✅وعليكم السلام
هو اني ما عندي شيء مضبوط بس راح هيج اكتبلك مالاتي للفائدة:
عربي، استاذ عقيل🤩رياضيات استاذ قصي🤩انكليزي استاذ محمد حسين وست سهاد 🤩فرنسي استاذ وقاص 🤩كيمياء استاذ احمد النداوي 🤩فيزياء استاذ محمد علي حسين ومعتز الوادي 🤩اسلامية استاذ ساجد 🤩احياء استاذ محمد عبد السلام وقصي النداوي

🔴سلام عليكم

بالنسبة الفيزياء السادس علمي
مرة نشرت حاولوا درسون ال فصل ال 10 و 7 قبل لتبدي دروس
هل هن مرتبطات ب الفصل السابقة لو لا يعني مياثر انو اني مدارسة الفصول السابقة

وحتى الكيمياء اني عندي مشكلة شوي بالكيمياء وانت نشرت ادرسوا الفصل الثاني إذا ردت ادرس حتى لو نص الفصل ال 7 اكدر لو يعتمد على القبلها حسب ما انت درست وشفت

✅وعليكم السلام
🙂الفيزياء لا هيج للفائدة وحتى من توصلون للكورس الثاني انتم قارينها وعندكم فكرة ومراجعيها مثلا ف تسهل عليكم كلش

🙂اني كلت الفصل الثاني ؟😅ما ادري ما اتذكر هيج كلت😅 خاف قصدكم الكورس الثاني

بالعكس اذا تقرون العضوية كلش زين وممتاز الكم وهي حلوة وما مترابطة واكو مدرسين متميزين شارحيها ف لا تخافون بهذا الجانب وكلش زين اذا قريتوها

طبعا عندي امتحان وما مكمل المادة ، ألتمس دعائكم بالتوفيق🤩🌸

🔴السلام عليكم ورحمة الله وبركاته

برأيك منو الاهم ؟ السمعة لو الشرح

يعني اذا مدرس مو مشهور بس شرحه زين يصير نعوفه ونروح لمدرس مشهور فقط بسبب شهرته ؟

✅وعليكم السلام ورحمة الله وبركاته
هي شوف المدرس اذا شرحه زين ويسوي امتحانات يومية، تراكمية، فاينلات، عنده ملازم، ومثلا واجبات ويتابع الدرجات ومثلا شديد ويعاقب
🙂اكيد شنو المشكلة اذا سجلت يمه
https://t.me/FifthDistinguished/2180

🔴السلام عليكم
1- بس بخصوص ملزمة محمد عبد السلام صديقي اشتراه و شاف بيه جم نقص بس بداية شافه ما استمر مثال بسيط تعريف بروكاريوتك ب كتاب ذاكر in shape and structure ب ملزمة كاتب بس structure
2- ملازم 27 ليمته ينزلن ننتظرهن لو نشتري 26
3-  دخلت عد مدرس عربي حضوري مشهور ب محافظتي بالحضوري و ملزمته كالو ما بيه شي زينه بس ملازم عقيل كلش يمدحون بيه و يكولون استخدموه وين ما ترحون ب عربي احتاريت امشي على ملزمة مدرسي لو اخذ ملازم عقيل من ناحية قواعد احجي
4 - محمد حسين ملزمته و شرحه مدحوه هوايه بس يكولون مو كلش بالقطع و ادب و انشاء على يا ملزمة اقراه و ملازم انكليزي شامله بيه كل شي يعني قواعد و ادب و...
لو أكثر من جزء
و شكرا

✅وعليكم السلام
1️⃣ اني گايل سابقا من تقرا الكتاب وياك كون، حتى وإن كانت الملزمة زينة الواحد يرجع للكتاب ويتأكد اكثر ويصحح في حال اكو ...

2️⃣ صراحة ما أدري، شوف تبليغات قناته من ينشر

3️⃣ ااا ما ادري ما اريد اجبرك
بس مثلا نهاية كل موضوع معين بالاستفهام مثلا، افتح مالت عقيل وشوف الامثلة والوزاريات وشوف نفسك تدرب عليهن ك فائدة...

4️⃣ بخصوص ملزمة شاملة وكل شيء بيها ما ادري، اني قريت على اثنين
https://t.me/FifthDistinguished/2291

5️⃣ وأهلا بيك🩵

🔴السلام عليكم
اني سجلت على كل المواد، بس ردت اعرف انو، صحيح إذا ابدي السلاميه ويه الداوم؟

✅وعليكم السلام
ما أنصح أبد أن تبدون اسلامية وي الدوام
❌✖️✖️❌❌❌

🟣السلام عليكم، اريد استفسر عن استاذ حيدر عبدالائمة شنو رأيكم بشكل عام فيه وهل عنده ملزمة خاصة للمتميزين ؟

🟡وعليكم السلام
ما ادري صراحة اذا قصدكم ك دورة وهيج… اما ك شرح ، ف شرحه زين اتذكر ويفهم
اما هل عنده متميزين ملزمة ، ما متاكد بخصوص هاي بس اتذكر اني شايف ملازم تعود اله

ف اسألوا المساعدين او المكاتب اللي تبيع ملازمه واتأكدوا

🟣السلام عليكم اكو استاذ فرنسي
عنده فقط امتحانات منهج جديد
امتحان الكتروني؟

🟡وعليكم السلام
ما متأكد اذا استاذ وقاص موفر هيج شيء، اسأله واتأكد منه

اجتني اجوبة، ست رنا واستاذ عبد الوهاب عندهم هيج….

🔴السلام عليكم
بلا زحمة سؤال ، الطالب اللي ما يسجل عربي ويقرة 3 مواضيع قواعد بالعطلة ويومية صفحة ادب هل هالشي زين؟ يعني الباقي يكون ماشي ويَ المدرسة القواعد

🙂الادب لازم اخلص مال اول جزء كله بالعطلة؟

✅وعليكم السلام
اوكي ما بيها شيء، وخاصة اذا تمشون بالكلام اللي گايله سابقا
https://t.me/FifthDistinguished/2252
اهم شيء تراجعون تراكمي، او يومي.... وتحلون وزاريات
وعادي تكدرون تدبروها وتجيبون عالية وكاملة ان شاء الله

هو الشغل القوي بأول ثلاث مواضيع تقريبا
نفي استفهام وتوكيد

🙂اذا خلصتوا الجزء الاول بالعطلة وي مراجعات هواي كلش زين
كون توصلون لرأس السنة وانتم مكملين الجزء الأول ونسبة من الثاني فد زينة