ا اتحرىٰ مدت الجود من كف البخيل
‏السلامه مكسب الطيب يا مال الغناة .

الحاجه اللي ماتجينا على الكيف
‏عسى عوضها دعوّةٍ مستجابه

صغار الجمايل في عيون الكبار كبار
‏ وكبار الجمايل فالرديين مجحوده

مايخفف ضغط الأيام وظروف الحياه
‏غير قرب اللي تحبه .. وتستانس معه .

‏عن ضجيج الناس واحداث الليال المستمره
‏ودي ابعد عن مدى الانظار لو اني لحالي

‏ماورا كثر العلوم الدارجه " غير التشره "
‏يوم ترضي لك قريب ويوم يزعل منك غالي .

لاتقوم تحط نفسك تحت رحمة حظك
‏اجتهد وان طاح حظك حط رجلك فوقه .

لا عاد تنشد ... على الدنيا وش اللي جراء
‏اكثر عقول البشر .... فـ العولمه تالفه

‏حتى القصيد ... الجماعه كلبوها شعراء
‏اللي معه علم .... واللي مامعه سالفه

‏⁧ #راشد_فاروع⁩

لاعاد تستغرب إذا شفت تغيير
‏أنا بشر مخلوق في التغير
‏لكن عسانا نزيد بالطيب والخير
‏للي يجي مضيوم وإلا مسير
‏واللي يقلبها على غير تدبير
‏أما جهل وإلا هبيلً مطير
‏أحيان صمتك فيه حشمه وتقدير
‏وأحيان صمتك فيه ضعف وتذير

البقى لله والدنيا مساعيها مساعي
‏كل ما ذقنا مرارتها طمعنا في حلاها .

أحدن على ربعه شجرته مظله
‏وأحدن على ربعه سموم ولواهيب
‏ٰ
‏وأحدن وجوده بس بلشه وعله
‏وأحدن وجوده يبري الجرح ويطيب .

الجماله تهزع المتن بالحمل الثقيل
‏تملك الرجال وتسنّده وتحدّره

‏وكان ماعانك زمانك على رد الجميل
‏الجميل اللي ماتقدر ترده قدّره

‏- راشد بن قطيما

لا صرت بالنيّة نزيه المساعي
‏بالله توكل لا تهاب المقادير .

والله إنّي يوم أقفّي وأتركه؛ ما ودِّي
‏مير هاقي بهْ يراضيني ولا راضاني .

مواقف الطيب محسوبه ومشهوده
‏ورجلٍ بلا طيب لا يذكر ولا يحسب

‏واللي كسبها بعرفه قبل مجهوده
‏فعايله طيّبه " ومجالسه مكسب " .

عـدوّك البيّن ابرك لك من الخافـي
‏اللي يعاديك ويِسمّك على الصامت

‏الوجه وجه الصديق المخلص الوافي
‏والقلب قلب العدوّ الحاقد الشامت

على الله تهون وكل عقده .. لها حلال
‏عليك الصبر والله يفرّج شقى خلقه .

لا يمتلي وجهك من الحزن والخوف
‏وجهك حرام يمرّه " اليوم الاقشر " .

ربعي هل المسجد اللي فأوّل صفوفه
‏حتى لو ان بعضهم ما اعرف أساميهم .

يالجناب الدمث مدري يالجناب الليّن
‏لاتعاملني بـ أنانيّه ولا سطحيّه

‏أعتبر قلبي فقير ومعسر ومتديّن
‏وانت قلبك راعي الجمعيّه الخيريّه

الصباح اللي يجدد ، شوقي المتمادي
‏والله انه من صباحات العذاب الكبرى .