مع العلم؛ (أريد أنوه على موضوع لأن هواي فاهمينه غلط)

أنت من أنتخبت ممثل (شعبة) أو ممثل (مرحلة) أنت هنا تخوّله يتصرف نيابةً عنك وي التدريسيين والقسم والعمادة، القسم منطي الممثل كافة الصلاحيات أن يتصرف آنيًا بدون الرجوع للطلاب خاصةً بالمواقف التتطلب رد سريع للقسم وما يلحك يسوي استفتاء، ولا يكدر على كلشي يسوي استفتاء وتصويت، أنت من أنتخبته معناها خلّيت ثقتك بيه وواثق أن أي تصرف ياخذه هو تصرف مدروس وبيه مصلحة للشعبة أو المرحلة بأكملها بدون الرجوع بكل صغيرة وكبيرة إلك حتلو ما عجبك (أنت كشخص واحد) المهم يخدم أكبر شريحة ممكنة من الطلاب.

مع العلم القسم لا يطلب استفتاء ولا تصويت ولا أي شي، مجرّد يثبّت اختيار الممثل وأنتهى الموضوع وأغلب الممثلين هيج جاي يسوون، بس أنا مو هيج أنا قريب منكم وأحب أشوف الكل راضي عن أي قرار يصير، لذلك بكلشي جاي آخذ آرائكم وأستشيركم قبل لا أتصرف، وهذا الشي من سنتين متبعينه وباقين نتبعه وراح نبقى نتبعه لحدما نتخرج، بس البعض ما جاي يقدّر هلشي وتجاوز هواي اللّٰه يسامحهم.

يعني بموضوع المفاهيم ما چنت ألحك أسوي استفتاء، القسم كلالي الهياكل لازم يتأجل لأن توأمة وي شط العرب وبعدهم ما ماخذين مادة ما يلحكون الأربعاء ولو يصير بمكان الشبكات لو بمكان المفاهيم ونريد هسه الرد حتى نبلغ شط العرب، فگلتلهم مباشرة بمكان المفاهيم لأن المادة قليلة ولأن سهلة حتلو حفظ، الموضوع مثل هذا ما يحتاجله تصويت لأن بديهي ما أخليه بمكان الشبكات فاتصرفت مباشرة بدون الرجوع إلكم، وهكذا القسم ثبّته وگال بلغهم تثبت من القسم أي واحد ما عاجبه لا تحجي وياه وگله راجع القسم (ومحد راجع بس هنا يحجون).

مع العلم أكو ممثلين جاي أشوفهم يثبتون الجدول وي القسم أنوب ينشرونه للطلاب وبعد ما يتغير، وأنا هذا الجدول الحالي غيّرت قبله جدولين علمود شعبة وحدة بس من أصل (6) شعب حتى يكونون راضين مع العلم چان راد يتثبت والقسم ما يغيره لو مدري شيصير، بس غيّرت علمود شعبة (C) جدولين، جدول الثالثة والرابعة، ورتّبت الأيام وشفت الأغلبية موافقة يلا أنوب دزيته للقسم ... والجزاء تجاوز من كم طالب لأن يدور مصلحته بس.

ممثلين جميع المراحل للدراستين
تجميع صور للهوية الجامعيه عند الممثل لكل شعبة
والتسليم الاسبوع المقبل

- تبليغ القسم

كل طالب باجر يجيب صورة وحدة إله بظرف صغير مال صور يكتب عليه
- اسمه الرباعي
- نوع الدراسة (تكتبون صباحي)
- وقسمه (علوم الحاسوب)
- ومرحلته وشعبته
- وسنة التسجيل (2022 والراسبين 2021)
ويسلمهن لممثل شعبته.

ممثل الشعبة يسلمهن لممثل المرحلة إلّي بدوره يسلم كل صور المرحلة للقسم أو شؤون الطلبة.

يوم الخميس آخر موعد لتسليم الصور

ملزمة المفاهيم كاملة (3) ملفات مترجمة

الملزمة الأصلية بـ 2,000
ملف الأسئلة بـ 3,000
وإذا كاملة بـ 5,000

للطلب: @HamzahAyoob

اليطلبها هسه باجر أجيبها إله إن شاء اللّٰه حتى يدرس للأربعاء لأن الجواب مسموح بالعربي

كتبوا بظهر الصورة المعلومات ما يحتاج تجيبون ظرف

الصورة خلفية بيضاء ولازم بدون فلتر ومواد تجميل بالنسبة للبنات

تكتبون بظهرها المعلومات التالية:
- الاسم الرباعي: أحمد محمد محمود حامد.
- نوع الدراسة: صباحي.
- القسم: علوم الحاسوب.
- المرحلة والشعبة: الثالثة (A).
- سنة التسجيل: (2022-2023)

إذا عايد سنة (2021-2022)

وتسلموهن لممثل الشعبة
ممثل الشعبة يخليهن كلهن بظرف ويكتب المرحلة الثالثة شعبة كذا.
ممثل المرحلة يخلي كل الظروف بظرف ويكتب عليها المرحلة الثالثة صباحي قسم علوم الحاسوب ويسلمهن للقسم أو شؤون الطلبة لغرض إصدار الهويات الجديدة من الأسبوع المقبل

أي طالب ما يسلم صورة وما يسجل بالفورم يحرم من الهوية الجديدة وبالتالي ما يسمح له بالدخول للإمتحانات الشهرية والنهائية.

أول شي كتبوا الاسم وسنة التسجيل هاي أهم شي

بقية المعلومات راح نكتبهن ع الظرف بس يعني گلت خاف بعدين يخربطوهن فتضيع معلوماتكم، الأفضل تكتبوهن بس إذا ما گفت كتبوا بس الاسم وسنة التسجيل هذا أهم شي

الطلاب العدهم تحميل بالاحتمالية يا يوم تردون يصير إمتحانكم؟
لأن يوم 12 عدكم تضارب وي الويب
فاختاروا يوم هسه حتى أبلغ ست ميادة تثبته إلكم

تبليغ الطلبه العبور في مادة البرمجة الكيانية 1 لقاء غدا مع د محمد ( استاذ المادة) للاتفاق على الامتحان وتسجيل اسمائهم وفي حال عدم حضور الطالب يحرم من الامتحان لعدم وجود اي مشاركات له في المادة.

- تبليغ القسم

ثبت موعد الاحتمالية على يوم
14/11/2024 (يوم الخميس)

ياريت تبلغون زملائكم كلهم حتى يصير عدهم علم وما يمتحنون وي الثانية خاف ما يشوفون الرسالة

السلام عليكم
تقيم وحدة النشاطات الطلابية في كلية علوم الحاسوب وتكنولوجيا المعلومات حملة خيرية لجمع التبرعات إلى مستشفى الثقلين الطفل للأورام

اليحب يتبرع يروح لغرفة النشاطات مباشرة ويسلّم المبلغ لأستاذ علي، أو ينطيه لممثل شعبته وهو يوديه للنشاطات.

ولكم الأجر والثواب

الذكاء العملي الملزمة الثالثة
- أستاذ عبد الملك

السلام عليكم ...
أكو فكرة أحب أسمع بيها آرائكم حتى إذا عجبتكم نسويها مثل ما سووها النظم واستفادوا الطلاب.

الفكرة نختار طالب مميّز ومتمكن يشرح مادة معينة مقابل كل طالب يدفعله (1,000 دينار فقط) للمادة كلها، بحيث طول الكورس يبقى يشرح المادة ويشرحها موضوع موضوع حرفيًا وعملي ونظري ويبدي من البداية كلش يشرح المادة من الصفحة الأولى أو من الأساسيات وعلى ملازمنا هذن نفسهن، والشرح يكون تسجيل فيديوي ويرفعه على اليوتيوب مع قناة تليجرام بيها كل التلخصيات والأشياء المهمة الشرحها بالمحاضرة (مثلاً الكود الشرحه ...الخ).

الـ 1,000 دينار ماله قيمة بس إله حافز للطالب حتى يشرح، وبالنهاية هو مستفاد وأحنا مستفادين.

وحاليًا فترة إمتحانات ونحتاج هذا الشرح إلّي يكون بالتفصيل ومن البداية حتى نعرف ندرس ونضبّط المواد.

وحاليًا المواد المقترحة هي:
1- ذكاء: (شرح نظري + مسائل النظري + العملي) وبالتفصيل الممل وعلى ملازمنا وكل هذا بـ 1,000 دينار ففط.

2- هياكل: (نظري بالتفصيل الممل لكل موضوع + عملي بالتفصيل الممل شلون تكتبون الكود وشلون تسوونه يعني تفهمونه فهم مو حفظ) وأيضًا بـ 1,000 دينار فقط.

3- ويب: (الشرح يكون من الصفر من القالب الرئيسي وهكذا يستمر لنهاية الكورس لحدما يشرح المادة كاملة) يعني كورس كامل للويب تشتريه بـ 1,000 دينار فقط.

أما بقية المواد فـ شرحية ما تسوى نسوي عليها كورسات.

فهسه هذن الـ (3) مواد يعني بـ 3,000 فقط تشترون (3) كورسات كاملة لنهاية الكورس ويبقى التسجيل يمكم شوكت ما يعجبكم ترجعوله، بالإضافة إذا عدكم ملاحظات أو شي ما فهمتوه تكلوله.

والطلاب نختارهم من عدنا يعني زملائنا بالمرحلة متمكنين من المادة، بالتالي هم نكدر نفيد كم طالب ماديًا من هاي الفكرة، وهم أحنا نستفاد ونلگه شرح جاهز ومرتب ويوصل لأدنى مستوى طالب.
..........

فهسه أريد اسمع آرائكم أو تفاعلكم على الفكرة إذا عجبتكم حتى ننفذها مثل النظم، أو ما عجبتكم ونكنسلها.

خلّي 👍 إذا موافق
خلّي 👎 إذا ما موافق

مادة إمتحان الشبكات:
الچابتر الأول + أول 5 صفحات من الچابتر الثاني

مادة إمتحان الهندسة:
چابترين
(80% من الأسئلة اختيارات وصح وخطأ و20% شرح).

قاعات المفاهيم

* الاستضافة في قاعة C2

تذكير: اليوم وباجر اخر يوم لاستلام الصور علمود الهويات الجديدة

للتذكير باجر آخر يوم لاستلام الصور

ما دام عجبكم الموضوع، وحتى نلحك على الويب (لأن الإمتحان يوم الثلاثاء وهم يلا يلحك الطالب يشرح المادة كلها بهاي الأيام) فمن باجر دفعوا المبلغ لممثل شعبتكم ... ودفعوه بكج كامل لتلث مواد (3,000).

وإن شاءَ اللّٰه يبلشون بالشرح من هاي الأيام لكل المواد للطلاب الدافعين.

المسائي كذلك إذا تحبون تشتركون دفعوا المبلغ يم عبد اللّٰه.

الما يحب يشترك براحته بس أنا أنصح الكل يشترك لأن ما تلگون كورس كامل وشرح فيديو وعلى ملازمنا وبهذا المبلغ البسيط، والقرار راجعلكم.

السلام عليكم ...

شباب إلغوا الكتم وفعّلوا الاشعارات للقناة لطفًا

الفورم مال الهويات صارلنا أسبوع ناشريه ومثبتين الرسالة ومن أنسد يجون طلاب يكولون ما قارين التبليغ چا وين چنتم؟!

على العموم أي واحد ما مسجل بالفورم يراجع القسم، وأي واحد ما يجيب صور براحته هو يتحمل شلعان الگلب والجرجرة بعدين.

رجاءً شباب فعلوا الاشعارات ومن ينزل تبليغ اقروه
هو مو ستوري انستگرام وتسووله سكب