نماذج سابقة لامتحان النهائي لمادة كيمياء صف اول متوسط

طلاب صف اول شخباركم

طلاب نظرا لامتحاناتكم النهائية القريبة كلش مراح اكدر اسوي اختبارات لكم لان وقتكم كلش ضيق لهذا انصحكم تقرون الملخصلاتي يلي دزيتها لكم مع التركيز الشديد على اسئلة الدروس واسئلة النهاية الفصل ضبطوها كلش زين واتمنالكم كل التوفيق يارب انتظر تبشروني بنجاحكم ان شاء الله

نماذج سابقة لامتحان النهائي لمادة كيمياء صف اول متوسط

شخباركم طلاب ان شاء الله اموركم تمام

طبعا الف مبارك يلي طلع اعفاء عام ويلي ماطلع اعفاء النجاح حليفكم ان شاء الله في امتحان اخير السنة فشدو حيلكم ابطال وان شاء الله تفرحوني وتفرحون اهاليكم بشي مميز ودرجات عالية
واتمنى التوفيق للجميع يارب تحياتي لكم🤍🌷🌷

سلام عليكم طلاب صف اول متوسط غدا ان شاء الله راح تبدا امتحانات اخير السنة لهذا اريد من عندكم تركزون على هذه النقاط المهمة حتى تحققون النجاح ان شاء الله تعالى وتخفف عنكم هذه الفترة

1/لازم تاكلون صبح ميصير ترحون وانتوا مماكلين لان هذا تفكير يحتاج طاقة ومو بس ريوك اكو هواية طلاب خلال هاي فترة يهمل الاكل ويلتهي بدراسة هذا شي خطا لازم يكون عندكم توازن بحياة

2/حضروا ادواتكم قبل بيوم من الامتحان مثلا مساحة قلم رصاص قلم جاف ومسطرة. مقطاطة هاي اشياء مهمة جدا حتى يكون كلشي جاهز صبح فقط ماتنسون شي

3/المادة مالتكم هي كل كتب اكو بعض منكم عندة اعفاء فردي هذا هم كلش زين بس يلي مطالع اعفاء بأي مادة عادي ماهي نهاية العالم ولايخاف سهلة ان شاء الله اهم شي كل طالب يركز بلملخصات المواد يلي انطوكم اياها بمدرسة واكيد مادة متكررة عليكم خلال السنة فلاتخافوا ان شاء الله سهلة

4/ رجاءً ونصيحة من عندي وعن تجربة من تممتحنون وتكملون امتحان لاتحلون الاسئلة بعد الامتحان هذا شي ياثر على الامتحان يلي بعده انتوا قريتوا وسلمتوا الدفتر اذا هذا هو بعد حلكم للاسئلة راح يزيد الارباك وتحسون انه ممجاوبين وتحسون بحزن فاابتعدوا عن هاي الفقرة الامتحان يلي تمتحنوه هذا هو سدوا الكتاب وضموا الى ان يتم الطلب كتب من قبل مدرسة بيوم نتائج

5/ الرجاء سمع كلام الاهل بخاصة هاي فترة لا تلعبون بتلفون او تباوعون تلفزيون هي فترة وتعدي اسبوعين بالاكثر ويخلص الموضوع لاحكين على عطلة الصيفة طويلة

6/مو اول ماترجعون من الامتحان تنامون هواية وتقرون بليل دراسة بليل خاطئة جدااااااااا
اول مترجعون ارتاحوا فد ساعة ساعة ونص ناموا بيها واكلوا وصلوا وابلشوا وناموا ب12ضروري حتى دماغ مايتعب وترحون نحسانين حتى اذا تقرون تنسون

7/حاولوا قد مستطاع قبل الامتحان ب10دقائق عوفوا المراجعة لازم قبل امتحان انتوا مستعدين مو مخبوصين وخايفين

8/ طلاب هواية حالات جاي تصير هي يخلون بطل المي كدام دفاتركم ويوكع ويتبلل هواية طلاب وكع مي على دفتر وراحت كل كتابة فيا اولادي لا تسون هيج خطا خلو جوا الرحلة بطل المي زين

9/لاتنسون شغلة كلش مهمة حافظوا على صلاة وقرأ قران ورقة واحدة في ليوم على الاقل لزيادة التوفيق مو تكولون مانلحك ومدري شنو هي 10دقايق صلاة ورقة تنقري ب 5دقايق بالاكثر

10/خلال حل الاسئلة حلوها بترتيب الدفترا رتبوا زين مو عشوائي تحلون اسئلة والاساتذا يدورن على حل سوال بدفترا اهم شي ترتيب ونظافة دفتر

بنهاية اتمنالكم التوفيق يارب وان الله تستفادون من هاي الملاحظات ...

#ملاحظة اخيرة مهمة كلش والله
اقرئوا اية الكرسي قبل توزيع الاسئلة هاي الاية والله عظيم سر من نجاحاتي واني جاي انطيكم يا 😊🤍