🔴السلام عليكم
شنو افضل اسوي دفتر لمسائل الماده مثلا للفيزياء وللكيمياء لو اعتمد عل ملزمه. لان بيها كل المسائل

✅وعليكم السلام
اذا تسوون دفتر مسائل فيزياء، كيمياء.... بالعكس شيء زين

هي المسائل موجودة بالملزمة، اما دفتركم راح تكتبوها مرة ثانية وتخلون ملاحظات ومن هذه الأمور.. وتفيدكم هاي الطريقة
اني سويتها بالرياضيات وفادت
هي صح تاخذ وقت بس إن شاء الله انتم تعرفون شلون تلحون الموضوع بوقتها في حال صار تأخيرات مستقبلية

🔴السلام عليكم
رايدة اسأل عن أساتذة انجليزي و اسلامية كون ما يطولون ويمتحنون زين (رجاءا ما اريد اخلاص)
واذا ادرسهم ذني يوتيوب عادي؟ اني كلش عاجبني ادرسهم يوتيوب واسجل فقط امتحانات
-وهل موجود فقط امتحانات بالإنجليزي؟ ومنو؟ اعرف بس اسلامية

✅وعليكم السلام
🙂اني هذن الاثنين درستهم وحدي وجبت 100

🙂اني انصح دائما بمحمد حسين
اكو محمد النداوي همين

🟣بس موضوع فقط امتحانات ما ادري ما مسوي بحث عليهم

🙂الإسلامية بكيفكم التكرار بيها والامتحانات المنشورة اذا تحبون

🙂والانكليزي ما ببالي مدرس امتحانات لان ما باحث...

🔄اني المشكلة ما مسوي بحث للملازم والمدرسين وهاي
يراد ورة ما اكمل المرحلة الاولى اسوي search للكل

عودة تطبيق التيليكرام الى العمل ✅

🔴اني مسجل حضوري 5 مواد وبقن اسلامية وفرنسي على ابلش بيهن نهاية الخامس او شهر 6
بالنسبة للحضوريات ويه استاذتي ارجع يوتيوب خصوصا الاحياء لان مو كلش مقتنعه بمدرسي لو ميحتاج لان اني خاف تروح مني الاحياء لان مدرسنا يكولون بعدين يكوم ميشرح عدل بالوراثه وحتى هسة بس يأشر هيج بالكتاب بس بعد دفعت الهم مبالغ ماكدر اطلع وهم علمود الامتحانات وشي حضوري فأريد استفاد بالعطلة وما اضيعها
والرياضيات همين هواي يكولون لازم مراجعة فلان وووزاريات علان واني هم اريد اعيد يوتيوب ويه الاستاذ ما احس اضبط بس بوقت المحاضره يعني كلش تشوشت

ابقي الاعادة للدوام لو من هسة؟

✅اهلا وسهلا

🙂حرامات استعجلتوا بالمدرسين، عندكم خير من الله وقت واكثريتهم يبدون شهر ٦

🙂هي كون المواد كلها حضوري
راح يكون اكو تعب كبير، وهنا لازم الطالب شوية يتحمل ويعالج الأمر...

🙂يعني داخلين رياضيات وما جاي تفهمون او تتشوشون؟!
مو خوش شغلة هاي....
ما اعرف شنو ارد بخصوصها

🙂بس لازم تراجعون، تحضرون حضوري
هذا الحضوري لازم تراجعونه وتقرونه، اهم شيء ما يروخ عليكم يوم بدون ما تقرون شيء...
والله يوفقكم ان شاء الله وتسهل اموركم

🔴السلام عليكم
من وين اكدر اعرف المنهج الجديد وشنو التغيير الي صار بي عن السنوات السابقة ؟ لان عندي ملازم سنة ٢.٢٥ وأريد اعرف اذا اكدر اعتمد عليها، للاستاذ حسين الهاشمي ومحمد العنزي بالإضافة إلى بقية المواد

✅وعليكم السلام
https://t.me/FifthDistinguished/2263

بس لازم وضروري ضروري تشوفون الكتاب كل ما تقرون يومي وتقارنون، يجوز اني خطآن....

🔴السلام عليكم عندي سوال بخصوص ملزمة ساجد العكيلي للإسلامية أكدر اعتمد عليها كليًا ؟اني شفت اختلافات شوي مثلا فد اربع اسطر يسويهن تلاثة هيج و مااعرف ينقصون على هيج اشياء

✅وعليكم السلام
اني اعتمدت عليها وجبت كاملة، انتم كذلك بس مع الرجوع للكتاب، لان اكو مرات أشياء تختلف ف عدلوها.....احتياطا

🔴 السلام عليكم
اني دفعة ٢٧ سجلت عند الاستاذ قصي العميري و أريد ادرس الهندسة على اليوتيوب منهج متميزين منو افضل استاذ؟


✅وعليكم السلام
https://t.me/FifthDistinguished/2073

🔴السلام عليكم شنو افضل طريقة لدراسة الاحياء و بالنسبة للإلكتروني اي مدرس تنصح بيه للمحافظات +اني سمعت مدح لملزمة الأستاذ قصي النداوي و ملزمة الأستاذ محمد عبد السلام ف اني متحيرة بينهم

و بالنسبة للإسلامية اي ملازم تنصح بيهم

✅وعليكم السلام
🙂ان مثلا تفهمون اللي جاي تدرسونه عن طريق يوتيوب،او ترسلون الصفحة للذكاء ويشرحها الكم (دكولون اله وضحلي او فهمني) وبعد ما تفهمون تقرون الكتاب او ملزمتكم وتحفظون النص... وتسوون مراجعة نهاية الاسبوع ومراجعات تراكمية وهيج راح تسهل المادة عليكم

🙂اما منو انصح محافظات ف ما عندي اسم
والملزمة لو تشوفون رسائلي دائما امدح بملزمة محمد عبد السلام

🙂الإسلامية، مجاوب بالقناة للاستاذ ساجد...

🔴صباح الخير
اكدر ادرس الفيزيا وحدي على اليوتيوب؟ على محاضرات عصام الشمري ( متميزين )

✅اهلا وسهلا
اي نعم اكيد، وخاصة اذا تلتزمون وتسوون خطة معينة، وتراجعون وتمتحنون نفسكم

🔴السلام عليكم منو افضل برايك عقيل الزبيدي لو عماد حميد كشخص يريد يفهم مو يحفظ ويحل هوايه امثله؟

✅وعليكم السلام
عقيل حسب تجربتي يحل هواية
اما مقارنة ك شرح بيناتهم ما مجرب عماد او شايف شرحه حتى اكدر اقارن...