🔴القواعد اكدر ما اقراها كلها؟ يعني مثلا بس الاستفهام و النفي بالعطلة و بعدين ابدي عشوائي، اطفر بيهن يعني، لو لازم بالترتيب؟

✅اي عادي مو شرط كلها، هو الثقل الكبير الاستفهام والنفي والتوكيد
البقيات طبيعيات وينكدر عليهن

🔴 السلام عليكم
الاسلاميه كلها داخله الدفعه ٢٧ حتى الشرح كله داخل؟ نكدر نقرا 5 بس من أهم ما ترشد اليه؟؟ ونحصل درجه كامله.

✅وعليكم السلام
اي كلها داخلة طبيعي
اهم ما يرشد اليه مطلوبات ك حديث وسورة مطلوبات، اني جنت احفظهن كلهن

🔴 السلام عليكم سؤالي
• شلون تكون افضل آلية دراسة بالسادس يعني نعامل المادة حالها حال اي تحضير يعني مجرد نعتمد على الامتحانات اليومية مال مدرسينا يعني نقرا المادة الي يشرحوها و نمتحن بيها يومي و من نكمل فصل نمتحن امتحانهم التراكمي هاي هي لو اكو أشياء لازم يقوم بيها الطالب خارج متطلبات المدرس

• اني مسجل فيزياء عند مدرس من الخامس و الاستاذ يمتحن كل تحضير بامتحان يومي و يرد الأنا الاسئلة من الملزمة مالته يعني هل هذا شي صحيح يعني يحتاج ندور مصادر ثانية لان هواي يكولون لتدوخون نفسكم بهذا الشي

✅وعليكم السلام
1️⃣ آلية الدراسة، انو يابة هاي المادة اليوم اخذتها، بعد ما فهمتها وشفت المحاضرة اروح للكتاب/الملزمة اقرا وأحفظ اللي قريته، بعدها يابة مدرسكم اذا يسوي امتحان يومي كلش زين
واذا تراكمي جيد، حتى تراجعون المادة اللي قريتوها مرة ثانية

اي هاي الاشياء الكافية، امتحان يومي، تراكمي، نصف فاينل، فاينل... وطبعا اكو بعد وهي:
🙂تحلون واجبات
🙂تقرون وزاريات شفهي او بإيدكم...
🙂تراجعون بعد للشيء المو كلش مضبطيه هاي من يمكم

2️⃣ الاسئلة تنرد؟
مو خوش شغلة المفروض طبع حالكم حال البقية حتى تشوفون بعينكم

ومصادر ثانية للأسئلة لو شنو ما فهمت؟
انتم اذا قارين المادة ماكو اي سؤال تكدرون تحلونه ان شاء الله ضمن الاسئلة الطبيعية

🔴 تحس الانكليزي والفرنسي لازملهم مُدرسين؟ لو نكدر نضبطهم باليوتيوب؟

✅تدرون هذني درستهن وحدي ملازم وفيديوهات وجبت 100
ف تكدرون بس يرادلكم التزام ودراسة زينة مو تسليكية وتخطيط...

🔴 مساء الخير
اني دفعة 27
سجلت حضوري كل المواد ما عدا اسلامية وانكليزي كلت اقراهم وحدي
اسلامية كلت اجيب ملزمة ساجد العكيلي واقرا عليها بالاضافة للكتاب اكيد

اما الانكليزي صراحة ماعرف منين ابدي وشلون راح ادرسه
وحتى ماعرف يا ملزمة راح اجيب
وهل اقراه على اليوتيوب لو اعتمد ع ملزمة معينة
اتمنى تنطيني رأيك بالموضوع وترشحلي اساتذة ع يوتيوب وملازم اكدر اعتمد عليهم

✅اهلاً وسهلًا

🙂الإسلامية ممتاز 👌
🙂الانكليزي 👍
يابة صدك جذب، شايلين قلق الانكليزي
اني غير بديت اقراه ورة ما بديت معاهد باسابيع
ف لا تشيلون همه صدگ چذب، انتم متميزين

يوتيوب اكو هواي مدرسين يوتيوب، ومثل ما كاتب بالقناة انصح بالاستاذ محمد حسين واكيد وياها ملزمته مثلا

🔴 العفو شلون ادرس الإنكليزي؟
ورا كل محاضره اقره الموضوع اللي بالمحاضرة وامتحن روحي بيه؟
والفرنسي هم ورا كل محاضره اقرا الموضوع؟

✅ اي ورة كل محاضرة تفتحون الملزمة تقروها، تحفظون اللي بيها وتكتبوها بإيدكم
الانكليزي هيج تسوون وتحلون وزاريات همين
الفرنسي تحلون وتكتبون بإيدكم هواي احسن، لأن لغة جديدة وكذا ف الورقة والقلم مهمة بيها
وهمين انتم عندكم وزاريات فرنسي هواي

ف هذن المادتين ما بيهن تعقيد من ناحية دراستهن

🍀السلام عليكم برايك شنو احسن من نبدي ندرس نعتمد على الكتب او على الملازم او يفضل مثلا مواد على الكتب ومواد على الملازم ؟
محيرني الموضوع صراحه لان شفت ناس يقولون خليك ع ملزمه كفد شي واحد لان ليله الامتحان م تلحك وناس تفضل الكتب بس م سالت احد مجرب فعلا شنو احسن شي فاتمنى تجاوبني وهمين موخفني ليله الامتحان واحد شلون ممكن يقره ماده كلها؟ او يلحك وان كان مصدر واحد لو اكو فد اشياء معينه يقراها؟

✅وعليكم السلام،الملزمة ويمك الكتاب تتأكد وتباوع بعينك

و➕والله كريم لليلة الامتحان بعد خير من الله لا تفكر بهيج شغلة من هسة

🔴سلام عليكم ، اذا ادرس الاسلامية والادب كل يومية صفحة وحده واراجعها باليوم الثاني الحق ان شاء الله؟ واكدر اخلص المنهج؟

✅وعليكم السلام
اكيد ان شاء الله

هاي الفكرة هواي فكروا بيها،بس مو كلها طبقتها بشكل كامل الى نهاية العام
ف كونوا متلزمين بهذه الخطة

وهو ان شاء الله الوقت هواي من شهر ستة الى الوزاري مالكم... تلحكون حتى لو ما طبقتوا هاي الخطة غيرها مثلا، و اكيد الالتزام عنوان النجاح

#عطلة

مجلس الوزراء يقرر ما يأتي:

🍀تعطيل الدوام الرسمي من 26 إلى 30 أيار بمناسبة عيد الأضحى، ويُستأنف الدوام يوم 31 أيار.
تعطيل الدوام يوم 4 حزيران بمناسبة عيد الغدير✅🌸.

🔴السلام عليكم..اذا اريد ادرس اسلامية وحدي على ملزمة ساجد العكيلي ..اريد احد بس يمتحني اكو استاذ او قناة بيها بس امتحانات لمادة الاسلامية

🔴السلام عليكم , اني حاير بمسألة توقيت الدراسة , اكو هواي كلولي طريقة التكرار افضل وانجح طريقة لكن ما اعرف هل كل يومية اقرة مادة مختلفة او كل اسبوع لمادة معينة وهكذا, شنو رايك وبشنو تنصحني وشون ؟ لان صراحة حاير بهل موضوع اكثر من المدرسين

✅وعليكم السلام
تشتغل جدول طبيعي، تاخذ مواد طول الاسبوع، تحددلك يوم تسوي مراجعة تراكمية الهن، امتحان الهن، وتكرر الامر، وتوصل لنصف الفصل وتوصل لنهاية الفصل وانت مستمر بالمراجعة والامتحان التراكمي...وهيج تستمر

🔴 اني صف رابع رحت خامس بس بالرابع ماطلعت إعفاء ف ادرس للخامس لو للسادس افضل؟لان طلاب دفعتي كلهم يدرسون سادس ومسجلين معاهد بس خاف مااكدر اطلع إعفاء بالخامس اذا سجلت سادس من هسه؟

✅ موضوع طلاب دفعتج سجلوا، اوكي خليهم يسجلون بس لا تقارنين وياهم

اني بوقتي شفتهم سجلوا بس ما سجلت، لأن كلت ما أتعب نفسي، هي سنة وحدة بالنسبة الي تكفي


تختلف من طالب لطالب، ممكن اكو طالب يحب يسوي هيج ويقرا حتى يخفف الضغط بالسادس عليه
ف اني ما اكدر اكول سجلوا او لا، تعتمد عليكم