شباب اطلعوا ع المادة هاي قبل لا نلغيها باجر ... لأن جاي اشوف أغلبها رسومات ومسائل وكود برمجي قصير.
برأيي هذن يفيدنا ويساعدنا لأن أول 20 صفحة كلها شرح وحفظ، فهاي إذا دخلت راح تخفف الأسئلة الراح تجي من اول 20 صفحة ونضمن بيها درجات.

والقرار لكم شنو تحبون
(للعلم فقط الشي المكتوب عليه داخل هو الداخل يعني مو الصفحة كلها بس الشي المحددته، فرجعوا هسه للصور وشوفوهن، والشي التردونه يصير)

راح أسوي استفتاء وبناءً ع التصويت الأعلى نتصرف 👇

إن شاءَ اللّٰه باجر أحاجيها تحذفهن وكلشي تردونه يصيرلكم 🤍

قاعات الهياكل

السلام عليكم، حاجيت اليوم ست بيداء ع المادة وگالت أنتم ردتوها هيج وأنا متفقة وياكم تردون نكملها حضوري وأدز عليكم السبت لو تردون إلكتروني وتحضرون لو تردون تسجيل وأنتم گلتوا تسجيل فبعد ليش هسه اختلفتوا، گلتلها لأن نزلت بالفاينل وعدنا يوم واحد قبل الإمتحان فالطالب ما يدري يراجع لو يحفظ من جديد گالت الحفظ البيها قليل وأنا يجوز أجيب المسائل اكثر من الحفظ وأراعي الأسئلة من هاي الناحية لا تشيلون بال.

وگلتلها ع الدرجات گالت شوفوا أوراقكم وشوفوا شكد ساعدت حتى الخطأ أنطيه صح وإذا تردون الخمس درجات مال الكوز ألغي هاي المساعدات كلها واحسب الشهر الثاني من 15 ويطلعلكم استحقاقكم وأقل بهواي من هاي الدرجة. وهاي بس النظري .. العملي ساعدت بيه هواي وأنطيت تقييم اكثر من الاستحقاق وساعدت أكثر مما تتخيلون بالنظري والعملي بس أنتم ما جاي تعرفون مصلحتكم تردون الخمسة مالت الكوز بس بينما لو تشوفون المساعدات هسه أكثر من هاي الخمسة بهواي.

ومع ذلك گالت السعيات مو نهائية، يجوز أضيفلها بعد كيرڤ درجتين تلاثة فوك كل هاي المساعدات، وبعد أكثر من هيج لحد يحجي.

واليوم إن شاء الله تنزل سعيات الصباحي

طلاب التحميل بالانكليزي دكتور أمجد يريد منكم تقرير واليوم آخر شي منا لليل الما مسلّم تروح عليه درجة التقرير ... فكتبوا أي شي وخلوا اسمكم بالبداية لان هو الغرض منه المساعدة أهم شي تستعجلون وتسووه هسه


ومن تكملون التقرير دزوه لمحمود وهو يجمعهن ويحولهن لدكتور أمجد
@to_the_top1

ملاحظة أخيرة عن القواعد: الداخل من هاي الصفحات
لحد صفحة 39 + صفحة 43 فقط
الباقي ماداخل، وأكثر من هيج بعد ماكو

يعني الإمتحان من صفحة 1 لصفحة 34 داخلة.
+ صفحة 38,39,43
وباقي الصفحات كلها ما داخلة

وركزوا على هاي الصفحة احتمال جبير تجيب منها

الطالب العنده إعتراض على سعي القواعد يروح باجر يحاجي ست بيداء وياخذ وياه أوراق الشهرين أو ورقة الشهر الثاني ع الأقل.

بس خل يخلّي بباله
1- ست بيداء ما وعدت بعيدية مثل البقية.
2- ست بيداء گالت من البداية ما أنطي درجات ع الحضور.
3- ست بيداء ما وعدت بكيرڤ گالت يجوز أنطي وهذا يعتمد على نسبة النجاح إذا هواي ما أنطي وهسه گالت نسبة النجاح فوك الـ 80% فماكو داعي أنطي وجاي أحاول وياها بس للراسبين وباجر هم أحاجيها علمود هلشي وإن شاءَ اللّٰه خير.

للأمانة هذن ست بيداء كلهن ما وعدت بيهن، ست بيداء وعدت فقط بـ 5 درجات مالت الكوز وحاجيتها عليها وگالت ساعدتكم وأخذتوا أكثر من 5 والعنده إعتراض خل يجيب ورقته مال الشهر الثاني ويجي.

فباجر بـ 11 يجوز تجي وتكعد بغرفتها والعنده إعتراض يروحلها مع ورقة الشهر الثاني.

قاعات المرئية

هذه السعيات لكل الشعب ... طبعآ رجعت انطيت كيرف شامل للكل فوك السعي .
.
هذا غير الكيرفات اللي انطيتها بالتصحيح ل اوراقكم ب امتحان الشهر الثاني لكل الطلاب بدون استثناء لذلك رح تلاحظون درجات الشهر الثاني بالمجمل جيدة جدااا .
.
و اكو كم شخص اللي ب امتحان الشهر الاول درجتهم للشهر الاول اذا كانت اقل من ٥ حسبتها نفسها يعني كما هي ما نصفتها .
.
ب الاضافة الى ان الجميع انطيته درجة الكوز ٥/٥ كاملة .
.
و كذلك درجة الحضور اللي من ٥ أيضآ انطيت كل شخص و اكثر من استحقاقه .
.
اتمنى محد يعترض و يكول ما مساعدتني لأن المساعدة شملت الجميع بدون استثناء و بالعدل ...

لو سمحتوا أحبتي فقط تأكدوا من جمع الدرجات للشهرين ... و اذا احد عنده خطأ او اعتراض خلي يبلغ ممثل شعبته بالتفاصيل و الممثل خلي يراسلني _ اللي عنده اعتراض اول شي رح ارجع درجاته الى اصلهن بدون الكيرفات اللي متوزعة و ابقي فقط درجته الحقيقية بدون اي مساعدة حتى يشوف الفرق بنفسه 😅 .
.
و عدكم وقت للاعتراض من اليوم الى بكرى لغاية نهاية الدوام الرسمي الساعة ب ٣ ... لأن حتى بعدها أغلق ملف السعيات و أسلمها ... بالنهاية اتمنى لكم التوفيق و النجاح جميعآ 💐 و الله لا يضيع تعبكم و جهودكم .

سعيات شعبة C بعد التعديل

صباح الخير 💐 .
طلابنا الأعزاء اليوم بعد ان تستلمون اوراقكم للشهر الثاني و تشوفونهم ... لو سمحتوا تأكدوا اذا عدكم خطأ بالجمع لا سامح الله _ و في حالة اكو احد عنده خطأ بالجمع يكدر يراجعني من الساعة ب 10:30 الى الساعة ب 12:30 .... اني بهذا الوقت موجودة اليوم في اللجنة الإمتحانية الصباحية ...
اما في حالة اكو احد عنده اعتراض ممكن يبلغ ممثل الشعبة حتى يبلغني او الطالب بنفسه يراجعني - بكل الأحوال اذا الكم حق ف تدللون و اكيد راح تاخذونه و اذا طلع اني منطيه زايد للطالب و هو معترض على الزيادة ف همينة راح اخذه 🤭 .