غدا ستبدا المحاضرات حسب الجدول المعلن سابقا لطفا الالتزام بالحضور والزي الرسمي والغياب بنسبه تنبيه سيرفع نهاية هذا الاسبوع.
للدراسات الصباحية والمسائية

- ست ميادة

أريد من كل شعبة متبرع واحد
يصوّر الشاشة/السبورة بكل محاضرة
(المهم ما يغيب وإذا أخذ إجازة لظرف يكول لصديقه يصوّر، يعني يلتزم).

وبحال المادة شرحية مثل مادة التحليل بس بالملزمة ماكو ع السبورة؛ فمجرّد يذكر رقم الصفحة من وإلى بهاي المحاضرة.

وبحال العملي يصوّر التطبيق من حاسبته أو حاسبة أي شخص مطبّق، مع السبورة في حال چان أكو شرح.

...
الشخص راح يكون وياي مشرف بالقنوات ويساعدني بهذا الموضوع وتعتمد عليه الطلاب.

فاليحب يتبرّع ويلتزم يراسلني لطفًا
@HamzahAyoob

السلام عليكم ...

1- إمتحان الشبكات يوم الخميس المصادف (3/11/2024).

2- يرجى الدخول لكروب مادة الشبكات (هنا) باشراف ست بيداء (لكل الشعب).

3- يرجى الدخول لقناة مادة الهياكل (هنا) باشراف ست غيداء (لشعبة A,C).

4- يرجى الالتزام بالحضور وعدم التغيّب، لأن العميد الحالي (دكتور مهند رئيس الجامعة) يطلب من كل تدريسي يرسله قائمة الحضور لكل يوم، وفي حال الغياب لمحاضرتين سيصدر أمر تنبيه، ومن ثم انذار، من ثم رسوب بالمادة، والدكتور متشدد على الحضور على الأساتذة والطلاب لذلك لا تغيبون.

5- بالنسبة للراسبين استفسرت من معاون العميد العلمي (دكتور صلاح) وقال أرسلنا استفسار إلى رئاسة الجامعة بخصوص (هل يتحول الراسبين إلى نظام بولونيا أو يستمروا على نظامهم القديم، وكيفية المقاصة وتفاصيل أخرى ستصدر قريبًا) لذلك أي واحد تكلم أو يتكلم هسه هو اجتهاد من عنده فلا تعتمد عليه وأنتظر الخبر الرسمي بعد الاستفسار، وأنشره إلكم هنا إن شاء اللّٰه بعد ما يرسله إلنا دكتور صلاح.

6- بالنسبة لشعبة (B,C) لازم ترشحون شخص يكون ممثل حاليًا حتلو مؤقت لحين انتخاب ممثل رسمي الأسبوع القادم، لأن الأساتذة يريدون يتواصلون وي ممثل الشعبة حصرًا ... فضلاً عن اختلاف التدريسيين بين الشعب.

7- حاليًا 3 أساتذة طلبوا تسحبون الملازم بعدما يدزوها راح أنشرها هنا، وهي ملزمة (الذكاء الاصطناعي، الشبكات، الهندسة)، أما ملزمة الويب فمثل ما گلتلكم ما راح تحتاجوها لأن الشرح ع الموقع فمجرد صرفيات زايدة، وبالنسبة للمفاهيم أكو ملف غير الملزمة سؤال وجواب نشوف دكتورة عدالة إذا تشرح عليه مثل العام نسحبه هو لأن ما راح نستفاد من الملزمة شي إذا الدراسة عليه ... وبالنسبة للهياكل براحتكم إذا تحبون تسحبوها بس بيها هواي أشياء ما تحتاجوها ... وعلى أي حال أنتظروا لحين إرسال الملازم من الأساتذة هليومين، يلا تسحبون.

8- تابعوا القنوات الدراسية لأن راح ننشر كل تفاصيل المادة بكل محاضرة.

9- باجر أكو دوام وياخذنا دكتور عبد الملك ذكاء، وأستاذ وسام ويب.

10- الالتزام بالزي من الأسبوع القادم راح يطلعون كل واحد ما ملتزم بالزي من المحاضرة ويودونه للقانونية يسوي تعهد (علمًا راح يجيله تنبيه بعد تعهدين ومخالفتين يسويها)، هذا الشي كلش متشدد عليه رئيس الجامعة ومتابعه مع الحضور بكونه هو العميد الحالي لكليتنا.

شعبة (C) المداومين أمس واليوم وداخلين محاضرات تواصلوا وياي لطفًا

« زملائي الطلبة طاب مسائكم بكل خير »

🔸مستمرين معكم هذا العام أيضاً في طباعة ملازم المواد للكورس الأول🔸

لطلب الملازم يرجى مراسلتنا على التلگرام
@m3_q14
@mi_pr1

🔸وأيضاً أكو عروض خاصة تفيدكم نشرناها الكم على الانستقرام 🔸

نتمنى زيارتكم لحسابنا على منصة الانستگرام من خلال الرابط
https://www.instagram.com/mi_pr1?r=nametag

◾لاتنسوا المتابعة والنشر لنصل لأكبر عدد ممكن من الطلبة◾

السلام عليكم
طلبتنا الأعزاء
آخر تحديث للزي الموحد في جميع كليات جامعة البصرة
يرجى التعميم على زملائكم
والالتزام به رجاءا اعتباراً من يوم غدا ان شاء الله

- رئيسة القسم

من الأسبوع القادم تبدأ المحاسبة على الزي والتشديد من رئاسة الجامعة ... وحسب التعليمات وضعت لجنة لمتابعة الزي والمخالف يكتب تعهد بالقانونية وفي حال المخالفة مرتين يصدرله أمر تنبيه، ثم انذار ثم ترقين قيد.

كذلك الحضور متشددين عليه من رئاسة الجامعة، سواء على التدريسيين أو على الطلاب، مطلوب من كل تدريسي يرسل يوميًا قائمة الحضور العنده، والطالب المتغيب محاضرتين يصدرله أمر تنبيه ثم انذار ثم رسوب بالمادة الغائب بها.

لذلك من البداية تجنبوا الغياب ومخالفة الزي.

الجدول بعد التحديث

الهياكل بقاعة B1

إذا أكو متبرّع جديد من شعبة (B,C) خل يراسلني لطفًا @HamzahAyoob

يكون مشرف ع القنوات وياي ويصوّر ويدز المحاضرات المصوّرة من السبورة/الشاشة لكل يوم.

بقت بس شعبة C

تم لكل الشعب، هسه نكدر نكول راح تشوفون شغل مرتب من الأسبوع القادم وإن شاء الله يفيدكم ويخدمكم لأن راح تلکون كل تفاصيل المادة يعني بيوم الإمتحان ما تتشتتون كلشي تحتاجوه تلگوه بمكان واحد ومنظّم بالفهرس والروابط والهاشتاكات لسهولة وسرعة الوصول للشي التريده، كذلك كلمات مفتاحية موحدة تكدر تبحث عنها وتوصللها، وكذلك البحث حسب التاريخ، وهواي أمور ثانية راح تعرفوها بنفسكم، فضلاً على تلخيص المواد على غرار تلخيص مادة التحليل الراح نبدي بيهن بالأيام الجاية إن شاءَ اللّٰه.

رابط قنوات الكورس الأول:
https://t.me/addlist/eWRSY8dh1o9iYTI0

وهاي القنوات راح تخدم حتى الدفع التجي بعدنا، وعسى أن يكتب لنا اللّٰه فيها صدقة جارية.