🔶 اني دائما أنصح بملزمة الأستاذ محمد عبد السلام كوني مجربها، أما هل البقية مو زينات؟ أكيد لا بس اني اكدر انقل فقط تجربتي

و أنتم حاليا رحتوا للسادس... ف الاحياء اكيد لازم من العطلة تبدون قراية طبيعية حاله حال بقية المواد
حسب جدولكم شوكت تبدون
شهر خامس، سادس..

اما شنو تدرسون هو المفروض تبدون بداية طبيعية

الوراثة اذا تحبون كل ما تقرون المادة مالتكم مثل فصل أول، تقرون شوية عليه على گد صفحة مال ملزمة مثلا
هذا هيج مقترح مني يمي

❇️ السلام عليكم
احمد النداوي اكو مواضيع ميركز عليها او ميشرحها زين و بالنهاية يبدي يشربت المادة لو لا و هم اذا تشوفه تاخر بالمادة لو خلص من وكت وانت جنت حضوري لو الكتروني ؟

🔶 وعليكم السلام
جانت اكو هيج شيء شغلة ما انكر، بس مشت الاوضاع طبيعية، بداية السنة اكيد ممتاز، بس الكورس الثاني تصير المشية سريعة وهذا الشيء وارد

وهذا اللي اقصده عام 2025

اما هاي السنة 2026 ما متأكد اسألوا الطلاب صار هيج شيء او لا بعد

-الكتروني

هي مو مواضيع كاملة، يعني فقرات

وحتى في حال شفتوه تأخر بسنتكم
تكدرون تسبقوه وتقرون فصل سابع وثامن اللي هنه يعتبرن زينات
تشوفون محاضرات 2026 يعني اكو حلول..

نتقدم بأسمى آيات التعازي والمواساة لمقام الإمام الحجة المنتظر (عجل الله تعالى فرجه الشريف) وإلى الأمةِ الإسلاميةِ جمعاءَ في الخامس والعشرين من شوال ذكرى استشهاد قطبُ الرحى ومعلّم الإنسانيّة، منهلُ الشرعة المحمّديّة السرمديّة، نورُ العصمة وربّان المسيرة الإلهيّة، إمامُ أئمة المذاهب، الإمام الهمام أبي عبدالله جعفر بن محمد الصادق عليه السلام .
#٢٥_شوال

❇️ اني رح اسجل حضوري ٣ مواد ان شاء الله و الباقي الكتروني ، تنصحني اقره شي قبل السادس لان ماكو كلش وكت يعني واخاف ما الحك فشنو تنصحني اقره قبل واحد سته حته الحك واسيطر لان ما اكدر اقره اذا اكو سترس و كومه واجبات وامتحانات

🔶 اهلا وسهلا
اذا تكدرون مثلا اقروا كيمياء فصل ثامن، فيزياء فصل ثامن، تاسع
رياضيات فصل سادس، عربي ادب جزء ثاني
فرنسي قواعد تدوين وتقوية ووزاريات....

هيج سوالف وبكيفكم الخيارات الكم....

❇️ الفيزياء والكيمياء كلش حايرة بيهم، ما ادري منو افضل اساتذة للمتميزين حتى اسجل عندهم

🔶 صح اكو خيارات متعددة خاصة الفيزياء...
بس انتم حاليا عندكم ان شاء الله وقت تقريبا فوك الشهر حتى تتمحصون وتقررون منو الاستاذ...
الأسامي موجودة بس ابحث واسأل ولا تستعجل

❇️ السلام عليكم
بس ردت اسأل عن استاذ احمد النداوي ابو الكيمياء شلون شرحه يضل زين لو ويه بدايه المدرسه يكوم يكوم الماده؟وهو زين كمدرس كيمياء ؟

استاذ محمد العنزي شلونه؟اذا احد داخل يمه من قبل خل يكول النه تجربته

🔶 وعليكم السلام
بالنسبة لأستاذ أحمد جاوبت قبل وهو اكيد مدرس زين بس ذكرت تجربتي
https://t.me/FifthDistinguished/2211

اما الأستاذ محمد العنزي ما اكدر اكول عنه شيء لان ما مجربة...

https://t.me/FifthDistinguished/2215
❇️ السلام عليكم
اني انكليزي ما راح ادخل خصوصي ف راح احاول ادرسه هواي بشهر الخامس هو والفرنسي والاسلامية حتى من ابدي خصوصي اكون متقدمة بي وامشي بي براحتي وبالمدرسة هم نفس الشي
اما باقي المواد امشي وي مدرسين الخصوصي ، صحيح هيج لو لا ؟

🔶 وعليكم السلام
كلش طبيعي وعادي واصلا أحسنتم بهذه الخطوة... وأهم شيء لا تتهاونون بالمادة لمن تشوفون نفسكم متقدمين بيها..👏👌

❇️ السلام عليكم سيف

شلونك اخي ان شاء الله بخير

ما اطول عليك عندي كم سؤال
الفيزياء بشكل عام حيرة وعلى فهم الطالب لكن إذا عندك اسماء رشحلي منهم

العربي راح اخذ ملزمة عقيل بس الشرح حاير يم منو واذا عندك اسماء افضل كشرح تكون متفضل

وبالنسبة للفرنسي يم عبد الوهاب شنو رأيك بيه إذا تعرفه

انگليزي ملزمة محمد العبيدي واحياء ملزمة نورا الدايني شنو رأيك

🔶 وعليكم السلام ورحمة الله وبركاته
اهلا وسهلا
الله يسلمك الحمد لله بخير🌸

-شوف عندك مثلا أستاذ معتز يفيدك ك انضباط، بس لازم لازم تشوف شرحه لان يجوز ما يلائمك.. وعندك بعد غير مدرسين اكدر ادزلك اسماء بس ما اكدر اكول الك روح لفلان مدرس لان ما مجرب
وعندك فترة جبيرة مثلا لنص الخامس وتقرر

- العربي، اوكي خيار جيد
اما الشرح اذا قصدك يوتيوب صراحة اكو خير من الله، افتر ودور، مثلا عمار السلامي، ما اتذكر اذا حمزة الجابري عنده يويتوب.. وبعد هواي أسماء

-الفرنسي صراحة يدبر اعتقد عند اي استاذ اذا جنت ملتزم وي الاستاذ مالك
ف شوف شرح عبد الوهاب مثلا واسأل الطلاب السابقين وشوف وعندك خيارات اخرى مثل استاذ محمد علي.... واسماء اخرى موجودة

- ملزمة محمد العبيدي صراحة ما اعرف، اني قريت على استاذ محمد حسين وست سهاد
والاحياء همين ما مجربها😅 بس المفروض زينة كون الاستاذة زينة
بعد مدري

❇️ السلام عليكم
اني د27 متميزين وحايره عند منو ادخل كيمياء
اكو يكولون يم احمد النداوي واكو يكولون حسين الهاشمي
وما اعرف عند منو ادخل ومنو احسن

هممم هواي منكم حايرين هاي الحيرة

🔶 وعليكم السلام
https://t.me/FifthDistinguished/2219
https://t.me/FifthDistinguished/2157
عندكم ان شاء الله خير من الله وقت لحد نص الخامس مثلا وقرروا

المحاضرات للاستاذين يوتيوب موجودات وشوفوهن
وديربالكم من الموسيقى مقدمة المحاضرات

❇️ السلام عليكم،
الي بسنوات سابقة سجلوا إلكتروني عند الاستاذة وجدان علي، ممكن يفيدونا بنصائحهم عن نظامها بالمحاضرات من ناحية ايجابياته والسلبيات

🔶 وعليكم السلام
هو اللي بالقناة طلاب خامس، ف الاكثرية العظمى بعدهم ما مجربين مدرسين ف لازم اسأل بقناة السادس

❇️ السلام عليكم
يصير بالرياضيات مثلا اجيب ملزمه حيدر وليد لو قصي مال المنهج الانكليزي وباليوتيوب اقرة على حيدر وليد بس المنهج العربي؟

شنو اختلاف منهج الرياضيات العربي والانكليزي؟

🔷 ومنو مدرس عربي يشرح زين يوتيوب؟