🔴افضل ملزمة للفرنسي و الإنكليزي و الاحياء؟

✅✅الأحياء رأيي:
https://t.me/FifthDistinguished/2234

✅ الانكليزي:
اني مجرب استاذ محمد حسين وملزمة ست سهاد محمد، واكو كلام بخصوص القطع مثلا ما يخلي اسئلة للبعض ويكتفي بالوزاريات
هو صح للبعض علما الموضوع جنت اقراه كامل
ف جنت اروح لمال ست سهاد واقرا الاسئلة ومال استاذي مال مدرسة وعادي

✅الفرنسي:
اني ك منهج جديد جنت، على مالت استاذ وقاص اما انت ما اعرف عندك خيارات عديدة، استاذ وقاص، محمد، بعد البقية....

🔴السلام عليكم ورحمة الله وبركاته 🌷

🤩ما شاء الله حساباتكم جدًا مفيدة، أني من الثالث متوسط وأنا أستفاد منها، وهالسنة إن شاء الله صرت سادس. بصراحة الملخصات والأسئلة والملازم كلش ساعدتني، وأسأل الله تكون بميزان حسناتكم وتكون شافعة إلكم 🤍

🤩إذا ما يكون إزعاج، حبيت آخذ من وقتكم نصيحة. أني هسة مكمّلة الخامس، وچنت لازمة عربي وإسلامية وفرنسي وخلصتهن، وبدأت بكيمياء حسين الهاشمي بس للأسف ما التزمت بيها. وللأمانة، فترة الإعدادية كلها تقريبًا كنت أقرأ بس على گد الإعفاء.

🤩هسة حسّيت أن هذا وقت الجد، خصوصًا وأن السادس مرحلة مهمة ومفصلية بحياة الطالب. فحبيت أسأل: شلون الواحد ينظم وقته بشكل صحيح؟ شلون يقرأ بطريقة فعّالة؟ وكل مادة شنو تحتاج من ناحية دراسة وتركيز؟ شنو الخطة المنهجية الي لازم نلتزم بيها

🤩أعرف السؤال مكرر، بس أكون ممتنة جدًا إذا تنطوني من خبرتكم وتوجهوني حتى أمشي بخطة واضحة وما يضيع وقتي ولا يتراكم علي شيء 🙏

✅وعليكم السلام ورحمة الله وبركاته
بوقتها جاوبتكم وشكرتكم على كلامكم الطيب وكلت بفراغي اجاوبكم🌷

🙂اني چنت صراحة اكتب كل يوم الاشياء اللي اقراها، ابدأ حسب الواهس والمادة السهلة والاولية اذا جان عندي امتحان او شيء ثاني...

ف اكتبهن بدفتر أو بالأيباد وابدأ اقرأ
بدون ساعات معينة وجنت ابدأ الصبح واحاول اكمل قبل ال12,11 ومن يوصل لهذا الوقت أعزل القراية

وكل مادة من تقروها انطوها حقها واقروها زين، حتى من تراجعون الموضوع مرة ثانية ما تعانون كلش وتراجعون بشكل اسهل واسرع

وبوقت دراستكم تركزون بالقراية بدون مشتت، ومن تخلصون فد شيء اخذوا استراحة وكذا وارجعوا كملوا.
احس اكو بعد كلام بس هذا اللي اجه ببالي

واهم شيء ما تراكمون ، تحاولون كلش ان ما تراكمون✅

🔴السلام عليكم
اني حيل قويه بالإنكليزي اريد استاذ ما يلح بالأساسيات عاليوتيوب

✅وعليكم السلام
ممكن الأستاذ محمد حسين

🔴بدون زحمة شلون نسوي جدول دراسة يومية
و اوافق بينه و بين ايام الفاينلات

✅الجدول يمك، انت اللي تحدد شنو تقراه بهذا اليوم الفلاني لان ما اكدر اكلك اقرأ كذا مادة باليوم،لان اني جنت مو ثابتة المواد... راسلني بالقناة احولك الجدول اليومي مالي واخذ نظره عليه

🙂اما ايام الفاينلات هاي الله كريم، من يجي يومهن انت خل وقت الك تراجعهن ضمن يومك او تتحضرله قبل ايام مو قبله بيوم تفكر تدرس

🔴السلام عليكم...سالم ال منصور اكدر اعتمد عليه واجيب درجة كاملة دفعة 27 علما اني انتساب ان شاءالله

🙂الكتروني يعني تسجيل عنده وملزمة محمد عبد السلام

✅وعليكم السلام
هي ك ملزمة الأستاذ محمد عبد السلام اكيد زينة

🙂هو اكيد ننصح بمدرس متميزين حتى گبل تدخل لعقلكم الفكرة بس بكيفكم..

اذا جنتوا تفهمون وتحفظون الملزمة وتمتحنون وتجاوبون
ولمن تشوفون وتحلون الوزاري طبيعي
لعد ✅

🔴السلام عليكم
اني طالبة سادس د27 وجنت خاله رياضيات مع د26 يم الأستاذ حيدر وليد ، هو عنده ملزمة واجبات بيها افكار فاكدر اقراها واقرا الوزاريات واكتفي بيهن لو يحتاج اشوف واجبات الأستاذ قصي؟ احس أخاف اتشتت لان تصير المادة هواي

🙂وبالنسبة للفيزيا هم قريت اثرائيات بالمسائل؟ ويحتاج؟

✅وعليكم السلام
انتم لو تشوفون اجوبتي للطلاب دائما انصح بمالات قصي، ف ياريت حتى لو بس نظرة تشوفونهن، وتحلون كم واحد... وعادي بالعكس عقلكم يتوسع

🙂الفيزياء جنت احل واجبات استاذي وجانت اكو يعني افكار واحلهن بس بالوزاري ما ركزت عليهن زين، التهيت بالمنهج والوزاريات القوية

واني اشوف ما يحتاج اذا تردون شوفوهن ومثلا افتهموا الفكرة

🔴هل من الضروري اسوي دفتر ويه استاذ قصي
اني متعلم من الاول من اقره رياضيات اسوي دفتر
بس كاعد اشوف الاستاذ يحذر من هذا الشي يكول يخليك تحفظ الماده واني اريد فهم
ف شنو نصيحتك
وشكرا واسف على الازعاج

✅وعليكم السلام
اني جنت مسوي دفتر، اكتب بي المحاضرة ورة ما اشوفها، ونوب اكتب اسئلة الثنائية وأحلهن... ولحد ما خلصت سادس

وكلش فادني الدفتر، وهمين من اسوي مراجعة اكيد احل بإيدي

ف بعد ما ادري على الكلام اللي يگوله الأستاذ

🔴السلام عليكم
بلا زحمه بس ممكن تقلي يا ملازم مضبوطه بالسادس؟

✅وعليكم السلام
هو اني ما عندي شيء مضبوط بس راح هيج اكتبلك مالاتي للفائدة:
عربي، استاذ عقيل🤩رياضيات استاذ قصي🤩انكليزي استاذ محمد حسين وست سهاد 🤩فرنسي استاذ وقاص 🤩كيمياء استاذ احمد النداوي 🤩فيزياء استاذ محمد علي حسين ومعتز الوادي 🤩اسلامية استاذ ساجد 🤩احياء استاذ محمد عبد السلام وقصي النداوي

🔴سلام عليكم

بالنسبة الفيزياء السادس علمي
مرة نشرت حاولوا درسون ال فصل ال 10 و 7 قبل لتبدي دروس
هل هن مرتبطات ب الفصل السابقة لو لا يعني مياثر انو اني مدارسة الفصول السابقة

وحتى الكيمياء اني عندي مشكلة شوي بالكيمياء وانت نشرت ادرسوا الفصل الثاني إذا ردت ادرس حتى لو نص الفصل ال 7 اكدر لو يعتمد على القبلها حسب ما انت درست وشفت

✅وعليكم السلام
🙂الفيزياء لا هيج للفائدة وحتى من توصلون للكورس الثاني انتم قارينها وعندكم فكرة ومراجعيها مثلا ف تسهل عليكم كلش

🙂اني كلت الفصل الثاني ؟😅ما ادري ما اتذكر هيج كلت😅 خاف قصدكم الكورس الثاني

بالعكس اذا تقرون العضوية كلش زين وممتاز الكم وهي حلوة وما مترابطة واكو مدرسين متميزين شارحيها ف لا تخافون بهذا الجانب وكلش زين اذا قريتوها

طبعا عندي امتحان وما مكمل المادة ، ألتمس دعائكم بالتوفيق🤩🌸