✅ صراحة ما متابع هاي الشغلة، بس اللي اعرفه هو يمكن عنده

ف مثلا روحوا لاحد المساعدين او المكاتب واسألوه بخصوص هاي الشغلة

🔴مرحبا
أريد اقرا أحياء على اليوتيوب محمد العنزي بس احتاج احد يمتحني ويخليني اللتزم تعرفون قنوات تسوي هيج للمتميزين ؟ماريد إلكتروني لان يستمر ويه الدوام

تعديل
ماريد امتحان حضوري
اريد إلكتروني (فقط امتحان)

✅اهلا وسهلا
تمام، اذا بس الكتروني ببالي مدرسين وارسلتهم الكم

🔴شلون نحفظ الإسلامية بالطريقة الصحيحه؟

✅ اللي مجربه هي ان تفهم موضوعك وتظل تكرر بي (التكرار المتباعد)
قريته اليوم، ونوب ورة اسبوع ترجعله مثلا او شهر وهكذا... يعني تظل تكرر بي..

وهمين طالبة جانت عندها فكرة ثانية🤬
https://t.me/FifthDistinguished/2154

🔴السلام عليكم حبيبي سوال شنو افضل مدرسين رياضيات حضوري متميزين

✅وعليكم السلام
صراحة لا علم لدي

🔴ملزمة قواعد حمزة الجابري شلونها؟ والادب هم؟

✅ المشكلة أكثر أسئلتكم عن أشياء ما اعرفها ولا مجربها واني ما اكدر اجاوبكم عنهن

ف اني اعتذر اذا ما جاي انطي اجوبة مفيدة

🔴افضل ملزمة للفرنسي و الإنكليزي و الاحياء؟

✅✅الأحياء رأيي:
https://t.me/FifthDistinguished/2234

✅ الانكليزي:
اني مجرب استاذ محمد حسين وملزمة ست سهاد محمد، واكو كلام بخصوص القطع مثلا ما يخلي اسئلة للبعض ويكتفي بالوزاريات
هو صح للبعض علما الموضوع جنت اقراه كامل
ف جنت اروح لمال ست سهاد واقرا الاسئلة ومال استاذي مال مدرسة وعادي

✅الفرنسي:
اني ك منهج جديد جنت، على مالت استاذ وقاص اما انت ما اعرف عندك خيارات عديدة، استاذ وقاص، محمد، بعد البقية....

🔴السلام عليكم ورحمة الله وبركاته 🌷

🤩ما شاء الله حساباتكم جدًا مفيدة، أني من الثالث متوسط وأنا أستفاد منها، وهالسنة إن شاء الله صرت سادس. بصراحة الملخصات والأسئلة والملازم كلش ساعدتني، وأسأل الله تكون بميزان حسناتكم وتكون شافعة إلكم 🤍

🤩إذا ما يكون إزعاج، حبيت آخذ من وقتكم نصيحة. أني هسة مكمّلة الخامس، وچنت لازمة عربي وإسلامية وفرنسي وخلصتهن، وبدأت بكيمياء حسين الهاشمي بس للأسف ما التزمت بيها. وللأمانة، فترة الإعدادية كلها تقريبًا كنت أقرأ بس على گد الإعفاء.

🤩هسة حسّيت أن هذا وقت الجد، خصوصًا وأن السادس مرحلة مهمة ومفصلية بحياة الطالب. فحبيت أسأل: شلون الواحد ينظم وقته بشكل صحيح؟ شلون يقرأ بطريقة فعّالة؟ وكل مادة شنو تحتاج من ناحية دراسة وتركيز؟ شنو الخطة المنهجية الي لازم نلتزم بيها

🤩أعرف السؤال مكرر، بس أكون ممتنة جدًا إذا تنطوني من خبرتكم وتوجهوني حتى أمشي بخطة واضحة وما يضيع وقتي ولا يتراكم علي شيء 🙏

✅وعليكم السلام ورحمة الله وبركاته
بوقتها جاوبتكم وشكرتكم على كلامكم الطيب وكلت بفراغي اجاوبكم🌷

🙂اني چنت صراحة اكتب كل يوم الاشياء اللي اقراها، ابدأ حسب الواهس والمادة السهلة والاولية اذا جان عندي امتحان او شيء ثاني...

ف اكتبهن بدفتر أو بالأيباد وابدأ اقرأ
بدون ساعات معينة وجنت ابدأ الصبح واحاول اكمل قبل ال12,11 ومن يوصل لهذا الوقت أعزل القراية

وكل مادة من تقروها انطوها حقها واقروها زين، حتى من تراجعون الموضوع مرة ثانية ما تعانون كلش وتراجعون بشكل اسهل واسرع

وبوقت دراستكم تركزون بالقراية بدون مشتت، ومن تخلصون فد شيء اخذوا استراحة وكذا وارجعوا كملوا.
احس اكو بعد كلام بس هذا اللي اجه ببالي

واهم شيء ما تراكمون ، تحاولون كلش ان ما تراكمون✅

🔴السلام عليكم
اني حيل قويه بالإنكليزي اريد استاذ ما يلح بالأساسيات عاليوتيوب

✅وعليكم السلام
ممكن الأستاذ محمد حسين

🔴بدون زحمة شلون نسوي جدول دراسة يومية
و اوافق بينه و بين ايام الفاينلات

✅الجدول يمك، انت اللي تحدد شنو تقراه بهذا اليوم الفلاني لان ما اكدر اكلك اقرأ كذا مادة باليوم،لان اني جنت مو ثابتة المواد... راسلني بالقناة احولك الجدول اليومي مالي واخذ نظره عليه

🙂اما ايام الفاينلات هاي الله كريم، من يجي يومهن انت خل وقت الك تراجعهن ضمن يومك او تتحضرله قبل ايام مو قبله بيوم تفكر تدرس

🔴السلام عليكم...سالم ال منصور اكدر اعتمد عليه واجيب درجة كاملة دفعة 27 علما اني انتساب ان شاءالله

🙂الكتروني يعني تسجيل عنده وملزمة محمد عبد السلام

✅وعليكم السلام
هي ك ملزمة الأستاذ محمد عبد السلام اكيد زينة

🙂هو اكيد ننصح بمدرس متميزين حتى گبل تدخل لعقلكم الفكرة بس بكيفكم..

اذا جنتوا تفهمون وتحفظون الملزمة وتمتحنون وتجاوبون
ولمن تشوفون وتحلون الوزاري طبيعي
لعد ✅

🔴السلام عليكم
اني طالبة سادس د27 وجنت خاله رياضيات مع د26 يم الأستاذ حيدر وليد ، هو عنده ملزمة واجبات بيها افكار فاكدر اقراها واقرا الوزاريات واكتفي بيهن لو يحتاج اشوف واجبات الأستاذ قصي؟ احس أخاف اتشتت لان تصير المادة هواي

🙂وبالنسبة للفيزيا هم قريت اثرائيات بالمسائل؟ ويحتاج؟