله

تركزون على الملف الاسئلة
لان بعد ما عندكم وقت
افضل لكم وكذلك على الملزمة
التركيز الكلي يكون على الملف .

د. عداله

الملزمة كلها داخلها ومكملتها الدكتورة بآخر مقطعين فيديو

ركزوا على بدايات ملف الأسئلة ... وعوفوا الأخيرات

للتذكير: باجر الإمتحان الساعة بـ 12:00

الطقس الصبح يوصل لدرجة (0) فلا تطلعون من وكت إذا ما عدكم خطوط.

السلام عليكم ... مُبارَك لكم العطلة، وإن شاءَ اللّٰه تگضوها بونسة وفائدة بنفس الوقت ... ومثل ما تعودتوا من العام (يوم الجمعة) إن شاءَ اللّٰه تعالى، راح ننشر روّاد الأعمال العدهم مشاريع يسترزقون منها بهدف دعمهم وتشجيعهم وبنفس الوقت الاطلاع على إبداع طلابنا، راح ننشرلكم التفاصيل بالأيام الجاية.

وبالنسبة لسفرة العتبات ما راح نلحگ نسويها بالعطلة، لأن مجلس الكلية طلب تدريسي يروح ويانا وهسه بالعطلة محد يروح لأن عدهم تصحيح دفاتر أولاً ويردون يرتاحون ثانيًا فماكو واحد يقبل، لذلك الكتاب هسه رجعلي بتأجيلها لاشعار آخر (بالكورس الثاني إن شاءَ اللّٰه)، وحتلو ما صارت بالكورس الثاني نسويها بالرابعة ... فاطمأنوا كل تأخيرة بيها خيرة وما أعوفها إلّا أسويها إن شاءَ اللّٰه.

أول شي ضيفوا قنوات الكورس الثاني الدراسية:
https://t.me/addlist/FPyuGA91XalkZTc8

براءة الذمة

بما أن الآن فترة عطلة وماكو أي تبليغات تخص الدراسة والكلية فخلونا نستغل هذا الوقت وهاي المتابعين بشي يفيد الطلاب ونبتعد شوي عن التبليغات الرسمية، قرّرنا نسوي فقرة بهاي العطلة، وهي لدعم روّاد الأعمال الناشئين (أصحاب الأعمال الصغيرة من الطلاب والخريجين).
يوم الجمعة المصادف 10/01/2025 إن شاءَ اللّٰه.

والهدف منه إبراز المبدعين والناجحين من كليتنا، لذلك هذا الدعم راح يكون مخصّص لطلاب كليتنا فقط من كل الأقسام والمراحل، حتى تشوفون إمكانيات وقدرات طلابنا، يعني هم يستفادون بدعمكم وتشجيعكم إلهم، وأنتم تستفادون من الخدمات أو المنتجات اليقدموها يعني حتلو أنت ما عندك مشروع ممكن تشوف شي يعجبك ما چنت راح تلگاه من دون نشره هنا وتسليط الضوء عليه.
أما إذا كنت صاحب مشروع قد تجد بعض المشاريع فرصة دعم مالي من مستثمرين، لأن نشرها هنا يجلب مهتمين حقيقيين مو مثل نشرها ببيجات وصفحات إعلانية وترويجية. كذلك كقارئ ومشاهد قد تجد مشروع ضمن توجهك ونفس طموحك فتعرض على صاحبه أن تكون شريكًا معه، أو تعجبك منتجاته أو خدماته وتستفيد منه استهلاكيًا فتجد ضالتك من هذا النشر، والكثير من الأمور مختصرها الكل مستفيد من هاي الفقرة المنتجين والمستهلكين إن شاءَ اللّٰه تعالى

إرسال المشاريع على المعرّف التالي:
@HamzahAyoob

بالرسالة ادناه التعليمات والشروط للمشاركة

دعم روّاد الأعمال الجدد / يوم الجمعة / من الساعة الثامنة صباحًا للساعة السابعة مساءً.
(حتى يكون مجال لأكبر عدد ممكن يشارك).
•••••••••••••••••••••••••••••
دعم المشاريع تكون بشروط حتى ننشرها:
أولاً: تكون واضحة في وصفها وكاملة التفاصيل، أي ترسل لنا:
1- اسم المشروع مع رابط الموقع أو الصفحة الخاصة به على وسائل التواصل الاجتماعي.
2- اسم صاحب المشروع الثلاثي وقسمه ومرحلته.
3- فكرة ووصف المشروع بالتفصيل (شنو يقدم من خدمات أو منتجات ...إلخ).

ملاحظة: إذا كانت هناك نقطة ناقصة من النقاط في الأعلى تُهمَل رسالتك ولا تُنشَر.

•••••••••••••••••••••••••••••
ثانيًا: على أن لا تكون مُحرّمة شرعًا أو قانونًا أو غش أو تكثر فيها عمليات النصب والاحتيال حتى لو كانت هي بحد ذاتها حقيقية مثل الفوركس، فالأشياء التالية نرفض نشرها:
1- كتابة التقارير وتصميم وتنفيذ مشاريع التخرج ... وما هو على شاكلتهم.
2- أي منتجات يكثر فيها الضرر (مثل المكياج والأدوية وغيرها من المنتجات غير المرخصة وغير الموثوثة).
3- أي شي بعد تحليل الحساب نجده غير مناسب للنشر لعارض ما، يُبلّغ بهِ صاحب الحساب.

ملاحظة: أي شي نجد فيه ضرر على الطلاب سواء من النقاط في الأعلى أو غيرها نهمل رسالة الشخص ولا ننشرها، لأن هدفنا إفادة المُنتِج والمُستهلِك على حد سواء.

•••••••••••••••••••••••••••••
جهزوا كليشتكم من الآن، ونستقبل الرسائل الخاصة بالمشاريع هذه الجمعة إن شاءَ اللّٰه على المعرّف التالي:
@HamzahAyoob

ملاحظة: مو شرط مشروع يخص مجالنا، أي مشروع عدكم حتلو مثلاً (ملابس، طبخ، ...الخ).

••••••••••••••••••••••••

وهذا نموذج ومثال تدزولي الرسالة مثله:

1- اسم المشروع: الضامن للإلكترونيات
2- صفحتنا على الانستا: (هنا).
3- اسم صاحب المشروع: محمد يوسف موسى (علوم 3 صباحي).

4- وصف المشروع: محل وبيج متخصص ببيع القطع الإلكترونية واكسسورات الموبايل مثل السماعات والساعات الذكية والكڤرات وشاحنات وباور بانك. كما يتوفر لدينا أجهزة ألعاب (بلايستيشن، إكس بوكس) بكل أنواعها مع تقديم ألعاب مجانية عند الشراء. كما يتوفر لدينا موبايلات جديدة ومستعملة، ولابتوبات حديثة مع اكسسورات خاصة بالكمبيوتر مثل الماوس والكيبورد الميكانيكي، كذلك يتوفر لدينا كاميرات مراقبة، ورواترات ومنظومات إنترنت متكاملة، وشاشات بمختلف الأحجام.
••••••••••••••••••••••••

أعلاه وصف إذا أكو منتجات تبيعها، أدناه وصف إذا أكو خدمات تبيعها:

1- اسم المشروع: الضامن للبرمجة والتصميم.
2- صفحتنا على الفيس بوك: (هنا).
3- اسم صاحب المشروع: محمد إبراهيم عيسى (نظم 4 مسائي).

4- وصف المشروع: مشروع متخصص لتطوير المواقع الالكترونية والتطبيقات من حيث البرمجة والتصميم وبأسعار مناسبة، حيث يمكننا تنفيذ:

1- تطوير المواقع الإلكترونية: من حيث تصميم وبرمجة مواقع ويب للشركات أو الأفراد، وتخصيص واجهات مستخدم (UI/UX) بحيث نضمن لك واجهات مستخدم مبتكرة وجذابة، وتجربة مستخدم سهلة وبسيطة (UX)، وتصميم متجاوب يناسب جميع الأجهزة.

2- تطوير التطبيقات والألعاب: برمجة وتصميم تطبيقات الموبايل على جميع الأجهزة (iOS، أندرويد، سطح المكتب) وحتى تطبيقات الويب المتقدمة (Web Apps)، وكذلك تطوير محركات الألعاب وتصميم ألعاب ثنائية وثلاثية الأبعاد.

3- خدمات التصميم بأنواعها: مثل
- تصاميم الجرافيك: الشعارات والهويات البصرية، وتصميم البوسترات والمطبوعات، وتصاميم السوشيال ميديا.
- تصاميم الطباعة: كتيبات، بروشورات، وكروت أعمال، وتصميم أغلفة الكتب والمجلات، وتصميم التعبئة والتغليف للمنتجات.
- خدمات الفيديو: مثل مونتاج وتحرير الفيديو، أو إنشاء رسوم متحركة ثلاثية الأبعاد، أو فيديوهات موشن جرافيك.
- خدمات 3D: تصميم نماذج ثلاثية الأبعاد للمنتجات، مع تحريك الشخصيات والمجسمات، كذلك إنشاء تصاميم معمارية ثلاثية الأبعاد.
••••••••••••••••••••••••
بحيث يكون الوصف شامل لكلشي يقدمه مشروعك من منتجات أو خدمات.