للّي طالعلهم إنذار ترحون لرئاسة القسم تكتبون تعهد بعدم الغياب

(هو الكورس خلّص اتحملوا هلكم أسبوع لا تغيبون لا يرسبوكم بالغياب)

‎⁨توزيع قاعات الشبكات⁩
الإمتحان بـ 10:00

السلام عليكم ... تسليم تقرير الشبكات بشهر الـ 12
يوم 3/12/2024
كل طالب يسحبه ورقي ويسلمه لممثل شعبته بهذا اليوم فقط والما يجيبه درجته (0).

وگالت ست بيداء راح اسويلكم كوز ثاني، يعني الكوزات يصير عليهن (10) درجات
والتقرير بلكي اقنعها تسويه (10) درجات لأن حاليًا (5) فوك السعي مثل الكيرڤ

والشهر الثاني حضروا روحكم مبدئيًا على الشبكات 1/12/2024 (الأحد)
والذكاء 3/12/2024 (الثلاثاء)
والهياكل 5/12/2024 (الخميس) شهر ثاني

الهندسة الأساتذة يكولون ماكو شهر ثاني بس نحاول نسويها بس للراسبين.
كذلك الويب بس للراسبين.
والمفاهيم ما يحتاج محد يرسب اكو 20 درجة مساعدة.

فهاي المواعيد أولية تالي نثبّتها وي الأساتذة (للعلم ما نكدر نعبر ع الأسبوع الوراه لأن تصادف إمتحانات عملية نهائية فما نريد نمتحن شهري ونهائي سوه، ممكن نسويها بس للراسبين لأن مضطرين)

راح تصير سفرة علمية لشعبة (C) لميناء المعقل يوم الخميس 28/11/2024
الأجور 5,000 شاملة الأكل والنقل.

اليحب يروح وياهم من باقي الشعب يدزلي اسمه

راح تصير لكل المرحلة.

يوم الخميس 28/11 راح يصادف الحفل المركزي لجامعة البصرة، فهذا اليوم انرفض لأن كل الكلية راح تروح للحفل فمحد يروح ويانا حتلو نسويه ونتعب تالي تتأجل

فگالوا لو يتقدم الموعد (وإذا قدمناه يومين ما راح نلحك نكمل كل الاجراءات)
لو يتأخر (وامتحانات محد يروح)

فالسفرة العلمية راح نأجلها للكورس الثاني ونستبدلها بعزيمة بيناتنا الخميس الجاي يم برج الساعة.

إمتحان الهياكل يوم الأحد القادم 24/11/2024

- من البداية لحد موضوع (Short path) داخل.

- الإمتحان بس نظري
(يعني ما تجي كودات العملي).

- شرح المادة بالتفصيل على القناة الدراسية شرحها الطالب مصطفى ضياء بكورس الهياكل السويناه.

- بالنسبة لشعبة A,C ست غيداء گالت راح يكون إمتحانين، الأول من (25) والثاني من (15) يصيرن (40) والكوزات مع الحضور (40) يصيرن (80) يتقسمن على (2) وينضاف وياهن درجة العملي (10) ويطلع السعي مالتك ... بمعنى الحساب هيج يصير:

((Exam1+Exam2+Quiz)/2)+10

خلّي درجاتك بالحاسبة بنفس الطريقة والأقواس وراح تعرف سعيك (درجة الشهرين + درجة الكوزات النهائية تقسيم 2، ودرجة العملي اذا مسلّم كل الواجبات تاخذ 10).

- الإمتحان توأمة وي شط العرب يعني (4) أساتذة راح يخلون أسئلة فدرسوا كلشي.

- چنا ناوين نترجم ملزمة الهياكل بس شفناها ما تسوه كلها رسومات ومسائل ما بيها شرح يستحق نترجمه فاكتفينا بكورس الهياكل السويناه ع القناة الدراسية كافي ووافي لفهم المادة من الألف للياء وضمان الدرجة الكاملة لأن حتى أسئلة الأعوام السابقة حلّاهن مصطفى فاليتابع وياه ما راح يضمن بس النجاح راح يضمن الدرجة الكاملة إن شاءَ اللّٰه تعالى.

وكل التوفيق 💙

بالنسبة لمشاريع الهندسة والويب

يكون تسليمها ومناقشتها بدءًا
من 1/12/2024
إلى 5/12/2024
لا يتم تسليمها قبل هذا الموعد.
ولا يتم قبولها بعد هذا الموعد.

وبالنسبة لتقرير الشبكات ذكرنا آنِفًا
يكون تسليمه ورقيًا يوم 3/12/2024 لممثل الشعبة.

(والما يداوم يوم 3/12 خل ينطيه للممثل من يوم 1/12 لأن بعد هذا الموعد ما تستلم ست بيداء وأصلاً بهذا اليوم إمتحان محد يكدر يغيب).

السلام عليكم ورحمة اللّٰه وبركاته.

بالكورس الثاني إن شاءَ اللّٰه تعالى راح نروح
رحلة علمية إلى كربلاء إلى:
(مشاريع العتبات المقدسة وشبكة الكفيل العالمية).

اليحب يروح يرسل اسمه الثلاثي وشعبته: @Hamzahayoob

الأسبوع الجاي راح أرفع اسماء الطلاب اليرحون حتى نلحك نرفع الكتاب قبل نهاية الكورس الأول لأن الموضوع يطول ومن بعدها ننتظر ردهم والموعد اليحددوه و...إلخ. لذلك اليحب يسجل يحجز من هسه لأن العدد محدود بس (50) طالب.
(وبس للولد) وللمرحلة الثالثة فقط.

بالنسبة لأجور النقل وباقي الأمور ما عندي علم بيها هسه شكد تطلع تالي نشوف.

الرحلة علمية مو دينية وزيارة فقط، بل راح تتضمن زيارة لمشاريع العتبات وشبكة الكفيل، مثل:

1- الدخول إلى متحف العتبة الذي يحوي النفائس والمقتنيات الاثرية.

2- مطبعة الوارث (أكبر مطبعة بالشرق الأوسط) ومطبعة السقاء .

3- الذهاب إلى مدينة سيد الاوصياء الترفيهية.

4- زيارة الحقول الزراعية والحيوانية والاطلاع على المصانع والمعامل منها مثلاً مزارع الكفيل للمحاصيل الغذائية وبحيرة الأسماك في هذه المزرعة، ومزرعة السدرة، ومعامل التعقيم والتعفير ومعمل الجود لصناعة المنظفات والمواد الكيميائي، ومحرّكات منظومات الطاقة البديلة ومضخّات المياه التي تُستخدم في إرواء مشاريع العتبات المقدّسة، إضافةً إلى أجهزةٍ ومعدّاتٍ أُخَر مستخدمة في مفاصل عديدة من تلك المشاريع، مع شرح علميّ وتعريفٍ مفصّلٍ ودقيق عن كلّ مشروع، والخطوط الإنتاجيّة والآليّات المتّبعة في كلّ مشروعٍ على حدة.

5- زيارة مركز الاتّصالات والمراقبة والسيطرة الأمنية.

6- زيارة المركز الإسلاميّ للدّراسات الاستراتيجيّة (مجمع الإمام المرتضى الفكري).

7- زيارة مشروع البث المباشر (SNG) المتطور.

8- زيارة مجمّع مخازن للورش الصناعية حسب عمل كلّ ورشة.

9- زيارة محطّة كهرباء الكفيل التحويليّة.

10- زيارة مشروع مطبخ الزائرين.

11- زيارة مستشفى الكفيل والاطلاع على أحدث التقنيات المستخدمة هناك.

12- زيارة مركز الكفيل لتقنية المعلومات.

والمزيد ...

السفرة راح تكون (يومين) إلى (3) أيام، يتوفر هناك مبيت وأكل وكلشي.

فيعني رحلة من العمر ما تتفوت.

أول (50) طالب يدزولي هم فقط اليرحون.
@HamzahAyoob

هاي اعتبروها تعويض عن السفرة الأنلغت ...