مرحبا
اسفه على التبليغ بهيج وقت
بكرا راح يكون انتخاب ممثل مرحله والغياب مضاعف

- ست ميادة

كل طلاب التحميل المطالبين بمواد عبور من مرحله سابقه الصباحي والمسائي يرجى توقيع تعهد بسكرتاريه القسم بدا من الغد
( مرحله ثالثه ورابعه فقط)

- ست ميادة

ملزمة الويب الثالثة
- أستاذ وسام

ملاحظة: دكتور رعد وأستاذ وسام ثنينهم يشرحون من موقع W3Schools.com يعني اليدرسهم دكتور رعد يكدرون يسحبون هاي الملزمة لأن نفس المادة الياخذوها بالضبط ماكو أي أختلاف لا بالمواضيع ولا بشرح المواضيع نفسها حرفيًا، بس دكتور رعد يشرحلهم كبل من الموقع وأستاذ وسام مسوي المواضيع اللي بالموقع على شكل ملزمة لتسهيلها على الطالب.

السلام عليكم
أبناءنا الأعزاء
تبليغ مهم جدا
إبتداءا من الأسبوع القادم ان شاء الله يتم إبراز الهويه الجامعيه خلال ساعات تواجدكم في الكلية عن طريق ارتداءها داخل حافظه ( باج ) ويمنع دخول القاعات او المختبرات بدون ارتداء الباج

رئيس قسم الحاسوب
استاذة صبا عبدالواحد

التبليغ صدك وتطبيقه صارم، وفعلاً واللّٰه أتذكر العام مدري أول العام ما دخلوني 3 مرات لأن جايب الهوية بس ما لابسها 😂 فسووا الباجات أحسللكم من هلدوخة الراس

أبنائنا هاي لمصلحتكم خاف تضيعون خاف الأشرار تخطفكم خوما تبقون بالشارع ...

وهم لا تنسون تلبسون جنطتكم مال سبونج بوب وحطوا بيها ماي ولفة بيض ولا تنسون المصروف حتى تشترون من الحانوت واليكعد عاقل يخلونه يروح للحمامات ويصفكوله الطلاب والوكيح ياخذه المراقب للمدير لو يوكف بتك رجل يم باب القاعة

السلام عليكم ...

ستجري بطولة خماسي (كرة القدم) في كلية علوم الحاسوب وتكنولوجيا المعلومات برعاية السيد العميد رئيس جامعة البصرة (د. مهند جواد كاظم) وبإدارة مسؤول النشاطات الطلابية، والواقعة في ملعب كلية التربية الرياضية، فعلى الطلبة الراغبة بالمشاركة إرسال اسمائهم الثلاثية في اسرع وقت إلى ممثل شعبتهم حصرًا.

قوانين الاشتراك في البطولة:
1- فريق واحد لكل شعبة (كل شعبة مو كل مرحلة، كل ممثل شعبة مسؤول على إنشاء فريق).
2- عدد اللاعبين مفتوح لكل شعبة (أي طالب يحب يشارك راح يشارك لفتح مساحة أكبر لاكتشاف مهارات ومواهب الطلبة لغرض بطولة الجامعة التي ستقام مع الكليات الأخرى لاحقًا).
3 - أسماء اللاعبين لا تستبدل بعد بداية البطولة وتبقى ثابتة حتى نهاية الدوري
4- اللعب يكون على نظام المجموعات
5- يطرد اللاعب مع احالته الى مجلس انضباط الطلبة في حال الاعتداء على زملاءه او احد افراد الطاقم التحكيمي.
6- الفريق المتخلف عن المباراة يكون خسران بنتيجة (3-0)
7- تدار البطولة من قبل مسؤول النشاطات الطلابية وممثلين المراحل.

ملاحظة 1: يكون التفرّغ (الإجازة المؤقتة) بعد كل لعبة، أي فقط الطالب الحاضر للعبة يُكتَب له تفرغ، أما المتخلف عن الحضور يتسجل غايب بالمحاضرات.

ملاحظة 2: بعد اعلان جدول المباريات لا يحق لأي فريق تغيير موعد مباراته الا في حال وجود امتحان فقط وخلاف ذلك فأن الفريق المتخلف عن المباراة يخسر بنتيجة (3-0)

ملاحظة 3: البطولة لكل الكلية بجميع أقسامها ومراحلها وشعبها ولكلا الدراستين الصباحية والمسائية،
عدد الفرق الكلية (30) فريق.

شباب اليوم أكّدوا على التبليغ هذا، لازم الكل يوم الأحد يجي لابس باج، لأن حتلو يكدر يدخل للكلية، أستاذ المادة مبلغينه يطلّع أي طالب ما لابس باج من المحاضرة ويسجله غياب

فجيبولكم باج وخلّوا هوياتكم بيه، وإذا واحد يكدر يجيب للطلاب أفضل والأحد يدفعوله، أو يوكف بالباب ويبيع الواحد بخمسة خوش يربح :)

السلام عليكم
يلغى مشروع الهندسة لطلاب شعبة BوC.

اليوم حجيت وية د زينب على المشروع بناءًا على طلب هواي طلاب طلبو نلغي المشروع لذلك كالت المشروع اذا يبقى يبقى للشعبتين واذا ينلغي ينلغي للكل ماكو شعبة وشعبة لذلك هسة هي لغته للشعبتين .

وتعتمد على درجات امتحان الشهري والكوزات.

السلام عليكم ... راح أسوي استفتاء فقط لطلاب شعبة (B,C) بخصوص مشروع الهندسة على الكروب، لذلك أرجو أي طالب مو من هاي الشعبتين ما يصوّت، حتى نحل مشكلة المشروع بشكل نهائي إذا يبقى أو يلغى، الموضوع معتمد على تصويتكم

الما داخل للكروب خل يدخل ويصوّت على الاستفتاء
https://t.me/c/1582246716/33344

* أي طالب يصوّت وهو مو من شعبة B,C أحظره.

الما كاتب اسمه أو ما مخلي صورة، بس خل يدزلي اسمه ع الخاص @HamzahAyoob
(باجر راح أصفي الكروب والما دازلي أطلعه).

راح أبقي كروب المرحلة فقط لطلاب المرحلة الثالثة حصرًا

القناة تبقى عامة للكل.

بالنسبة لطلاب التحميل ما تحتاجون هذا الكروب، لأن أحنا مسوّين كروب لكل مادة تكدرون تدخلون وتشوفون شنو ناخذ يومية وبالتفصيل بدون ما تسألون أحد، وكذلك إذا أكو أي تبليغ راح يوصللكم فورًا على كروب التحميل أو على هاي القناة.
قنوات الكورس الأول:
https://t.me/addlist/eWRSY8dh1o9iYTI0
قنوات الكورس الثاني:
https://t.me/addlist/FPyuGA91XalkZTc8


أما هذا الكروب العام للمرحلة نحتاجه للاستفتاءات والتصويتات العلنية، إلّي تكون فقط لطلاب المرحلة، فحتى يكون التصويت بشفافية وماكو تصويتات وهمية أو من غير مراحل راح نصفي الكروب لطلاب المرحلة الثالثة فقط.
رابط الكروب العام للمرحلة الثالثة:
https://t.me/+iF2saLfIyqVhZDI0

اليوم وباجر آخر يوم للتسجيل بلغوا أصدقائكم اليحبون يشاركون يدزون أسمائهم لممثل الشعبة، حتى تكمل مرحلتنا (3) فرق ونوديهن للنشاطات

مع العلم أكو هدايا ودرجات للفريق اليفوز بالبطولة

* (العدد مفتوح أي طالب يحب يشارك هلا بيه).

وأنا أتمنى كل الولد من كل الشعب يشاركون، لأن الأقسام والمراحل البقية هواي راح يجون وأحنا قليل
والهدف بالنهاية الونسة مو إلا ميسي يلا تشارك

ست بيداء تكول بالنسبة لتقرير الشبكات مو هسه، تالي تبلغنا بالمواضيع النشتغل عليها، لأن هسه شوي وما تريد يصير تكرار، وراح تختار من المصطلحات والمواضيع الما بيهن شرح بالملزمة نسوّي عليهن تقرير ونشرحهن.

للعلم درجة النشاط هاي فوك درجة الكوز يعني ينحسب الكوز + هذا النشاط (التقرير) + الشهرين ويطلع السعي (وأعتقد درجته من 5-10)

وكل فريق يكوم يشرح بالمحاضرة موضوعه للطلاب يعني هو يقدّم المحاضرة (كذلك بتقرير المفاهيم هيج)