Borgan sari yozishga erinchoqlik paydo bo'layotgani uchun, ko'proq yozish maqsadida telegram kanalimni yana ochishga qaror qildim.

Aslida sal oldinroq avvalgi kanalni o'chirgandim.

Balki bu kanal ham o'char, balki niyat qilganimdek yozarman, hozircha buni bilmayman.

Ko'raylikchi, nima bo'lar ekan.

Kanalning ochilishi Qurbon hayiti ayyomiga to'g'ri kelganida ham yaxshilikka.

Alloh barchamizga madadkor bo'lsin 🤲

11 yil oldin abituriyent edim. Kecha abituriyentlardan imtihon oldim.

Kimnidir baholash juda qiyin ekan. Do‘stim Jamshid Xoliqulov, akam Azamat Murodov, ustozim Muhrim A’zamxo‘jayevlar va kamina bu borada juda qiynaldik.

Qaniydi bizning vaqtimizda ham shunday bo‘lsa, qaniydi. Chunki yuqoridagi insonlarning barchasi qattiq o‘ylab, fikrlab baho qo‘yishdi. Kimningdir haqqiga xiyonat qilishdan qo‘rqishdi. Munosiblarga munosib, munosib bo‘lmaganlarga esa o‘ziga munosib bo‘lgan tushuntirish berishdi.

Men esa umumiy 7 abituriyent bilan suhbatlashdim. Barchasiga salohiyatiga mos baholarni qo‘ydim. Uchtasiga maksimal 31 ball qo‘ydim. Eng muhimi, ularning barchasida sohaga katta qiziqish bor edi. Shu qiziqish so‘nmasa, Xudo xohlasa ular zo‘r internet jurnalisti bo‘lishadi.

Ayrimlari kamida 3 yillik tajribaga ega jurnalist, bittasi byudjetda o‘qiydigan talaba, lekin o‘qishini tashlab UzJOKUga topshirayotgan ekan. Yana biri, adashmasam 17 yoshli qizcha, lekin amaliyotlarda juda pishgan, unga ishonch bildirilsa sohani hozirdan eplab ketishi mumkin edi. Bular 31 balliklar. Qolganlari ham o‘ziga xos qobilyatga ega yigit, qizlar edi.

Bitta abituriyent qiz meni uyaltirdi. Balki qiyinroq savollar berdimmi, xullas “men UzJokuda o‘qib, jurnalist bo‘lish uchun imtihonga kelganman, jurnalist bo‘lib emas”, dedi. Uni yaxshi tushundim.

Har bir qo‘ygan ballimga vijdonim oldida javob bera olaman. Albatta baholash me’zonlariga amal qilgan holda baholadim.

Eh sening yoshliging menda bo‘lsaydi…

Rahmatli ustozim Farhod Hayitov abiturentning omadi unga imtihonga biladigan savollarining tushishida, omadli bo‘lish uchun esa hamma kitoblarni bilish kerak, derdilar. Sizlarga omad yor bo‘lsin, ilohim.

UzJOKU malades.

Kimgadir baho qo‘yish baribir qiyin ekan.

P/s: bir gapni yozmasam portlab ketaman. Universitetga kirganim baxtim. Ammo umrimning eng shijoatli, o‘qiganim toshga o‘yilgan naqshdek bo‘ladigan abituriyentlik davrimni, ayniqsa DTM va uning qiyin, juda ham qiyin savollar tuzgan insonlaridan butun umr rozi emasman.

Hayotim davomida deyarli foydasi tegmaydigan bilimlarga juda katta, umrim davomida takrorlanmaydigan kuchimni sarf qildirganidan noroziman. Essiz abituriyentligimdagi 7 yil, essiz.

▪️Fotolar

👉 https://t.me/FeruzMuhammad

​Мистер Бин ва Феруз Муҳаммад.

Ёшлигида Роун Аткинсон жуда кўп рад жавобини олган, чунки унда нутқида нуқсони бор эди, дудуқланиш ва баъзи ҳарфларни айта олмаслик.

Лекин у буни уддалади.

Бир неча йилдан кейин у ўзининг шахсий “Мистер Бин” шоусини яратди. Роун Аткинсоннинг жуда ажойиб бир гапи бор: “баъзан бизнинг нуқсон деб ўйлайдиган нарсаларимиз, бизни бошқалардан ажратиб қўяди ва бизни севиб қолишларига асос бўлади.”

———

Ўзимизда ҳам мана шунга ўхшаш мисол бор, “IntervyuTV” ютуб канали асосчиси Феруз Муҳаммадни ҳам кўп жойга тилидаги чучуклиги сабаб ишга олишмаган. Жуда кўпчилик нутқидаги нуқсони билан ҳам журналистикага кирса бўлади, бошқа иш қилса бўлади-ку деб ўзига ҳам, изидан ҳам гапиришган, лекин унинг каналини ҳозир миллионлар кўради.

Қайсидир ҳаммаси жойида журналист умуман ютубда канал ҳам очолмас, унинг қилган кўрсатувларини ҳеч ким кўрмас, лекин Ферузнинг интервьюларини миллионлаб одам томоша қилади.

Шунинг учун нуқсоним бор, менда бу ўхшамайди деб ўйламанг, сиз нуқсонларни модага айлантира оласиз, бировлар гапираверади, доимо олға ҳаракат қилинг.

@bektoshkhatamov

Kaminani juda katta biznesmen Bektosh Hatamov maqtabdilar.

Juda xursand bo'ldim. Umuman kutmagandim. Katta rahmat aka 🤲🥺