🔶 بكيفكم اكو مدرسين هواي... وملازم هندسة متميزين كلش هواي
اني بوقتها قريتها منهج عربي يمكن حيدر عبد الأئمة مدري حيدر وليد ويمي ملزمة متميزين وحسين طيارة همين يوتيوب

واكو دفتري كاتب بي بس مبرهنات

❇️ما اريد اسوي انتساب من وره الفرنسي والاسلاميه لا ذيج المره شفت بنات لحد الان مفاتحين الاسلاميه ومقارين منهة شي ف اشوف ممكن بالدوام اضبطهة باليوميات والفرنسي هم ما افتهم بس عله مدرستي واخاف من اسوي انتساب اهمل هالدرسين وبعدين اضل حايرة بوكت المراجعه وبنفس الوكت اكول خاف ما الحك اوازن بين المعهد والمدرسه

🔶 اني ما انكر ان سختت هواي بالاسلامية يعني وصلت لنصف السنة الوحدة الثالثة مو كلش مضبطها
وبالكورس الثاني مو كلش ضبطتهن بس حاولت اقراها وما اتهاون وياها والحمد لله بوقتها اجت الاسئلة واضحة

بس مع ذلك انصح ان تقروها وما تشمروها للمدرسة، اقروها من الصيف

والفرنسي منهجنا بي هواي حفظ ف جنت كل فترة اقرا شوي واراجع وهمين احبها للمادة والحمد لله..

❇️ استاذ شلون قريت الفرنسي بوحدك؟ اعتمدت على ملزمه لو يوتيوب؟

🔶 هاي بوقتها ربحت دورة مجانية كاملة ف استغليتها قبل لا ينسد الكود وسويت اطلاع سريع للمادة
هاي شوكت؟ قبل المعاهد

اما من بدأت فترة السادس
ملزمتي والدليل وبعض الشروحات والحفظ والحمد لله

ولا تنسون حاليا عندكم الذكاء الاصطناعي خوش مساعد يساعدكم من تدزوله الملزمة مالتكم او صورة ودكلوله وضحلي او اشرحلي...

❇️ السلام عليكم الاسلامية قريتها كتاب لو ملزمة و كتاب ؟

ف حاولوا تقروها قبل المدرسة
اما فكرة الانتساب الله كريم مو هسة تخلوها ببالكم...

🔶 وعليكم السلام
جنت كتاب وملزمة
بس لمن انحصرت واندجت الوضعية😅
بس ملزمة

❇️ زين استاذ
بالنسبه للرياضيات اني متعودة على حيدر وليد و تقريبا حاليا اني واصلة وياه لنص الفصل الثالث و دا افتهم عليه بس بقى موضوع خايفة منه انو هو كل شرحة بالعربي بس عندة ملزمة المتميزين و هم يمتحن بالانكليزي ( اقرا على اليوتيوب)
فهل يحتاج اغير و اسجل يم أستاذ قصي كونة يدرس متميزين

🔶 ما ادري صراحة بخصوص هذه،
انتم شوفوا ملازم أستاذ قصي وثنائيته وواجباته اذا تكدرون الهن...لان ما اكدر احدد مصيركم بهذا

❇️ابد مدارسه فرنسي تنصحني ادخل دوره إلكترونيه بس وأضيفه السنه الجايه متردده بشكل من شغلة وهي الدرجه لازم ميه يله تنضاف بدون اسم

🔶 صراحة بكيفكم، بس لا تنسون يتطلب نجاحكم بالمادة
لان اذا تطيحون بيها تعتبرون دور ثاني

وهي مادة خفيفة وحلوة اذا يومية او كل ثلاث ايام تقرون محاضرة
وهمين تفيد
تجيبون 88 تجيكم درجة كاملة
اني الحمد لله اخذت كاملة وخلتني انقبل بجامعة كلش زينة

❇️ التسخيت شنو علاجه احب اقرا كلش بس بسبب مثلا مرات يصير تراكم او تعب ف يصير عندي كسل وبالتالي اسخت

🔶 هسة اني جامعة ما انكر جاي اسخت تسخيت
يا محمد ابد ما مسخت هيج، بس احاول اوعي نفسي ان لازم اقرأ واني طالب متميزين ومن هذه الأمور وترة اندم وراها اذا اجيب درجة مو زينة


ف انتم سادس يعني التسخيت ابد مو بصالحكم
اني سختت هواي رحت دور ثاني😅
ف ديروبالكم وحاولوا اوقاا فراغاكم تقرون قران، محاضرات دينية
اني ختمت القران بالسادس واكيد هذا الشيء كلش زين وممتاز الكم

ما اعرف چنه جوابي عشوائي

طبعا هواي جاي يراسلون ما شاء الله😅
شوية شوية جاي اجاوب عليكم
اسالوني اذا عندكم
ترة بعد ما تلزموني لان وراي كومة امتحانات😂

❇️ الهندسة ماتنسي اذا قريتها بهاي الفترة منا لحد نهاية السادس ؟؟

🔶 قصدكم بس بهاي الفترة؟
هو اكيد اي شيء تقرونه ينسي اذا ما تسووله مراجعة دورية وكذا...
ف سوولها مراجعة ورة شهر، اسابيع وهيج...

❇️ شلون ابدي ادرس اصلا احس عقلي ماجاي يستوعب وما اتحمل دقيقه دراسه المواد اني مو من جماعة الاعفاء ومن هسة بلشنا معهد جمعة وسبت اني دخلت حضوري لان مو قويه بالالتزام بوحدي وهذا الوقت الوحيد اللي يبلشون بيه وراح نبقى لحد 5/2 كعد بس وقت الامتحانات لذلك خبطت عندي خامس وسادس وجنت من اليكولون من يجي السادس نقرا بس ماجاي يرجع عقلي ولا اكدر ادرس

🔶 حرامات لو ماخذين استراحة قبل المعاهد على الأقل .... صراحة ما اعرف شنو أگول بس الله يوفقكم..

❇️ ثانوية الذرى لحد هسه ماكملنا امتحانات شهر اول بعدلنه سته، ادري شوكت نستلم اعفائات شوكت نبلش سادس

🔶 الله يعينكم
اني اتذكر عشرينات ونهايات الرابع استلمنا الاعفاء يمكن
ف بلكي انتم قبل الخامس گاعدين على الاقل تاخذلك استراحة شيء..