❇️ استاذ ممكن تنشر كل مادة و احسن استاذ انسجل عندة بالسادس بدون زحمة؟

🔶طبعا هذا السؤال جاي يتكرر هواي
اما اني ما أگدر اكتبلكم مجموعة أسماء واكول هذول واختاروا، لان اني ما عندي تجربة وياهم ولا معرفة كلية

اما تجربتي وي اللي اختاريتهم اي ممكن، راسلوني عليها

❇️ بديتو تدرسون من يا شهر ؟
اني اعفاء ادرس من شهر الرابع لو انتظر ويا المدرسين شهر سادس؟

🔶 هو من خلصت الخامس كانت اكو مدة طويلة للشهر السادس
ف استغليتها قريت بعض الأشياء
ومثبت الرسالة عليها👇
https://t.me/FifthDistinguished/1457

وبعدها وصلنا لفترة السادس وبدأت المعاهد والدروس الإلكترونية بعد..

❇️ هو لازم ناخذ استراحة اقل شي يعني للسادس؟

🔶 اني اتذكر الفترة بين الخامس والسادس اكيد استراحيت بيها
ومن قريت هاي اللستة جنت اقرأ على راحتي همين بدون اي ضغط اهم شيء الراحة....
https://t.me/FifthDistinguished/1457

❇️ سؤال الفصل السادس الهندسة على منو نقراه منهج متميزين

اقصد فترة الإعفاء على منو اقرا الهندسة

🔶 بكيفكم اكو مدرسين هواي... وملازم هندسة متميزين كلش هواي
اني بوقتها قريتها منهج عربي يمكن حيدر عبد الأئمة مدري حيدر وليد ويمي ملزمة متميزين وحسين طيارة همين يوتيوب

واكو دفتري كاتب بي بس مبرهنات

❇️ما اريد اسوي انتساب من وره الفرنسي والاسلاميه لا ذيج المره شفت بنات لحد الان مفاتحين الاسلاميه ومقارين منهة شي ف اشوف ممكن بالدوام اضبطهة باليوميات والفرنسي هم ما افتهم بس عله مدرستي واخاف من اسوي انتساب اهمل هالدرسين وبعدين اضل حايرة بوكت المراجعه وبنفس الوكت اكول خاف ما الحك اوازن بين المعهد والمدرسه

🔶 اني ما انكر ان سختت هواي بالاسلامية يعني وصلت لنصف السنة الوحدة الثالثة مو كلش مضبطها
وبالكورس الثاني مو كلش ضبطتهن بس حاولت اقراها وما اتهاون وياها والحمد لله بوقتها اجت الاسئلة واضحة

بس مع ذلك انصح ان تقروها وما تشمروها للمدرسة، اقروها من الصيف

والفرنسي منهجنا بي هواي حفظ ف جنت كل فترة اقرا شوي واراجع وهمين احبها للمادة والحمد لله..

❇️ استاذ شلون قريت الفرنسي بوحدك؟ اعتمدت على ملزمه لو يوتيوب؟

🔶 هاي بوقتها ربحت دورة مجانية كاملة ف استغليتها قبل لا ينسد الكود وسويت اطلاع سريع للمادة
هاي شوكت؟ قبل المعاهد

اما من بدأت فترة السادس
ملزمتي والدليل وبعض الشروحات والحفظ والحمد لله

ولا تنسون حاليا عندكم الذكاء الاصطناعي خوش مساعد يساعدكم من تدزوله الملزمة مالتكم او صورة ودكلوله وضحلي او اشرحلي...

❇️ السلام عليكم الاسلامية قريتها كتاب لو ملزمة و كتاب ؟

ف حاولوا تقروها قبل المدرسة
اما فكرة الانتساب الله كريم مو هسة تخلوها ببالكم...

🔶 وعليكم السلام
جنت كتاب وملزمة
بس لمن انحصرت واندجت الوضعية😅
بس ملزمة

❇️ زين استاذ
بالنسبه للرياضيات اني متعودة على حيدر وليد و تقريبا حاليا اني واصلة وياه لنص الفصل الثالث و دا افتهم عليه بس بقى موضوع خايفة منه انو هو كل شرحة بالعربي بس عندة ملزمة المتميزين و هم يمتحن بالانكليزي ( اقرا على اليوتيوب)
فهل يحتاج اغير و اسجل يم أستاذ قصي كونة يدرس متميزين

🔶 ما ادري صراحة بخصوص هذه،
انتم شوفوا ملازم أستاذ قصي وثنائيته وواجباته اذا تكدرون الهن...لان ما اكدر احدد مصيركم بهذا

❇️ابد مدارسه فرنسي تنصحني ادخل دوره إلكترونيه بس وأضيفه السنه الجايه متردده بشكل من شغلة وهي الدرجه لازم ميه يله تنضاف بدون اسم

🔶 صراحة بكيفكم، بس لا تنسون يتطلب نجاحكم بالمادة
لان اذا تطيحون بيها تعتبرون دور ثاني

وهي مادة خفيفة وحلوة اذا يومية او كل ثلاث ايام تقرون محاضرة
وهمين تفيد
تجيبون 88 تجيكم درجة كاملة
اني الحمد لله اخذت كاملة وخلتني انقبل بجامعة كلش زينة

❇️ التسخيت شنو علاجه احب اقرا كلش بس بسبب مثلا مرات يصير تراكم او تعب ف يصير عندي كسل وبالتالي اسخت

🔶 هسة اني جامعة ما انكر جاي اسخت تسخيت
يا محمد ابد ما مسخت هيج، بس احاول اوعي نفسي ان لازم اقرأ واني طالب متميزين ومن هذه الأمور وترة اندم وراها اذا اجيب درجة مو زينة


ف انتم سادس يعني التسخيت ابد مو بصالحكم
اني سختت هواي رحت دور ثاني😅
ف ديروبالكم وحاولوا اوقاا فراغاكم تقرون قران، محاضرات دينية
اني ختمت القران بالسادس واكيد هذا الشيء كلش زين وممتاز الكم

ما اعرف چنه جوابي عشوائي