صباح الخير طلاب
هذا التبليغ يخص شعبة AوC

اولاً:تسليم مشروع الويب ورقي ( الكود+ الواجهات) سحبونهم وتكتبون اسمائكم الثلاثيه مثل التقرير بالضبط .

ثانياً:امتحان باجر العملي يكون على مجموعتين بدون تطبيق على الحاسبة فقط على الورقه والطالب لريد يمتحن بالحاسبة يتحمل نتيجة التنفيذ في حال ماتنفذ البرنامج .

ثالثاً واخيراً: ركزو على الفورم جايه باجر مليار بالمية 😎👍🏻.

استاذ وسام .

باجر تجيبوه ورقي تكتبون بس الكود وصورة للواجهة

اليوم ما فرغت حتى أسوي مقابلة فـ رحت حجيت وي ست صبا بمكتبها ووصلت كل رسائلكم وچان جوابها الآتي:

1- بالنسبة للابتوبات قدّمنا طلب بتجهيزنا بلابتوبات حديثة وبرمجيات حديثة والموضوع مو بيدنا والتأخير هم مو بيدنا هذا شغل دولة

2- بالنسبة للحمامات قدّموا بيها مطالعة مع تصويرها لأن سبب هلشي هو عدنا بس 2 موظفين خدمة، وكذلك بالنسبة للشغلات الثانية مثل التصريف الصحي والابواب والمياه وغيرها كلها كتبوها بالمطالعة ورفقوا صور (بالنسبة لحمامات الولد أنا راح أصورها، أحتاج بنية تصوّر حمامات البنات مع الملاحظات حتى أرفقه بالمطالعة).

3- بالنسبة لمشلكة الستيجات المكسرة والكراسي گالت إن شاء الله ينحلن قريبًا

4- بالنسبة لصعوبة الأسئلة گالت راح أحاجي الأساتذة يراعون تقديم الإمتحانات وضيق الوقت بالأسئلة

5- وبالنسبة لتعامل الموظفين فـ ست صبا ما بيدها شي لأن مو كل الموظفين لقسم علوم الحاسوب

وباقي المشاكل استمعت إلهن وگالت إن شاء الله خير وما أقصر وياكم بشي

بالنسبة للمفاهيم
حاجيت دكتورة عدالة تحسب للكل درجة التقرير كاملة (10) درجات فوافقت الحمد للّٰه

بس الحضور رفضت تحسب للكل عشرة، لأن تكول مستحيل أساوي اليحضر والما يحضر، هيج أظلم الحاضر

وهلكم يوم تنزل السعيات إن شاءَ اللّٰه.

بالنسبة لإمتحان الويب العملي الفاينل باجر لشعبة (A,C) بقاعة مو بمختبر وعلى الورقة مو على لابتوب ومجموعتين مو (3) مجاميع.

المادة كلها داخلة، بس ركزوا ع الأخير خاصّةً الفورم لأن ما أمتحنا بيه فاحتمال كلش جبير يجي ... وإن شاء اللّٰه إذا گدر مصطفى يشرحه بعدين حتى تضبطونه.

سعي مادة المفاهيم

إمتحان الويب العملي بمختبر الاصمعي الآن

إمتحان الهندسة لشعبة A بقاعة 3 الآن

الما امتحن لهسه ويب خل يجي هسه آخر مجموعة هاي (مختبر الاصمعي)

اليوم آخر إمتحان عملي وإن شاء الله تكونون كلكم مجاوبين أو ع الأقل سويتوا العليكم ... واللّٰه ما يضيّع تعبكم إن شاء الله تعالى.

بالنسبة للسعيات هلأيام ينزلن كلهن، ممكن بعض المواد يتأخرن لأن الشهر الثاني بعدهم ما مكملين تصحيحهم.

وبالنسبة للملازم، هسه راح أدزلكم ملازم المواد كلها الأصلية والمترجمة ... عدا الهياكل ما بيها ترجمة.

#الهياكل@FirstStage2 👇