مناقشة تقرير الطرق غدًا بقاعة C2 الساعة 8:30

تجون كلكم من وكت قبل الأستاذة وتكعدون ع الستيجات وتبدي المناقشة من أول ستيج بجانب الأستاذة وهكذا بالسره إلى آخر ستيج حتى ما تصير خربطة مثل تقرير الاحتمالية والكل يناقش بالسره ومحد ياخذ حق أحد.

حسبوا حسابكم عدكم إمتحان ساعة يعني راح تتفرغ القاعة من الساعة 10-11 بالتالي الوقت ضيّق.

وحسبوا حسابكم العدد هواي لأن الناقشوا الخميس كلش قليل فيعني حتى تلحگون وعلمود خطوطكم ناقشوا من وكت.

وكل التوفيق إلكم وإن شاء اللّٰه كلكم تاخذون عشرة 🤍

وبالنسبة للاحتسابية للمحاضرتهم بـ C2
صارت بـ A2

امتحان الفاينل :

الأسبوع الأول الساعة 12 ونص مساءً

والأسبوع الثاني الساعة 9 صباحًا

- مقرر القسم

يعني:
إمتحان (الكيانية والهياكل والمرئية) بـ 12:30
وإمتحان (الاحتسابية والطرق والقواعد) بـ 9:00

شعبة B-C توقفنا بالبرمجة الكيانية
يعني باجر ماكو محاضرة ولا بيوم العملي.

بس شعبة A ياخذون محاضرة وي ست نور

إمتحان الكيانية العملي النهائي يكون بنفس يوم النظري (5/11) إن شاء اللّٰه
حسب المجاميع والشعب وكل حسب مختبره

طلاب التحميل فقط لشعب( C, B) الحضور يوم الاربعاء المقبل في مختبر آسياسيل الساعة 11 بعد انتهاءهم من الامتحان الشهري لاداء امتحان مختبر عملي (سعي) اضافة الى quiz بمادة ال (polymorphism) بجميع فقراتها

برمجة كيانية - دكتورة معالم

إمتحان الاحتسابية يوم الأربعاء
بالمحاضرات: 6+8+10
يعني 9 ما داخلة (داخلة بالفاينل فقط).
والكوز نفس المادة.

الكوز كل شعبة حسب وقت محاضرتها الأربعاء.
والإمتحان بـ 10:00 كالعادة.

+ شدوا حيلكم حتى تنجحون، لأن ست رفيد اليوم فاجأتنا وگالت ما أحسب ع الشهر الأعلى لأن حسبت نسبة نجاحكم وطلعت أكثر من 50% بالشهر الأول، فنسبة نجاح جيدة فأحسب الشهرين وأقسمهن، والدرجات حسبتهم بالبوينتات، والكوز هذا عيديتكم من خمس درجات لغيت الكوزات السابقة. فدرسوا زين للإمتحان لأن هاي آخر فرصة، ما نريد نشوف مجزرة بالسعيات، تعبنا.

حسبوا حسابكم إمتحان البرمجة الفاينل-العملي
هذا الخميس 9/5/2024
لأن مجلس الكلية وجّه باغلاق المختبرات من الأسبوع القادم لوجود إمتحان تقويمي لكلية الطب

وجاي أحاول بالموضوع بكل السبل أن يستثنون يوم السبت، مستحيل نلحگ نمتحن مد ووواه بنص نهار فاينل برمجة عملي

طلاب التحميل بالتطبيقات غدًا الإمتحان
النظري بقاعة 9 بـ 10:00
والعملي بقاعة 5 بـ 11:00

السلام عليكم

يوم الخميس إضراب عن الإمتحان
محد يجي ويمتحن ...

لأن حاجيت رئاسة القسم والمقرر والمعاون العلمي بخصوص إمتحان البرمجة الكيانية ورفضوا علمود المجموعة الطبية، بأي حق تضرر طلاب الكلية الأصل علمود راحة طلاب كليات ثانية، وهاي الكليات من يروحولها طلابنا يخلوهم بالمستودع حتى ما يتضررون طلاب كليتهم وياخذون محاضراتهم بقاعاتهم

لذلك قررنا الإضراب عن الإمتحان، يرجى الالتزام فهاي لمصلحة الكل

تم تأجيل الامتحان العملي النهائي لمادة البرمجة الكيانية إلى يوم السبت

ارتاحوا

يكون الإمتحان العملي كل شعبة حسب مختبرها ومجموعتها

المجموعة الأولى: 9:00
المجموعة الثانية: 10:00
المجموعة الثالثة: 11:00

الساعة 12:30 إمتحان النظري
لذلك يرجى الالتزام
- دكتورة معالم

ممنوع استخدام الحاسبة الشخصية

والحمد للّٰه ما ضاع التعب، صارلي من الصبح أركض، ما بقى واحد ما حاجيته وكلهم يرفضون وللأسباب نفسها وغيرها لحدما سوينا إضراب ورحت حاجيت دكتورة معالم أن كل طلاب المرحلة الثانية مضربين عن الإمتحان الخميس وكلهم يعرفون ومدركين العواقب، والحمد للّٰه أخيرًا وافقوا.

+ نشكر علي سجاد عبيد ممثل الكلية على مساندته،
ما قصر بشي الله يجزيه كل خير 🤍

دكتورة معالم:

السلام عليكم ورحمة الله وبركاته

موعد الامتحان العملي النهائي يوم السبت صباحا قبل الامتحان النظري وكالتالي :

- كل شعبة تؤدي امتحانها بمختبرهم المعتاد وعلى جميع الطلبة الالتزام بمجاميعهم وعدم تغييرها تحت اي ظرف
(شعبة A مختبر 5 ست نور,
شعبة B مختبر التعليم المستمر ست امل ،
شعبة C مختبر آسيا سيل د.معالم،
المسائي مختبر الاصمعي استاذ عمار).
-
- ⁠المجموعة الأولى من ساعة 9-10 ص.
- ⁠المجموعة الثانية من ساعة 10-11 ص.
- ⁠المجموعة الثالثة من ساعة 11-12 م.
-
- ⁠ الامتحان نهائي ولا يحتمل التأجيل او اعادة المحاولة وعليه حضور الطالب بوقته المحدد ضمن مجموعته المحددة ضروري جدا وبخلافه يحرم من اداء الامتحان.
-
- ⁠السماح للطالب اما بالحل على الورقة فقط او باستخدام حاسوب المختبر حصرا (لا يجوز استخدام حاسوب الطالب الشخصي)
-
- ⁠الطالب الذي ينفذ السؤال على الحاسب صحيح بالشكل المطلوب يكتب على ورقته (نفذ) وينقل الحل على الورقة.
-
- ⁠على الطالب عدم فتح بروجكت مخزون سابقا حتى لو لم يكن متعلق بسؤال الامتحان ويتم حرمان الطالب المخالف لهذه الفقرة من اكمال الامتحان.
-
- ⁠التاكيد على الطالب كتابة اسمه على ورقة الاجابة مع الشعبة والمجموعة.
-
- ⁠تنبيه الطالب إلى أن وقت الامتحان ساعة واحدة فقط يستغلها للتنفيذ (عند رغبته) وكتابة الحل على الورقة ولا يسمح له بوقت اضافي كون الوقت ضيق اجمالاً قبل بداية الامتحان النظري.
-
- ⁠بعد انتهاء الامتحان مباشرة تسلم اسماء الغياب للجنة الامتحانية كي لا يتم السماح لهم باداء الامتحان النظري.

الإمتحان النظري يبدأ الساعة 12:30 م
-
أولادي الأعزاء
بالتوفيق لكم جميعا وبارك الله فيكم