#عطلة

مجلس الوزراء يقرر ما يأتي:

🍀تعطيل الدوام الرسمي من 26 إلى 30 أيار بمناسبة عيد الأضحى، ويُستأنف الدوام يوم 31 أيار.
تعطيل الدوام يوم 4 حزيران بمناسبة عيد الغدير✅🌸.

🔴السلام عليكم..اذا اريد ادرس اسلامية وحدي على ملزمة ساجد العكيلي ..اريد احد بس يمتحني اكو استاذ او قناة بيها بس امتحانات لمادة الاسلامية

🔴السلام عليكم , اني حاير بمسألة توقيت الدراسة , اكو هواي كلولي طريقة التكرار افضل وانجح طريقة لكن ما اعرف هل كل يومية اقرة مادة مختلفة او كل اسبوع لمادة معينة وهكذا, شنو رايك وبشنو تنصحني وشون ؟ لان صراحة حاير بهل موضوع اكثر من المدرسين

✅وعليكم السلام
تشتغل جدول طبيعي، تاخذ مواد طول الاسبوع، تحددلك يوم تسوي مراجعة تراكمية الهن، امتحان الهن، وتكرر الامر، وتوصل لنصف الفصل وتوصل لنهاية الفصل وانت مستمر بالمراجعة والامتحان التراكمي...وهيج تستمر

🔴 اني صف رابع رحت خامس بس بالرابع ماطلعت إعفاء ف ادرس للخامس لو للسادس افضل؟لان طلاب دفعتي كلهم يدرسون سادس ومسجلين معاهد بس خاف مااكدر اطلع إعفاء بالخامس اذا سجلت سادس من هسه؟

✅ موضوع طلاب دفعتج سجلوا، اوكي خليهم يسجلون بس لا تقارنين وياهم

اني بوقتي شفتهم سجلوا بس ما سجلت، لأن كلت ما أتعب نفسي، هي سنة وحدة بالنسبة الي تكفي


تختلف من طالب لطالب، ممكن اكو طالب يحب يسوي هيج ويقرا حتى يخفف الضغط بالسادس عليه
ف اني ما اكدر اكول سجلوا او لا، تعتمد عليكم

🔴 مَرحبا
اني هسه نجحت للخامِس علمي، مُتميزات بكربلاء..
يحتاج ابدي اقره للسادس؟ حتى لو فصل من كل ماده

✅ اهلا وسهلا
صراحة بكيفكم وأكيد اذا قريتوا هيج احسن الكم لتخفيف الضغط مثلا، ومن تقرون اقروا بجدية يعني امتحانات، مراجعات ومن هذا الأمر....

🔴 شون اتخلص من التوتر والخوف د٢٧ مدا اكدر اسيطر علي ؟ وتنصحنا نحل وزاريات وره من كل موضوع باي ماده ؟ ونصايح عن تنظيم الوقت

✅توتر وخوف؟؟
ست ترة بعد حتى المعاهد ما بادية ليش هذا الخوف والقلق المبكر
اكيد من كلام الناس وترهيبهم بالمرحلة

مرحلة طببعية ما يرادلها شيء بس صبر وتحمل قوي

اما تحلون وزاريات ورة كل موضوع اكيد شغلة حلوة ومطلوبة من الطالب وكلش ممتاز اذا تسووها

اما نصايح عن التنظيم، هي النصايح هواي
بس انتم سووا جدول يومي، اسبوعي، التزموا بي لا تسختون، وقتكم مهم، من تخلصون مهامكم سوو لنفسكم مكافئة ومن هذا الأمر... ومن تقرون ابعدوا عنكم المشتتات

🔴السلام عليكم
اني بالخامس سجلت درسين للسادس الفيزياء
شفت كل المحاضرات بس ما جنت ملتزمة بالامتحانات ابداً بسبب الخامس، فهسة غالباً راح ارجع اسجل عند نفس الاستاذ بس محتارة ارجع اشوف المحاضرات لو ماكو داعي كلش حايرة
و العربي حسيت نفسي تقريباً ضبطته و ما يحتاج ارجع اسجل فحعتمد على الملزمة
صحيح الي دا اسوي لو غلط؟

✅ وعليكم السلام
هو اني جنت اكول ،الخامس يرادله قراية ، ف تدخل مدرسين يرادلك قوة زينة وتوزان بيناتهن

🙂اي شوفوهن المحاضرات، وحتى لو تسرعوهن
🙂ضبطتوه لدرجة الاسئلة الوزارية عرفتوا تحلوهن والادب قريتوه زين مو؟…. اذا هيج ف بكيفكم وسوولكم جدول مراجعة وشرط تلتزمون بي مو تسختون بحجة اني قارية المنهج وعادي اسخت
ديربالكم
وموفقين ان شاء الله🌷

🔴سلام عليكم
اني طالبه 2026 من بدايه سنه حمدالله بالمعهد و بالمدرسه درجاتي زينه بس هسه من داراجع احس بعدني دانسه داراجع مراجعتين و تفكيري شلون حذكره بالامتحان و شلون حقراها بليله امتحان و اخصتن بكلاميات فيزيا انما درجاتي جانت كامله بس احس حنساها

✅ وعليكم السلام
انتم سوو اللي عليكم ان تقرون المادة واما هاي حالتكم طبيعية وراح تتذكرون بالامتحان وليلة الوزاري المادة بشكل طبيعي

هنا همين سألوني تقريبا مثل سؤالكم
https://t.me/SixthDistinguished/7169

🔴 هذا الشهر بديت أختار مدرسين فيز وكيم وعربي راح اسجلهم، لأن مواد صعبة وتحتاج مدرس والباقي يوت
كلت بين ما أثبت على مدرسين اقرأ فصل سهل ومهم من كل مادة: هندسة رياضيات، وراثة أحياء، إسلامية أبحاث. إذا كدرت فرنسي الي اكدر منه  بعده فريش من الخامس، وأدب الجزء الثاني شوي منه.
بس طبعا راح يستغرق وقت يمكن شهر الخامس كله.
صحيح الي أسويه لو ما الحك ومتأخره ولازم هسه ابدأ من بداية المواد؟

✅انخوك هاي متاخر هواي عليكم كلش

عبر هواي وقت، ما اعرف چنه جوابي ما يفيد بعد... بس يلا

🙂رياضيات اوكي
🙂اسلامية أبحاث اوكي
🙂أحياء وراثة هو طويل وحتى تضبيط وتخلصوه مو مال شهر، بس عادي اذا تقرون ربعه وهيج للفائدة

🙂واللي سويتون خطوة كلش ممتازة، ولو جوابي متاخر للاسف

🔴 اني حايرة بالملازم لان اني بكل مراحل القبل معتمدة على ملازم فمتعودة ملازم بس شنو حييل حايرة بالعربي والاحياء والرياضيات
العربي سجلت يم حمزة الجابري بس شو كالولي ملزمته ماتضمن ال100
والاحياء اكدر اعتمد على ملازم نورا الدايني اعتماد كامل
والرياضيات مااعرف احد اصلا
( اني دفعة 27 ) بس سألت هنا 🥲

✅
🙂حمزة الجابري ملزمته ما تضمن ال100؟!
ما ادري بهاي توني سمعتها منكم
وبنفس الوقت ما مطّلع على الملزمة حتى اكدر انطي رأيي😅

🙂الأحياء ما ادري،اني مشكلتي ما مطلع على ملازم بقية الاساتذة لبقية المواد حرامات
ف شوفوا اكثر من رأي طالب اذا تكدرون
اما رأيي حول ملزمة معينة
https://t.me/FifthDistinguished/2291

🙂 الرياضيات جنت على ملازم ومحاضرات ووزاريات قصي العميري وواجباته والحمد لله جبت 100

السلام عليكم
انا طالبة متميزات د27

1️⃣ قبل يومين بلشت كله الكتروني ووياه امتحانات حضوري
🙂الكيمياء حسين الهاشمي
🙂الفيزياء حيدر ديوان
🙂الرياضيات قصي العميري
🙂الاحياء محمد العنزي
🙂العربي راح اسجل يم حمزة الجابري واشتري ملازم عقيل
🙂الفرنسي محمد الكناني
🙂الانكليزي محمد العبيدي وهواي ذموه رغم شفت شرحه الرجال مرتب وحلو وما ناقصه شي وقارنته بشرح استاذ سجاد العبيدي اثنينهم ممتازين ف استمر عليه وهاهيه؟

هذا سؤالي الاول
2️⃣ سؤالي الثاني اريد نصائح للسادس من الالف للياء اشياء كون تفيدني صدك من كلشي(تنظيم الوقت+جدول الدراسة شكم مادة ادرس باليوم وبالاسبوع شكد انطي كل ماده وانا اشتريت سجلات 100 ورقة احتاجهم؟ لو الملزمة تكفي؟ابدي من هسه اقرا وزاريات؟واذا عندك شي يفيدني اكثر ياريت تذكرة
3️⃣ وثالث شي اريد شي يخليني ادرس من صدك وما اخلي الضوجة من اشياء عاديه تصير بيومي تعكر مزاجي وما اقرا وانا صارلي سنتين تقريبا ماهتم للدراسة بس انجح نجاح
ف اريد اجوبة تفيدني من خبرتك وببالي اطلع 99 كلش حلمي😔
وشكرًا مقدمًا واسفة ع ازعاج خويه